Superhost: Ukuphawula abona babalaseleyo ekubukeni iindwendwe
Inkqubo yeeSuperhost ivuyisana ize ivuze ababuki zindwendwe abakumgangatho ophezulu baka-Airbnb nabanamava kakhulu.
Jonga ukuba uqhuba njani
Indlela okunceda ngayo ukuba yiSuperhost
Xa uyiSuperhost, uza kubonakala ngakumbi, unokwenza imali engakumbi uze ufumane imivuzo ekhethekileyo. Le yindlela esikubulela ngayo ngokubuka kwakho iindwendwe ngendlela esemagqabini.
Yamkela iindwendwe ezingakumbi
Ukuphawulwa zindwendwe kunokukhokelela ekubhukishweni ngakumbi kweeSuperhost — zize zifumane imali engakumbi.
Bonakala ukuba ukhethekile
Iindwendwe ziyathemba ukuba iiSuperhost ngabona babuki zindwendwe bahamba phambili. Ii-imeyile zethu zentengiso neebheji zeSuperhost zibanceda babonakale nangakumbi.
Fumana imivuzo ekhethekileyo
IiSuperhost zifumana ikuphoni ka-Airbnb eyi$100 nyaka ngamnye ngokuqhubeka zizizo. Kwaye xa zimema Umbuki Zindwendwe omtsha ukuba avule iakhawunti, iiSuperhost zifumana ibhonasi eyi-20% eyongezelelwa kwibhonasi yesiqhelo yokumema.
Indlela yokuba yiSuperhost
Qho emva kweenyanga eziyi-3, siye sijonge ukuba uzifikelele na ezi zinto zifunekayo zilandelayo kunyaka odlulileyo.* Ukuba uzifikelele, uza kwenziwa iSuperhost okanye uqhubeke uyiyo.
umlinganiselo uwonke ube ngu-4,8 nangaphezulu
IiSuperhost zinomlinganiselo xa uwonke ongu-4,8 nangaphezulu ngokutsho kwezimvo zeendwendwe zazo zika-Airbnb zonyaka ophelileyo. Iindwendwe ziyayazi ukuba zinokulindela ukwamkelwa ngendlela esemagqabini ngaba babuki zindwendwe.
Kuhlalwe izihlandlo eziyi-10 nangaphezulu
IiSuperhost ziye zamkela iindwendwe ubuncinane izihlandlo eziyi-10 kunyaka odlulileyo okanye iintsuku eziyi-100 kwizihlandlo ubuncinane eziyi-3 ekuhlalwe ngazo. Iindwendwe zakho zinokukuthemba xa ungumbuki zindwendwe onamava.
Ungaphantsi kwe-1% umlinganiselo wokurhoxa
IiSuperhost zirhoxisa izihlandlo ezingaphantsi kwe-1%, zingaqukwanga iimeko ezingenakuncedwa. Le nto ithetha ukuba ababuki zindwendwe ababhukishwe izihlandlo ezingaphantsi kweziyi-100 ngonyaka khange barhoxise. Ukunqaba kokurhoxisa kuthetha ukuba iindwendwe zingaphola engqondweni.
Umlinganiselo wokuphendula ongu-90%
IiSuperhost ziphendula i-90% yemiyalezo emitsha zingaphelanga iiyure eziyi-24. Xa iindwendwe zikubuza imibuzo, ziyazi ukuba impendulo ekhawulezileyo iyeza.
Iimpendulo zemibuzo yakho
Kuza kwenzeka ntoni ukuba kufuneka ndirhoxe ngenxa yemeko yongxamiseko?
Ukuba kufuneka urhoxise ukubhukisha ngenxa yemeko engxamisekileyo okanye ngenxa yesizathu esingenakuphepheka, jonga ukuba eso sizathu siqukiwe na kwiimeko onganakuzinceda. Ukuba kunjalo, awuzukohlwaywa ibe ukurhoxisa kwakho akuzukuchaphazela ukufanelekela kwakho ukuba yiSuperhost. Qiniseka ukuba uqhakamshelana noAirbnb zingekapheli iintsuku eziyi-14 emva kokurhoxisa indawo obuyibhukishile ukuze ufake ibango (okanye ngaphambi kokufika kondwendwe lwakho olulandelayo). Usenokucelwa ukuba uthumele amaxwebhu kuAirbnb ukuze ahlolwe.Funda ngepolisi ka-Airbnb yemeko ongenakuyinceda.
Kufuneka ndibe ngumbuki zindwendwe ubuncinane unyaka ukuze ndibe yiSuperhost?
Akukho xesha libekiweyo lokufanelekela ukuba ubeyiSuperhost. Ukuba nje uyazifikelela zonke izinto ezifunekayo ngaphambi kwexesha lokuhlolwa (okwenzeka qho kwinyanga eziyi-3), ungayiyo iSuperhost.Qho xa sijonga ukuba uzifikelele izinto ezifunekayo ukuze ube yiSuperhost, sijonga kunyaka odlulileyo obubuka ngawo iindwendwe ukuze sibone ukuba uqhube njani.
Ngaba kufuneka ndifake isicelo?
Ukuba uyazifikelela izinto ezifunekayo kwinkqubo ngomhla wokuhlolwa, ngokuzenzekelayo uza kuba yiSuperhost—akuzufuneka ufake isicelo.Siza kukuxelela ngemeko yakho ekupheleni kwexesha lokuhlola. Kusenokuthatha iveki eyi-1 ukuba ibheji yakho yokuba yiSuperhost ibonakale kwindlu yakho.Funda okungakumbi ngokuba yiSuperhost.
