Iimali ezibhatalelwa ukusebenzisa uAirbnb

Ukuze sincede uAirbnb ahambe kakuhle aze ahlawule iindleko zeenkonzo ezifana nenkxaso yabathengi imini nobusuku, sibiza imali yeenkonzo xa ukubhukisha kuqinisekisiwe.

Kukho izakhiwo eziyi-2 ezahlukeneyo ezimele zibhatalwe xa kuza kuhlalwa: imali eyahlulahluliweyo nemali Yombuki Zindwendwe kuphela.

1. Imali yokwahlula-hlula

Esi sakhiwo semali omele uyibhatale yeyona ixhaphakile ibe yahlulwe phakathi koMbuki Zindwendwe nondwendwe.

Imali yombuki zindwendwe

Ababuki Zindwendwe abaninzi babhatala imali eyi-3%, kodwa abanye babhatala imali engakumbi, kuquka:

• Ababuki zindwendwe abanezindlu zaseItali
• Ababuki zindwendwe abaneepolisi zokurhoxa ezingqongqo kakhulu

Le mali ibalwa kwimali epheleleyo yokubhukisha (ixabiso losuku + nemali yokucoca nemali eyongezelelekileyo yondwendwe, ukuba ikhona-ukuquka iimali ezimele zibhatalwe zika-Airbnb) ibe itsalwa ngokuzenzekelayo kwimali emele ibhatalwe Umbuki Zindwendwe.

Ukuze uhlole imali yeenkonzo xa ubhukisha:

1. Yiya kwimbali yeNtlawulo
2. Khetha ikhowudi yokubhukisha
3. Ngaphantsi Kwemali Yokubhatalwa, fumana Imali Yeenkonzo Zakwa-Airbnb

Imali yondwendwe

Uninzi lwemali yeenkonzo zeendwendwe lingaphantsi kwe-14.2% yesambuku sokubhukisha (ixabiso losuku + nemali yokucoca nemali eyongezelelekileyo yondwendwe, ukuba ikhona-ukuquka iimali ezimele zibhatalwe zika-Airbnb kunye neerhafu). Le mali ibhatalwayo iyahluka ngokusekelwe kwizinto ezahlukahlukeneyo kwaye iboniswa ngexesha lokuphuma ngaphambi kokuba ubhukishe ukuze wazi ukuba ulindele ntoni. Kwezinye iindawo zokuhlala ezingaphezu kweenyanga ezintathu, imali yeenkonzo zeendwendwe zakwa-Airbnb iyancitshiswa emva kwenyanga yesithathu.

2. Imali emele ibhatalwe ngababuki zindwendwe kuphela

Ngesi sakhiwo, yonke imali emele ibhatalwe kutsalwa kuMbuki Zindwendwe. Ngokuqhelekileyo yi-14-16%, nangona Ababuki Zindwendwe abaneepolisi Zokurhoxa Ezingqongqo Kakhulu basenokubhatala imali engakumbi, ibe imali yokuhlala iintsuku ezingangenyanga isenokuba ngaphantsi.

Le mali inyanzelekile kwizindlu eziqhelekileyo zokubuka iindwendwe-amahotele, iiflethi okanye izindlu ezikwicomplex ezinomntu oncedisayo, njl., kunye nababuki zindwendwe abakonekthwe nge-software (ngaphandle kokuba izindlu zabo ezininzi ziseMerika, eKhanada, eBahamas, eMexico, eArgentina, eTaiwan, okanye eUruguay). 

Iindleko zeVAT

Kuxhomekeka kwimithetho yolawulo olubandakanyekayo, i-VAT isenokusebenza kwezi mali zingasentla. Imali yeenkonzo iquka i-VAT, apho ikhona.

Sinelungelo lokutshintsha imali yethu yeenkonzo nanini na, kwaye siza kukunika isaziso sangaphambili sokutshintsha kwemali ngaphambi kokuba isebenze. Naluphi na utshintsho lwemali omele uyibhatale aluzukuchaphazela ukubhukisha okwenziwe ngaphambi kosuku olusebenzayo lokutshintsha kwemali emele ibhatalwe.