Dlulela kumxholo

UAirbnb 2021

Izinto eziyi-100 eziphuculiweyo

UAirbnb 2021

Izinto eziyi-100 eziphuculiweyo

Ubhetyebhetye obenzelwe ubomi bokuhamba obutsha

1. Nokuba kuphi

Indlela entsha yokufumana kweendwendwe iindawo ezahlukileyo ebezinokuziphosa.

2. Ezibufana

Ziquka izindlu ezingathi ncamatshi kwaphela kwinto ekhangelwayo, ukuze iindwendwe ziboniswe ezingakumbi.

3. Iintsuku ezinokutshintshwa

Ngoku iindwendwe zingakhangela izinto ezintsha, ukususela kwiholide yempela-veki ukuya kwiindawo zokuhlala ixesha elingangenyanga nangaphezulu.

Kuba lula kundwendwe lutsho lukhathazeke

4. Ezibawelwayo Ezidityanisiweyo

Ingqokelela zeendawo onokuhlala kuzo Nezinto Ezinokonwatyelwa—ukuqala Ngokubethwa Ngumoya Phandle.

5. Isikhokelo sokufika

Inkcazelo yokufika edingwa zindwendwe, ukususela kwindlela yokuya ukuya kutsho kwi-wifi, yonke ifumaneka kwindawo enye ngoku.

6. Inkqubo ekhawuleza ngakumbi yokubhatala

Siwanciphisile amanyathelo afunekayo ukuze iindwendwe ezintsha ziqinisekise ukubhukisha kwazo kokuqala.

7. Ukubhalisa kwifomu

Ngoku iindwendwe ezifika okokuqala zingavula iakhawunti ka-Airbnb lula ngexesha ezibhukisha okokuqala ngalo.

8. Ibha yokuhluza

Kulula ngoku ukubona ezona zihluzi zithandwayo xa ukhangela indlu ekulungeleyo.

9. Imenu yezihluzi ephuculiweyo

Imida emitsha nephuculiweyo yokukhangela ukuze izinto ozikhangelayo zicace zize zibe lula ngakumbi.

10. Iindlela zokuhluza ezihambelana namaxesha onyaka

Izihluzi ezihambelana nomxholo ziyavela xa kulixesha lazo lonyaka—ngokomzekelo, ukutyibiliza kwikhephu xa usiya okanye ubuya.

11. Iindlela zokuhluza ezihambelana nommandla othile

Iindlela zokuhluza ngoku zivela kuphela ukuba ziyahambelana nalapho undwendwe olukhetha ukuya khona.

12. Iinkcukacha zezinto ezinokusetyenziswa

Iinkcukacha ezingakumbi zezinto ezinokusetyenziswa, ezinjengokuba iziko libaswa ngegesi okanye ngeenkuni.

13. Iimpawu ezintsha

Uyakwazi ukubona ulwandle? Ibhayisekile emileyo? Ezi nkcukacha ziluncedo ngoku ziyabonakala ezindlini.

14. Ukuhlaziywa kwemephu ngokuzenzekelayo

Zigcina iziphumo zokukhangela zihleli ngaphambili nasembindini kwimephu ngoxa ukhangela.

15. Iipini ezincamethelayo

Iipini zemephu azizuphinda zivele zinyamalale zize ziphinde zivele ngoxa usazuma okanye usajika. Intle!

16. Ii-icons zemephu eziphuculweyo

Iimpawu zemephu ezenziwe ntsha ziveza iindawo ezithandwayo nezinye izinto xa kukhangelwa.

17. Izinto Ezinokonwatyelwa Ezikufuphi

Imephu ngoku iveza iindawo ezikuyo Izinto Ezinokonwatyelwa zakwa-Airbnb ukusuka kwindawo oluza kuhlala kuyo undwendwe.

18. Imephu egcwalisa isikrini kwikhompyutha

Ngaphambili ibifumaneka efowunini kuphela kwiselfowuni, iimephu ezigcwalisa isikrini ngoku zenza ukhangele izinto ezininzi ekhompyutheni.

19. Ukukhangela kweendwendwe

Imenyu yeendwendwe entsha izivumela ziye ngqo kwiindawo, Izinto Ezinokonwatyelwa, ukuba Ngumbuki Zindwendwe nokunye.

20. Izihluzi zokungena

Izihluzi ezilandelelaniswe ngendlela entsha zenza kube lula ukufumana iindawo ezineendlela zokungena.

