Iindlela ezibhetyebhetye zokukhangela

Khangela iindawo zokuhlala iintsuku ezingangenyanga

Ufuna ukuhlala ixesha elidana? Senze indlela elula nebhetyebhetye ngakumbi yokukhangela iindawo zokuhlala iintsuku ezingangenyanga. Izindlu ezamkela iindwendwe eziza kuhlala iintsuku ezingangenyanga (iintsuku eziyi-28 nangaphezulu) zinokunceda kakhulu, ukusuka kwizinto ezinokusetyenziswa ezenza iindwendwe zizive zingathi zisekhaya ukuya kutsho kumaxabiso anesaphulelo.

Indlela esebenza ngayo

Iindwendwe zinokukhetha ithebhu ethi Iinyanga ukuze zifake usuku lwazo lokuqalisa zize zilungise ngokulula ubude bexesha eziza kulihlala ngokusebenzisa iqhosha eliphuculiweyo.

Qala ukususela namhlanje, kusasele iveki okanye inyanga, okanye ukhethe usuku oluthile lwekhalenda, uze emva koko usebenzise iqhosha ukuze ukhethe ukuba zingaphi iinyanga eziza kuhlalwa. Kuyakwazeka nokukhetha usuku lokuqala nelokugqibela olubhetyebhetye.

Iziphumo zokukhangela xa kuza kuhlalwa iintsuku ezingangenyanga ziza kubonisa umyinge wamaxabiso enyanga, ibe amaphepha ezindlu aza kubalaselisa izinto ezinokusetyenziswa ezithandwayo xa kuza kuhlalwa ixesha elide ukongeza kwezo ezihambelana nezihluzi zokukhangela. Xa ujonga izimvo zendlu, ezo ezibhalwe zindwendwe ezihleli iintsuku eziyi-28 nangaphezulu ziza kuboniswa kuqala.

Khangela Ngokoluhlu

Iibhegi sele uzipakishile kodwa awuyazi ukuba mawuyephi? Ukuba iindwendwe zidinga ukukhuthazwa, zinokubuka Uluhlu luka-Airbnb—iingqokelela ezisekelwe kwindlela eyahlukileyo eyenziwe ngayo indlu, indawo ekuyo okanye ukuba kufuphi kwayo kwinto eyenziwayo—ukuze zincedwe zifumane indawo (nendlela eyenziwe ngayo) ezilungeleyo. Iindwendwe zinokufumana iindlela ezibhetyebhetye ngakumbi zokuhamba—ngokubuka izigidi zeendawo ebezingazazi ukuba zikhona.

Ukuba iindwendwe zifuna ukuhlala kwindlu yamaphupha eyakhiwe kakuhle (cinga ngoFrank Lloyd Wright), zinokubuka udidi Lwezakhiwe Ngobuchule, ingqokelela yeendawo ezingaphezu kwe-20 000 ezikhethwe ngenxa yendlela ezakhiwe ngayo eyahlukileyo nokuhonjiswa kwazo. Ukuba iindwendwe zifuna ukuhlala kwindalo, zinokubuka udidi Lweepaki Zelizwe ukuze zifumane iindawo ezikufuphi neendawo ezifana neZion National Park neGrand Canyon.

Indlela esebenza ngayo

Ukuba undwendwe lukhangela indawo ethile, iziphumo zalo zokukhangela ziza kuquka zonke izindlu. Ukongezelela, Uluhlu luza kuvezwa, ukuze kube lula ngakumbi ukufumana iindawo ezimangalisayo ezikufuphi (okanye kude kufuphi) nendawo ebezikhangela kuyo.

Ukuba azikhangeli indawo ethile, kusenokuvela iintlobo Zoluhlu ezininzi kuxhomekeka kwixesha lonyaka, kwingingqi nokukhangela kwangaphambili kondwendwe.

Khangela Iindawo Zokuhlala Apha Naphaya

Ufuna ukwahlula ukuhlala ixesha elide phakathi kwezindlu ezimbini ezahlukeneyo?

Iindwendwe zinokuzama ukusebenzisa Ukuhlala Apha Naphaya—indawo edibanisa iindawo ezimbini ezinokubhukishwa ngokwexesha leentsuku eziza kuhlalwa, ezivumela ukuba zibuke iindawo ezohlukeneyo, iingingqi nkqu neendawo zokuya ezohlukeneyo ebudeni bohambo lwazo.

Ngokomzekelo, ukuba zikhangela kuluhlu lwe-Surfing, Ukuhlala Apha Naphaya kusenokuveza iindawo ezimbini eSanta Barbara naseLa Jolla, kuze kuveze umgama phakathi kwezi ndawo zimbini kwimephu ukuze zazi ukuba zindawoni zombini ezi zindlu (nokuba yeyiphi indawo yokuhlala yokuqala). Xa zikhethe Ukuhlala Apha Naphaya, ziyakhokelwa kwindawo ekulula ukuyisebenzisa yokubhukisha indlu nganye—indawo enye ngexesha.

Funda okungakumbi ngokubhukisha Ukuhlala Apha Naphaya.