Izinto Zokunceda Abantu Ababhukishayo

Qala ngezinto ezibalulekileyo

Ukuze ufumane ezona ziphumo zichanileyo qala ukukhangela ngokukhetha indawo oya kuyo, iintsuku oza kungena uze uphume ngazo nenani leendwendwe xa ziphelele qho.

Emva kokufumana iziphumo zokukhangela zezinto ezibalulekileyo, ungakhetha izihluzi ezingakumbi ukuba uyafuna.

Izihluzi ezongezelelekileyo

Cofa kwizihluzi ezithandwayo ezifana Nohlobo lwendawo okanye Ixabiso kwiphepha leziphumo zokukhangela okanye ukhethe Izihluzi ezingakumbi ukuze uveze zonke izihluzi onokukhetha kuzo.

Sisoloko sizama ukwenza kube lula ngakumbi ukuba ufumane into oyikhangelayo ibe izihluzi ziza kuqhubeka zitshintsha ekuhambeni kwexesha Nalu uludwe lwezinye zezinto onokukhetha kuzo ezinokufumaneka xa ukhangela:

• Uhlobo lwendawo: Khetha kwiindawo ezifana nendlu yonke okanye igumbi lokulala
• Ixabiso: Sebenzisa iskali onokusisa ekhohlo okanye ekunene ukuze ufumane izindlu ezihambelana namaxabiso akho
• Ukurhoxisa okunokutshintshwa: Veza iindawo zokuhlala ezinepolisi ethi ukubhukisha kunokutshintshwa
• Amagumbi neebhedi: Khetha inani lamagumbi okulala, amagumbi okuhlambela okanye iibhedi ozidingayo kuhambo lwakho
• Uvel' Ubhukishe: Fumana iindawo onokuzibhukisha ngaphandle kokulinda kuvume umbuki zindwendwe
• Izinto ezinokusetyenziswa: Khetha izinto ezinokusetyenziswa ozifunayo kwindawo oza kuhlala kuyo, njengekhitshi okanye iTV
• Izinto ezikhoyo: Khetha kwizinto ezikhoyo njengejimu okanye ipuli
• Ukulungela wonke umntu: Khetha izinto ozidingayo ukuze uhamba-hambe endaweni ukhululekile nangokukhuselekileyo
• Iindawo kwizixeko ezikhulu: Xa zifumaneka, khetha iindawo zedolophu onomdla kakhulu kuzo
• Ulwimi lombuki zindwendwe: Khetha ababuki zindwendwe abathetha ulwimi olwaziyo
• Imithetho yekhaya: Khangela iindawo ezivumela izilwanyana zasekhaya

Emva kokuba ukhethe indawo oya kuyo, ufake iintsuku oza kungena uze uphume ngazo waza wafaka nenani elipheleleyo leendwendwe, ungafaka izihluzi ezingakumbi ukuze ufumane izinto eziyenza ilungele wonke umntu ozifunayo.

Khetha indawo ethi “Izihluzi Ezingakumbi” kwiphepha lokukhangela.

Khangela Kwicandelo lezinto ezinceda ilungele wonke umntu uze ukhethe indawo ethi “Khetha izinto zendawo yakho yokuhlala.”

Khetha izihluzi ezizifikelelayo izinto ozifunayo.

Icebiso: Ukuze uphucule iziphumo zokukhangela, kuyanceda ukukhetha ezona zinto zibalulekileyo ezinceda ilungele wonke umntu uze uhlole indlu nganye ukuze uqiniseke ukuba iyazifikelela zonke izinto ozifunayo.

Iziphumo zokukhangela ziza kubonisa izindlu ezinezihluzi zezinto ezinceda ilungele wonke umntu ozikhethileyo. Khetha indlu onomdla kuyo ukuze ufunde ingcaciso yendlu, izimvo zeendwendwe zangaphambili okanye ubuke iifoto.

Yehla uye ezantsi ukuze uhlole iifoto kwicandelo lezinto ezinceda ilungele wonke umntu.

Ukuba awuqinisekanga okanye unezinto ezikuxhalabisayo, nanga amacebiso nemizekelo yemibuzo eluncedo osenokuyibuza umbuki zindwendwe:

• Qinisekisa ukuba unika umbuki zindwendwe imilinganiselo oyidingayo kwezi zinto zilandelayo:
  • Ububanzi bomnyango wokungena endlini, kwigumbi lokulala nakwigumbi lokuhlambela
  • Indawo ejikeleze ibhedi
  • Indawo ejikeleze igumbi lokuhlambela
• Zikhona izitepsi ekufuneka uzinyuke ukuze ungene kwigumbi lokulala okanye lokuhlambela kumgangatho ophantsi wale ndlu?
• Ungayicacisa indlela esuka esitratweni okanye ecaleni kwendlela ukuya kwindawo yokungena engaphambili? Zikhona izitepsi, indawo enyukayo, igrabile, njl.?
• Ifenitshala iyakwazi ukususwa (iitafile ezincinci, ii-ottoman, njl.) ukuze kubekho indawo engakumbi yokujikeleza?
• Kukhanya ngokwaneleyo kwindawo yokungena yendlu ukuze iindwendwe ezingaboni kakuhle zincedakale?
• Unayo incwadi ekubonisa iindawo okanye imithetho yekhaya ye-elektroniki?