21. Kuhoywe kakhulu indlela yokungena

Ukwanda kweendawo Nezinto Ezinokonwatyelwa ekungeneka lula kuzo kuAirbnb.

22. Iindawo ezingaqhelekanga ekungeneka lula kuzo

Iindawo ezingaqhelekanga ezingakumbi ezinezinto ezenza kube lula ukungena kuzo ukuze sizifikelele ngakumbi izinto ezidingwa yintsapho yethu.

23. Isihluzi sezinto ezinokonwatyelwa

Isihluzi esitsha sivumela iindwendwe zikhangele izinto ezenziwayo oya ubuqu kuzo ezineendlela zokungena.

24. Izinto Ezinokonwatyelwa Ezintsha eziquka wonke umntu

Izinto zokwenza ezikwi-intanethi noya ubuqu kuzo ezenzelwe ukuba ziquke nabantu abaneziphene.

25. Amaxabiso omkhathaleli

Ababuki Zindwendwe Bezinto Ezinokonwatyelwa abababhatalisi abantu abahoya nabanceda iindwendwe ezineziphene.

26. Bethwa Ngumoya Phandle

Iindawo zokuhlala Nezinto Ezinokonwatyelwa ezikusa kwindawo epholileyo engqongwe yindalo.

27. Ukubonisa nabanye Ezibawelwayo Ezidityanisiweyo

Bonisa abahlobo, iintsapho nabantu abakulandelayo Ezibawelayo zakwa-Airbnb ozithandayo kumajelo okuncokola.

28. Ukurhoxa kucace nangakumbi

Iipolisi zokurhoxa zihlaziyiwe ukuze zicace ngakumbi kwiindwendwe Nakubabuki Zindwendwe

29. Amacebiso okuceba uhambo

Ngoxa iindwendwe ziceba ukuba ziza kuhlala phi, ziye zicetyiswe Ngezinto Ezinokonwatyelwa ezifanelekileyo.

30. Izinto onokuzenza

Ithebhu Yohambo ngoku icebisa ngezinto zokwenza ezimnandi nezikufuphi ngoxa ukuhambo.

31. Amacebiso ombuki zindwendwe

Ababuki zindwendwe banokuthumelela iindwendwe zabo ezikhoyo amacebiso Ngezinto Ezinokonwatyelwa ezikufuphi ezifumanekayo ngoxa zisahleli.

32. Ilayisensi Yezinto Ezinokonwatyelwa

Zinceda ekuqinisekiseni ukuba ilayisensi nenkcazelo yeinshorensi Yombuki Zindwendwe Yezinto Ezinokonwatyelwa ezifana nezesikhephe zisexesheni.

33. Iingcaciso zezinto ezinokonwatyelwa

Ababuki zindwendwe bezinto ezinokonwatyelwa banokulungisa iingcaciso zabo lula ukuze zichane.

34. Iqela lingela lula ngakumbi

Kulula ngakumbi kunangaphambili ukuba abantu osebenza nabo bathathe iindawo zabo Kwinto Enokonwatyelwa Kwi-intanethi yeqela.

35. Ababuki Zindwendwe Bezinto Ezinokonwatyelwa Kwi-intanethi

Intsapho Yababuki Zindwendwe ezinikele ngokukhethekileyo kwintsapho yethu esakhulayo Yababuki Zindwendwe Bezinto Ezinokonwatyelwa Kwi-intanethi.

36. Amaxabiso afanele iintsapho

Ababuki Zindwendwe Bezinto Ezinokonwatyelwa banganikezela ngezaphulelo ngoku ukuze kube lula ukuba iintsapho ezingakumbi zibe nenxaxheba.

37. Uluhlu lwamakhaya akhethekileyo

Kufakwe uluhlu oluzintlobo eziyi-9 lweendawo ezahlukileyo onokukhetha kuzo—ukususela kwizindlu zezi mini ezenziwe ngodaka ukuya kutsho kwiinqwelo.

38. Iindawo ezahlukileyo kwindalo

Uluhlu olutsha lweendawo ezahlukileyo ezikwindalo—ukususela kwiintente ezirawundi ukuya kwiifama.

39. Iindawo zokuhlala ezikufutshane nezinto ezibangela umdla

Iindwendwe zinokufumana iindawo kufuphi nento ekhethekileyo, njengengxangxasi okanye indawo yewayini.

Iindlela ezilula zokubuka iindwendwe—ukususela ekubhaliseni ukuya kwiSuperhost

40. Siyakwamkela kwiphepha lokubuka iindwendwe

Yenziwe yantsha ukuze ibancede ngakumbi Ababuki Zindwendwe xa beqalisa.

