Izikhokelo Ze-trademark

UAirbnb ukuhoye kakhulu ukunceda Intsapho yakhe, kuquka Ababuki Zindwendwe, iindwendwe, iinkampani asebenzisana nazo nabanye abasebenzisa okanye abadibana newebhusayithi okanye iinkonzo zethu. Ukukhusela ii-trademark neemveliso zethu kuyinxalenye yokunceda Intsapho yethu. Asifuni Intsapho yethu okanye nabani na adideke ngokuba into ixhaswa, iphethwe okanye ilawulwa sithi. Ezi Zikhokelo zenzelwe ukukhusela iimveliso zethu, nokuze sikuncede uchazele abanye ngoAirbnb ngendlela echanileyo.

Ezi Zikhokelo ziyinxalenye Yemimiselo Yenkonzo yethu. Xa usebenzisa naziphi na iinkonzo zika-Airbnb, uyavumelana nezi Zikhokelo, Imimiselo yethu Yenkonzo nezinye iipolisi zethu.

1. Ii-trademark zika-Airbnb

Ii-trademark zika-Airbnb ziquka igama lika-Airbnb, uphawu luka-Airbnb, uphawu lweBélo, ibheji yeSuperhost neAircover, kunye nawo onke amagama, amabinzana ahamba negama, iifoto zophawu, uphawu, iifoto, izinto ezenziweyo nezinye izinto ezichaza uAirbnb okanye iinkonzo neemveliso zakhe. Sisebenze nzima ukuze siqinisekise ukuba yonke into esikunika yona ikumgangatho ophezulu ibe igama lethu limela oko kusebenza nzima. Esi sizathu sokuba sizikhusele kakhulu iimveliso zethu ngokubhalisa ii-trademark zethu ne-trade dress yethu eMerika nasemhlabeni wonke. Awumele usebenzise uphawu luka-Airbnb, uphawu lweBélo logo, okanye naziphi na ii-trademark zika-Airbnb ngaphandle kokuba unemvume ebhaliweyo evela kuAirbnb.

2. Ukusebenzisa igama lika-Airbnb

Nangona ungenakuzisebenzisa naphi na ii-trademark zika-Airbnb ngaphandle kwemvume, ungathetha ngoAirbnb okanye usebenzise igama lika-Airbnb ukuze ucacise into oyenzayo ube uthetha inyani. Ukuba nguwe lo, nceda ungalibali ukulandela ezi zikhokelo:

Yigcine ichanile kwaye icace kakuhle

Zenze ezi zinto

• Ungathetha ngento ethi “Airbnb” kuphela ngendlela ecacisa into oyenza noAirbnb okanye izinto zakho ibe iyinyani kwaye ichane
• Sebenzisa igama elithi “Airbnb” kuphela kwisivakalisi (ngokomzekelo, kungekhona kwizihloko okanye imixholo) libe linobukhulu, uhlobo, umbala nendlela yokubhala efanayo naleyo kubhalwe ngayo kuso sonke isivakalisi

Ungazenzi ezi zinto

• Ungabhekiseli kwinto ethi “Airbnb” ngendlela eyenza kucingwe niyasebenzisana, unikwa imali okanye uyaxhaswa nguye.
• Ungasebenzisi igama elithi “Airbnb” ngaphezu kokuba kufuneka ukuze ucacise into oyenza noAirbnb kwizinto zakho. Ukuba ibinzana okanye isivakalisi siyakwazi ukuthetha into efanayo ngaphandle kwegama elithi “Airbnb,” lisuse.

Imizekelo

Kuphephe ukudida

Zenze ezi zinto

• Yenza uze usebenzise igama, uphawu kunye nento eyaziwa ngayo igama lakho, kuquka umbala walo nendlela elibhalwa ngayo eyahlukileyo kwii-trademark zika-Airbnb okanye izinto ezidibene negama lakhe

Ungazenzi ezi zinto

• Ungasebenzisi uphawu lweBélo nangeyiphi na indlela, kuquka ecaleni okanye uludibanise negama leshishini, i-trademark, igama leakhawunti yejelo lokuncokola okanye elinye ibinzana
• Ungasebenzisi igama elithi “Airbnb,” “Air,” “bnb,” okanye amanye amabinzana afana nala, kwigama lewebhusayithi yakho, kwigama leshishini, kwigama lemveliso, kwii-trademark, xa ubhalisa iwebhusayithi, kumabinzana aphambili kwijelo lokuncokola, kwizinto elaziwa ngazo ishishini, njl.
• Ungawufaki umbala ka-Airbnb onguRausch ophawulekayo kwizinto zakho, kuquka kwii-trademark, amaphawu, iindlela ezenziwe ngayo izinto okanye kwezinye izinto ezinokwenza negama lenu

Imizekelo

Kwiinkampani ezilawula izindlu

Ukuba ufuna ukuveza intengiso yenkampani yakho eqeshisa ngendawo ixesha elifutshane, ezi zikhokelo zingentla ziyasebenza nakuwe. Uncede ukhumbule ukuba ungathi xa uzibiza uyi-“Nkampani Elawula Izindlu yakwa-Airbnb,” okanye uthi “unobuhlobo obukhethekileyo” noAirbnb, nto leyo enokudida abantu abayisebenzisayo bacinge ukuba unento yokwenza noAirbnb. Ungakhankanya ukuba ulawula okanye unikezela ngeenkonzo kwiindawo ezifakwe kuAirbnb, kodwa uAirbnb akafanele abe phambili kwiwebhusayithi yakho okanye ezinye izinto othengisa ngazo.

Ukuba unewebhusayithi, kufuneka uquke into yokuchaza evela kakuhle kwiwebhusayithi yakho ethi, “[igama lenkamapani yakho] uyazisebenzela ibe akaxhaswa okanye akananto yakwenza noAirbnb okanye iinkamapani asebenzisana nazo.” Ukuba unento yokubala ingeniso, ifomu yokuqhakamshelana okanye enye indawo yokufaka inkcazelo yomntu oyisebenzisayo kwiwebhusayithi yakho, nceda ufake into yokuchaza ngendlela ecacileyo phantsi kweqhosha le-CTA.

Kwiinkampani esisebenzisana nazo

Iinkampani esisebenzisana nazo kufuneka zibe nemvume ebhaliweyo yokusebenzisa ii-trademark zethu. Ukuba unemvume yokusebenzisa ii-trademark zethu, kufuneka uhambiselane nezikhokelo zegama lethu zakutshanje ozifumene kumntu okuncedayo wakwa-Airbnb onokuphendula nayiphi na imibuzo ngezi zikhokelo okanye ezinye ezongezelelekileyo.