Imimiselo Yeekuphoni zika-Airbnb

Le Mimiselo Nemiqathango ilandelayo isebenza kwiikuphoni ukuze zisetyenziswe kwiwebhusayithi ka-Airbnb (“Iikuphoni Zika-Airbnb''). Eminye imimiselo eyongezelelekileyo echaziweyo, kunye nekuphoni, nayo iyasebenza xa kusetyenziswa Iikuphoni zika-Airbnb. Iikuphoni zika-Airbnb zisetyenziswa kube kanye kuphela ibe azibuyiselwa mali. Ezi kuphoni azinakutshintshwa zibe yimali, zibe ngamakhadi ezipho okanye zisetyenziselwe ukuthenga okudlulileyo, ibe azinakuthunyelwa okanye zidityaniswe nesinye isaphulelo, nekuphoni okanye nesaphulelo. UAirbnb unelungelo lokulungisa nantoni na, kuquka ukurhoxisa le kuphoni, ukuba kurhanelwa ubuqhetseba, ukuyisebenzisa ngokungafanelekanga, ukophulwa kweMimiselo yethu Yenkonzo, Imimiselo Yenkonzo Yokubhatala, okanye iingxaki zobuxhakaxhaka. Nceda ufunde ngezantsi ukuze ufumane imimiselo eyongezelelekileyo Yeekuphoni Zokubhukisha Kwakhona ezithile.

Iikuphoni Zokubhukisha Kwakhona

Njengenxalenye yeAirCover, xa Umbuki Zindwendwe erhoxisa ukubhukisha kwakho ungalindelanga okanye enye Ingxaki Yohambo iphazamisa ukuhlala kwakho, uAirbnb usenokukunika Ikuphoni Yokubhukisha Kwakhona. Le kuphoni inokusetyenziswa kuphela endaweni enosuku lokubhalisa xa kufikwa elikunyaka ukususela ngosuku ikuphoni ethunyelwe ngalo.

Iikuphoni Zokubhukisha Kwakhona ziphelelwa kwiintsuku eziyi-30 ukususela ngosuku ezithunyelwe ngalo. Ukuze ufumane inkcazelo engakumbi, funda inkcazelo oyifumene kuAirbnb ngosuku lokuphelelwa kwekuphoni yakho. Iikuphoni Zokubhukisha Kwakhona zinokusetyenziswa kuphela ekubhukisheni indawo enexabiso lokubhukisha (elingaquki irhafu okanye ezinye iimali ezimele zibhatalwe) elingana okanye engaphezulu kunexabiso Lekuphoni Yokubhukisha Kwakhona.