41. Yiba Ngumbuki Zindwendwe ngamanyathelo ayi-10

Akuzange kube lula kangaka ukufaka indawo yakho kuAirbnb, uze uncedwe xa uyifaka.

42. Ithebhu ethi Namhlanje

Indlela entsha Yababuki Zindwendwe yokulawula ukubhukisha, imisebenzi nezinye izinto kwindawo enye.

43. Izinto eziluncedo Zababuki Zindwendwe Bezinto Ezinokonwatyelwa

Iphepha elihlaziyiweyo elithi "Ukuba Ngumbuki Zindwendwe" lineendawo nezinto eziluncedo ezintsha Zababuki Zindwendwe Bezinto Ezinokonwatyelwa.

44. Ubungqina bababuki zindwendwe

Amanqaku neevidiyo zokunceda Ababuki Zindwendwe abatsha nabadala.

45. Lithini ixabiso elifanelekileyo lendawo yam?

I-calculator ehlaziyiweyo ikunceda uqikelele ingeniso yendawo yakho ngokukhawuleza.

46. Yenza Izinto Ezinokonwatyelwa lula

Inkqubo yokubhalisa engenabugocigoci yenza kube lula ukuba ube Ngumbuki Zindwendwe Wezinto Ezinokonwatyelwa.

47. Iividiyo Zezinto Ezinokonwatyelwa

Ababuki Zindwendwe Bezinto Ezinokonwatyelwa Abaninzi ngoku bayakwazi ukufaka iividiyo ukuze babonise abanye into yabo abayithanda nyhani.

48. Inkcazelo efakwe ngokuzenzekelayo

Iinkcukacha zendlu ezikwinkcazelo yezindlu yomntu wonke zinceda Ababuki Zindwendwe bakhawuleze bafake iindawo zabo.

49. Zifake lula izinto ezinokusetyenziswa

Amaphawu azotyiweyo enza kube lula ukukhetha nokuveza izinto zendlu ezibalulekileyo.

50. Ukulandelelanisa iifoto ngokuzenzekelayo

Iimodeli zokubona zekhompyutha eziphucukileyo zihlola iifoto zize zizilandelelanise ngeyona ndlela eziza kubonakala ngcono ngayo.

51. Isihloko esicetyiswayo

Icebiso elithunyelwa ngomyalezo lokwenza isihloko sendlu esibangela umdla ngokusekelwe kwinkcazelo enikezelweyo.

52. Ukuqalisa ingcaciso

Linceda Ababuki Zindwendwe abatsha ukuba bachaze ngokukhawuleza izinto ezenza izindlu zabo zohluke kwaye zinqweneleke.

53. Indlela elula yokubeka amaxabiso

Ukubeka ixabiso elifanelekileyo lendlu yakho akunabugocigoci ibe kulula ngoku.

54. Ixabiso eliphantsi ukuya kweliphezulu elicetyiswayo

Ngoku sikunika uqikelelo lomyinge wamaxabiso endlu yakho ngokusekelwe kwizindlu ezifana neyakho.

55. Imibulelo

Senze lula elinye lamanyathelo asekugqibeleni kwenkqubo yokufaka indlu.

56. Ukuyijonga kuqala ngaphambi kokuyifaka ibonakale

Bona kwangaphambili yonke indlela indlu yakho entsha eza kuvela ngayo kwiindwendwe. Ekugqibeleni!

57. Ukwamkelwa kwendlu okutsha

Xa uyigqiba indlu yakho entsha, uSandy noBrian baza kube belapho ukuze bavuyisane neso sihlandlo.

58. Isikhokelo Esitsha Sababuki Zindwendwe

Amanqaku anceda Ababuki Zindwendwe abatsha kuyo yonke inkqubo yokuqalisa.

59. Intshayelelo yeeklasi zokubuka iindwendwe

Iiklasi ezikwi-intanethi ezikhokelwa ziSuperhost zinceda Ababuki Zindwendwe abatsha baqalise ngokukhawuleza.

60. Ukucetyiswa ngokobuqu

Ababuki Zindwendwe abatsha abaya kwiiklasi ezikwi-intanethi banokuthumela i-imeyile kwiiSuperhost ngqo ukuze bafumane uncedo olungiselelwe bona ngokukhethekileyo.

61. Buza kwiSuperhost

Xa kufakwa indlu, Umbuki Zindwendwe omtsha angafumana amacebiso ngokubhalela iSuperhost ecaleni.

