Into elindelekileyo kuBabuki Zindwendwe nakwiindawo zabo

Mbuki Zindwendwe ngamnye umele azifikelele ezi zinto zifunekayo zisisiseko ukuze iindwendwe zakhe zibe nexesha elimnandi nezilonwabeleyo.

Izinto esingazivumeliyo

• Ukubuka iindwendwe ngaphandle kwemvume okanye iilayisensi ezifunekayo: UAirbnb ufuna bonke Ababuki Zindwendwe babe ngababuki zindwendwe abavumelekileyo baze Ababuki Zindwendwe bathobele yonke imithetho esebenzayo.
• Ukungancokoli kakuhle: Ababuki zindwendwe kufuneka baphendule baze bakulungele ukuphendula imibuzo evela kwiindwendwe ngexesha elifanelekileyo ukuba lilindelwe baze balandele nawaphi na amanyathelo afunekayo akwa-Airbnb ukuze balungise iingxaki.
• Izindlu ezingachananga: Indlu Yombuki Zindwendwe, indawo ekuyo, uhlobo lwendlu, ukuba abantu baba bodwa kangakanani nezinto ezinokusetyenziswa zifanele zibe zezi bezibhaliwe kwinkcazelo yendlu xa bekubhukishwa. Ababuki zindwendwe bangalungisa iinkcukacha zokubhukisha okwamkelweyo kuphela xa undwendwe luvumile.
• Iindawo ezingakhuselekanga: Ababuki zindwendwe kufuneka baqinisekise ukuba indawo nganye iyakwazi ukukhuseleka emnyango kwaye iindwendwe zifanele zinikwe izitshixo okanye iikhowudi zokungena zazo zonke iindawo zokungena.
• Ukubhalisa xa kufikwa okungathembakalanga: Ababuki zindwendwe kufuneka banikezele ngenkcazelo echanileyo yokungena kwiindawo zabo xa kubhaliswa xa kufikwa (umz: iikhowudi zokungena ezichanileyo, indlela yokuya ecacileyo). Ababuki zindwendwe abaceba ukudibana neendwendwe xa zifika kufuneka baqinisekise ukuba bakhona ngexesha ekuvunyelwene ngalo. Ukusetyenziswa kweebhokisi ezinesitshixo okanye iikhowudi zokungena kufuneka kuhlale kukhuselekile (umz: zitshintshe iikhowudi emva kokubhukisha ngakunye).
• Iindawo zokuhlala ezimdaka: Indlu Yombuki Zindwendwe ifanele ingabi nazo izinto eziyingozi kwimpilo (umzekelo: ukungunda, izinambuzane), iyawufikelela umgangatho ophezulu wococeko, ibe iyacocwa xa kuphuma olunye undwendwe kuza kungena olunye.
• Iindawo zokuhlala ezingakhuselekanga: Ababuki zindwendwe bamele baqinisekise ukuba iindawo zokuhlala okanye Izinto Ezinokonwatyelwa azinazinto eziyingozi kukhuseleko ezingachazwanga (ngokomzekelo: iindawo zokuphuma xa kukho umllilo ezivaliweyo, isichenge sokutshokhwa ngumbane, ityhefu yempuku). Ababuki zindwendwe kufuneka balungise naziphi na iingozi zokhuseleko ezichazwe lundwendwe okanye nguAirbnb.
• Ukushishina ngexabiso eliphezulu: Akuvumelekanga ukusebenzisa omnye umntu ukuze ubhukishe ihotele okanye enye indawo yokuhlala nokuyifaka kwa-Airbnb ngexabiso eliphezulu. Ababuki Zindwendwe kufuneka bathobele imithetho ethile yeendawo zokuhlala ezilawulwa ngabantu abaninzi xa becinga enoba bazifake okanye bangazifaki kuAirbnb.
• Ukuxhatshazwa kwezilwanyana: Indawo Zokuhlala okanye Izinto Ezinokonwatyelwa ezixhaphaza izilwanyana azivumelekanga kwintsapho yethu (ngokomzekelo: iindawo zokugcina izilwanyana zasendle ezingavumelekanga, ukuzonwabisa ngokuzingela izilwanyana zasendle). Ababuki zindwendwe bamele bafikelele Izikhokelo zakwa-Airbnb zentlalo-ntle yezilwanyana.

Funda okungakumbi ngemithetho ebekiweyo Yababuki Zindwendwe.

Silapha ukuze sikuncede

Ukuba ubona okanye kwenzeka into kuwe engahambisani nepolisi yethu, nceda usichazele.