Ukubhukisha iindawo zokuhlala apha naphaya

Ukuhlala apha naphaya kukwenza ukwazi ukwahlula ukuhlala ixesha elide phakathi kwezindlu eziyi-2 ezahlukahlukeneyo. Ukuhlala apha naphaya ngakunye kudibanisa iindawo ezilandelelanayo eziyi-2 ngeentsuku zakho, nto leyo ekuvumela ukuba uhlale kwizindlu ezahlukahlukeneyo, iingingqi, okanye iindawo zokuya ezahlukahlukeneyo, ebudeni bohambo lwakho.

Apho kuvela khona iindawo zokuhlala apha naphaya

Xa ukhangela indawo yokuhlala iintsuku ezilingana neveki nangaphezulu, ukuhlala apha naphaya kuza kuvela ngokuzenzekelayo ekupheleni kweziphumo zokukhangela kudidi Lwezindlu zonke ukuba zingaphantsi kweziyi-300 izindlu ezinezinto ozifunayo. Vele nje uhle ukuze ubone izindlu onokukhetha kuzo ukuze wahlule uhambo lwakho phakathi kwezindlu eziyi-2 ezingakudanga enye kwenye.

Unokufumana neendawo zokuhlala apha naphaya xa ukhangela iindidi eziyi-14 ezahlukahlukeneyo eziquka Ezokukhempisha, Ezakhiwe ngobuchule, Ezeepaki Zelizwe, Eze-skiing, Eze-surfing, Ezinemozulu Eshushu, nezingakumbi. Ezi zindlu zidityanisiweyo zikuvumela wonwabele izindlu ezifanayo okanye izinto onokuzenza ezifanayo kwiindawo eziyi-2 ezahlukeneyo.

Indlela okusebenza ngayo ukuhlala apha naphaya

Ukuhlala apha naphaya kuza kukubonisa iindlela onokukhetha kuzo zokwahlula uhambo lwakho phakathi kwezindlu eziyi-2 ezahlukeneyo (umz: iveki enye kwindlu yokuqala neveki elandelayo kwindlu yesibini). Nazi ezinye izinto omele uzazi:

• Ukuhlala apha naphaya kuza kuvela kwiziphumo zokukhangela ngokusekelwe kwiintsuku ozifakileyo. Inkqubo yokudibanisa iyazenzekela ngokupheleleyo.
• Ukuhlala apha naphaya akugqithi ekudibaniseni iindawo eziyi-2 ezilandelelanayo. Usuku lokuphuma kwindawo yokuqala luza kufana nosuku lokubhalisa xa kufikwa kwindawo yesibini.
• Ukuhlala apha naphaya kuza kuveza kuphela izindlu ezihambiselana nazo naziphi na izihluzi ozikhethileyo (ixabiso, inani lamagumbi okulala, izinto ezinokusetyenziswa, njl., njl.)
• Ukuhlala apha naphaya kubonakala emephini ngophawu olukhethekileyo nomgca ozotyiweyo odibanisa izindlu eziyi-2. Ngoko uza kukwazi ukubona ukuba zindawoni zombini ezi zindlu uze wazi ukuba yeyiphi indlu ekuhlalwa kuqala kuyo kwezi ziyi-2.

Bhukisha ukuhlala apha naphaya

Ukubhukisha indlu enye kuphela

Ukuba ufuna ukubhukisha indlu enye kuphela kwizindlu ezivelayo, ungagqiba ukubhatala indlu enye uze uphume kwindawo yokubhatala yenye indlu. Indlu yokuqala iza kuhlala ibhukishiwe ngegama leakhawunti yakho. Emva koko ungakhetha ukukhangela ezinye izindlu zeentsuku zakho ezishiyekileyo.

Ukuhlala apha naphaya akukuvumeli ukuba utshintshe iintsuku ebudeni benkqubo yokubhatala. Ukuba ufuna ukulungisa ezi ntsuku, ungavula loo ndlu ecaleni uze ulungise ezo ntsuku, uze ubhukishe loo ndlu yodwa njengokuba ubuza kwenza ngokwesiqhelo. Uza kususwa kwiindawo onokukhetha kuzo zokuhlala apha naphaya.

Emva kokuba ubhukishe ukuhlala apha naphaya

• Indlu nganye yokuhlala apha naphaya inokubhukisha okwahlukileyo ibe iza kuvela njengezihlandlo zohambo eziyi-2 ezilandelelanayo kwithebhu yakho Yohambo.
• Ukuba utshintsha indlela obucebe ngayo, ungarhoxisa enye okanye zombini ezi zindlu zibhukishiweyo, kodwa kuza kusebenza ipolisi yokurhoxa yendlu nganye.
• Indlu nganye yokuhlala apha naphaya inoMbuki Zindwendwe owahlukileyo ibe kuza kufuneka uncokole Nombuki Zindwendwe ngamnye ngokwahlukileyo kwindlu nganye yokuhlala apha naphaya.