62. Amacebiso okubuka iindwendwe ngempumelelo

Ababuki Zindwendwe banokubhalisela Izinto Ezinokonwatyelwa Kwi-intanethi ukuze bafunde Kubabuki Zindwendwe abanamava.

63. Lungela ukufika kondwendwe lwakho lokuqala

Emva kokufaka indawo entsha ize ibonakale, ulwalathiso lufumaneka kumanyathelo alandelayo—afana nokubeka imithetho yekhaya.

64. Iikhalenda namaxabiso alungele wena

Ababuki Zindwendwe abatsha bacetyiswa ngendlela yokufumana ukubhukishwa abakufunayo ngexabiso abalilindeleyo.

65. Qinisekisa indlela iindwendwe ezibhukisha ngayo

Ababuki Zindwendwe banokufaka izinto abazifunayo kwiindwendwe ezibhukishayo, njengokuba kufuneka zinconywe ngabanye Ababuki Zindwendwe.

66. Khetha indlela oza kubhatalwa ngayo

Umyalezo onesilumkiso othunyelwa ngokuzenzekelayo ukhumbuza Ababuki Zindwendwe abatsha ukuba bafake indlela abaza kubhatalwa ngayo, ukuze babhatalwe kuselithuba.

67. Izicelo zokubhukisha

Ithebhu ethi Namhlanje yenza ukuba Ababuki Zindwendwe babone izicelo nemibuzo yokubhukisha engekahoywa.

68. Ukubhukishwa kwakho

Ithebhu ethi Namhlanje yenza nokuba Ababuki Zindwendwe babone ukubhukisha kondwendwe okukhoyo ngoku nokusezayo apha phambi kwabo.

69. Iilinki ezikhawulezayo

Ithebhu ethi Namhlanje yenza indlela elula yokuba Ababuki Zindwendwe bafikelele kwizixhobo zamaxabiso nezokufumaneka.

70. Iindaba nezinto ezintsha zombuki zindwendwe

Amanqaku ancedayo kwithebhu ethi Namhlanje anamacebisa ngokubuka iindwendwe ngendlela ephumelelayo.

71. Imiyalezo yokulumkisa Yombuki Zindwendwe

Imiyalezo iqinisekisa ukuba Ababuki Zindwendwe bayakhunjuzwa ngayo nantoni na ekufuneka beyihoyile.

72. Ukuthumela imiyalezo ngokukhawuleza

Imiyalezo ephakathi kweendwendwe Nababuki Zindwendwe ngoku ivela ngokukhawuleza ngakumbi ngokuphindwe kayi-10.

73. Ukukhangela kwimiyalezo

Ivumela Ababuki Zindwendwe bayifumane ngolula imiyalezo kwiindawo yemiyalezo ngokubaneendlela zokukhangela ezahlukahlukeneyo.

74. Izihluzi zemiyalezo ezintsha

Izinto ezihlaziyiweyo kwimiyalezo zenza ukuba Ababuki Zindwendwe bakwazi ukuhluza imiyalezo—kuqula naleyo engekafundwa.

75. Iimpendulo Ezikhawulezayo zakho

Ngoku ababuki zindwendwe bangazenzela lula Iimpendulo Ezikhawulezayo zemibuzo eqhelekileyo.

76. Imiyalezo ebekelwe ixesha

Yenza imiyalezo ethumela ngokuzenzekelayo imiyalezo ethetha kamnandi yokukhumbuza, njengemiyalelo yaxa kuphunywa.

77. Ulwazi lokubuka iindwendwe

Ithebhu Yolwazi inenkcazelo ngokwenzekayo ekuhlaleni ukuze Ababuki Zindwendwe bazi ngamathuba.

78. Ulwazi Ngezinto Ezinokonwatyelwa

Indawo Yababuki Zindwendwe Bezinokonwatyelwa enengeniso, imilinganiselo, njl.

79. Indlela yokunikezela ngoluvo lula

Indlela elula yokuba iindwendwe zifake izimvo zokuba bekunjani ezinenkcazelo eluncelo Kubabuki Zindwendwe.

80. Izimvo ezineenkcukacha

Izikhokelo zezimvo zinceda undwendwe lufakele izimvo ezincedayo nezichaza okungakumbi.

81. Uluhlu lokuba bekunjani olungaphezu kolunye

Uluhlu olutsha kwizimvo ukuze iindwendwe zifake ushwankathelo lwento yonke ngokuhlala kwazo.