Ukuba iziphumo zakho zokukhangela zilinganiselwe, ungalibali ukuba ababuki zindwendwe abanyanzelekanga ukuba bafake izinto ezinceda ilungele wonke umntu, ngoko basenokungayifaki le nkcazelo. Ungazama ukwandisa izinto ozikhangelayo ngaphandle kwezihluzi zezinto ezinceda ilungele wonke umntu. Nokuba indlu ayinazo izinto ezinceda ilungele wonke umntu ezikhethiweyo, loo nto ayithethi ukuba azikho. Ukuba ufumana indlu enokukulungela, kungakuhle ukuqhakamshelana nombuki zindwendwe ukuze uqonde ukuba ingakulungela na.

Emva kokukhetha indlu, yiya kwiphepha lokubhatala.

Inyathelo 1: Khetha uhambo lomsebenzi xa ubhatala

Ukuze ubhukishele omnye umntu indlu, kufuneka ukhethe ukubhukisha njengohambo lomsebenzi.
Khetha iqhosha elithi “Ngaba olu luhambo lomsebenzi?”

Inyathelo 2: Bhukishela omnye umntu le ndawo

Khetha indawo ethi “Faka” kwindawo ethi “Bhukishela omnye umntu le ndawo” ukuze uqalise ukukhangela umhambi othile.

Inyathelo 3: Khangela igama lomhambi

Sebenzisa indawo yokukhangela ukuze ufumane umhambi kwinkampani yakho ngegama okanye ngedilesi yeimeyile. Ukuba igama okanye i-imeyile yomhambi ayiveli okanye ayikho kwinkampani yakho, khetha indawo ethi “Faka umhambi omtsha”.

Inyathelo 4: Qinisekisa umhambi

Emva kokuba umfumene okanye umfakile umhambi, cofa indawo ethi “Gcina” ukuze umfake koko kubhukisha.

Kwezinye iimeko, abahambi kusenokufuneka benze iprofayile yabo yakwa-Airbnb, bakunike imvume yokubhukisha egameni labo, okanye bavule iakhawunti yakwa-Airbnb. Ungabi naxhala—ungakugqibezela ukubhukisha okwangoku ibe siza kunceda wena nomhambi ngendlela yokugqibezela ezinye izinto.

Inyathelo 5: Gqibezela ukubhukisha

Umhambi ngoku ufakiwe koku kubhukisha. Gqibezela ukubhukisha ngokukhetha indawo ethi “Qinisekisa uze ubhatale”

Inyathelo 6: Isiqinisekiso Sokubhukisha

Xa la manyathelo angasentla egqityiwe, uza kufumana umyalezo wokuqinisekisa.

Uza kufumana nesiqinisekiso nge-imeyile.

Ukuba umhambi ombhukishelayo kufuneka agqibezele amanyathelo angakumbi, siza kukwazisa ngemeko yawo size sithumelele umhambi isikhumbuzo sokuba agqibezele iprofayile yakhe.

Molo <Host>,

ndiyathemba ukuba usuku lwakho luhamba kakuhle.

Ndisebenza njengoMcebi Wohambo ibe ndicinga ukuba indawo yakho ingalufanela undwendwe lwethu olubaluleke kakhulu.
Ungakwazi ukuqinisekisa ezi nkcukacha zilandelayo?

Akukho ndawo yakhiwayo kufuphi enokwenza kubekho ingxolo ebudeni bexesha eliza kuhlalwa?

Ungaqinisekisa umgama phakathi kwendlu kunye &;Nendawo undwendwe oluza kumane lusiya kuyo>

&;Nawuphi na umbuzo onento yokwenza nezinto ezidingwa lundwendwe ngokukhethekileyo – ngokomzekelo: Ngaba indlu inazo izinto zasekhitshini ezisisiseko, izilwanyana zasekhaya zivumelekile na, iindwendwe ziyakwazi ukuzingenela ngaphandle kokudibana nomntu, njl.njl,>

Nceda undichazele ukuba unemibuzo, ndikulungele ukuyiphendula.

Enkosi,

Umcebi Wohambo