Ukuba ngummelwane olungileyo

Intlonipho kufuneka idlulele nakwabanye abantu abangeyiyo intsapho yakwa-Airbnb abakufutshane nathi. Loo ntlonipho iquka ukuphepha ukuphazamisa abamelwane ngeendibano eziphazamisayo, ingxolo, okanye ukuziphatha okanye ukwenza izinto ezicaphukisayo.

Izinto esizivumelayo

• Imithetho ebekwe ngababuki zindwendwe: Sikhuthaza Ababuki Zindwendwe ukuba bazicacise kakuhle izinto abazilindeleyo kwiindwendwe zabo kwimithetho yabo yekhaya, kwinkcazelo yendlu, nakwimiyalezo abayifumanayo nabayithumelayo kwa-Airbnb. UAirbnb ubeka eyona milanganiselo iphantsi, kodwa Ababuki Zindwendwe bamele bacinge ngokufaka inkcazelo eyongezelelekileyo okanye izikhokelo ezenzelwe ingingqi yabo.
• Amatheko amashishini okubuka iindwendwe: Ngamashishini okubuka iindwendwe kuphela anjengeehotele okanye indawo yokuhlala enesidlo sakusasa ezinokuba namatheko amakhulu, ukuba phofu awabaphazamisi abantu abahlala kufutshane okanye awadiki ekuhlaleni.

Izinto esingazivumeliyo

• Amatheko aphazamisayo: Amatheko asongela ukhuseleko okanye aphazamisa abantu abakufutshane akavumelekanga, kungakhathaliseki ukuba makhulu kangakanani. Funda okungakumbi ngemithetho yethu engokuphazanyiswa kwentsapho, kuquka imithetho yethu engeepati namatheko aphazamisayo.
• “Izindlu eziba neepati”: Ngaphandle kokuba baneshishini lokubuka iindwendwe, Ababuki Zindwendwe abafanelanga bakhuthaze okanye bavumele iindibano eziphazamisayo, iipati, okanye amatheko kwinkcazelo yezindlu zabo okanye kwenye indawo.
• Ukudika ekuhlaleni: Indlela yokuziphatha nokwenza izinto eziphazamisayo equka ukutshaya ngokugqithiseleyo kufutshane nabamelwane okanye ukutshayela kwiindawo ekungavunyelwanga ukutshayela kuzo, ukulahla inkunkuma, ukungxola kakhulu, okanye ukuvala indlela engena kwindlu yommelwane akuvumelekanga.

Silapha ukuze sikuncede

Ukuba wena okanye omnye umntu niziva nisengozini okanye ningakhuselekanga, nceda uqale uqhakamshelane namagunya ezomthetho asekuhlaleni ukuze ucele uncedo. Ukongezelela, ukuba ubona okanye kwenzeka into kuwe engahambisani nepolisi yethu, nceda usazise.