82. Izimvo ezihlaziyiweyo

Iindwendwe zinokuthetha ngakumbi, zigxeke, zincome, okanye zifake umlinganiselo...ekugqibeleni!

83. Impumelelo ngomsebenzi onzima Wombuki Zindwendwe

Amanani amatsha enza uvuyele yonke into ukususela kwinani leendwendwe oye wazibuka ukuya kutsho kwizinto oye wazonwabela.

84. Izinto eziphambili ekubukeni iindwendwe onokuzibonisa nabanye

Indlela entsha yokuba Ababuki Zindwendwe babonise abanye baze bavuyele amanani omsebenzi wabo onzima kumajelo okuncokola.

85. Iinkcukacha zombuki zindwendwe

Iinkcukacha zendlu ziyenza icace into eyenza Umbuki Zindwendwe nendawo zohluke.

Uncedo olukwizinga eliphezulu lwentsapho yethu esemhlabeni wonke

86. Iziko Loncedo elenziwe ngokutsha

Indlela elula yokukhangela kwiZiko loNcedo elinoncedo olupheleleyo lweendwendwe Nelababuki Zindwendwe.

87. Izisombululo ezikrelekrele

Isikhokelo esenzelwe wena sinceda iindwendwe nababuki zindwendwe ukuba basombulule lula iingxaki eziqhelekileyo ngamanyathelo ambalwa.

88. Imiyalezo yokubhatala

Yonke imiyalezo yokubhatala yondwendwe ngoku ikwindawo enye nekulula ukuyifumana.

89. Izinto eziluncedo zokhuseleko eziphuculiweyo

Uncedo ngoxa ukuhambo lunenombolo yemizuzwana eyi-30, enetoliki ngeelwimi ezininzi.

90. Inkcazelo yemeko yongxamiseko yasekuhlaleni

Inkcazelo yasekuhlaleni ngeenkonzo zongxamiseko zomlilo, zamapolisa neyeengcali zezonyango longxamiseko kwiingingqi ezininzi.

91. Ukwandiswa koncedo olungxamisekileyo

Uncedo olungxamisekileyo ngoxa ukuhambo ngoku lufumaneka ngeelwimi ezininzi.

92. Ukuncedwa kweeSuperhost

Uncedo lweeSuperhosts olutsha—eMntla Merika kuqala, nakwezinye iindawo ungekapheli unyaka.

93. Uncedo Lwenkokheli Ekuhlaleni

Uncedo olutsha olubeka phambili Iinkokheli Zababuki Zindwendwe Ekuhlaleni.

94. Uncedo ebudeni bohambo

Indlela engcono yokunceda iindwendwe Nababuki Zindwendwe ngexesha lohambo lwabo ngenkcazelo ebalulekileyo.

95. Ukukhangela kwindawo yonke

Khangela ngaxeshanye kwizinto zonke zoncedo zika-Airbnb ube neempendulo ngokukhawuleza.

96. Uncedo olukhetheke nangakumbi

Amanqaku oncedo enziwe alula anikezela ngenkcazelo echanileyo—kwindawo nangexesha adingeka ngalo.

97. Isikhokelo sokulungisa ingxaki

Uncedo lwenyathelo ngalinye lokucombulula iingxaki eziqhelekileyo zohambo njengezinto ezinokusetyenziswa ezaphukileyo okanye ezingekhoyo.

98. Indawo yeepolisi zentsapho

Iipolisi ezicace nezilula ngakumbi zikwindawo enye Kwiziko Loncedo.

99. Izixhobo Zejelo Lesixeko

Izixhobo zokunceda amagosa alawule iipolisi zokuqeshisa ixesha elifutshane nemithetho.

100. Hlola okutsha ngesikhalazo

Ipolisi evumela Ababuki Zindwendwe baphikise izimvo zendwendwe ezophula umthetho weepati.

101. Abantu abancedayo abangakumbi

Siliphindile inani labancedi emhlabeni wonke ukuze siyisebenzele bhetele intsapho yethu.

102. Uncedo ngeelwimi ezingakumbi

Sizandisile iilwimi ezifumanekayo esinceda ngazo zasuka kweziyi-11 zaya kweziyi-42.

103. Izinto zababuki zindwendwe

Kwimenyu Yababuki Zindwendwe entsha baya ngqo kuncedo, izindlu, kubuSuperhost nakwezinye.

Ixesha lokukhululwa nokufumaneka lisenokwahluka ngokuya ngendawo.