Ipolisi Yezinto Ezifakwa Kwi-Airbnb

Xa ufaka izinto kuAirbnb, uyavuma ukuthobela le polisi. Izinto ezifakiweyo ziquka nantoni na ebhaliweyo, iifoto, izinto ezirekhodiweyo, iividiyo okanye ezinye izinto, kuquka:

• Ukubhala: Izihloko neengcaciso zezindlu, amaphepha eprofayile, izimvo ezibonwa ngumntu wonke nezabucala, izimvo, izinto ezibhalwe Kwiziko Lentsapho nemiyalezo eya kuAirbnb, Kubbabuki Zindwendwe okanye Kwiindwendwe
• Iifoto: Iifoto neevidiyo, kunye nezinto ezivezwe kwiifoto neevidiyo (njengee-poster okanye imizobo exhonywe eludongeni)

Sinelungelo lokususa naziphi na izinto, ngokupheleleyo okanye inxalenye yazo, ezaphula le polisi, Imimiselo yethu Yenkonzo, Imilinganiselo yethu Yentsapho, Ipolisi yethu Yezimvo, okanye nasiphi na esinye isizathu ngokwendlela esigqibe ngayo. Kwiimeko apho ipolisi imane isaphulwa okanye yaphulwe kakhulu, sisenokuyibekela imiqathango, siyimise okwexeshana okanye siyisuse iakhawunti ka-Airbnb enento yokwenza naloo nto.

Ezi zinto zilandelayo azivumelekanga kuAirbnb:

• Izinto ezenzelwe ukuthengisa okanye ezinye izinto zokushishina, kuquka amaphawu eenkampani, iilinki okanye amagama eenkampani
• Imiyalezo eqhathayo, ukuqhakamshelana nabantu bengafuni okanye izinto ezimane zifakwa oko zide ziphazamise
• Izinto ezikhuthaza ukwenziwa kwezinto ezingekho mthethweni okanye ezenzakalisayo, okanye izinto eziveza isondo, ezinobundlobongela, eziveza izinto ezoyikisayo, ezigrogrisayo okanye ezihlukumezayo
• Izinto ezicalulayo (ukuze ufumane inkcazelo engakumbi hlola Ipolisi yethu Yokungacaluli)
• Izinto zokuzama ukuzenza omnye umntu, enye iakhawunti okanye ishishini, kuquka umntu omela uAirbnb
• Izinto ezingekho mthethweni okanye ezaphula amalungelo omnye umntu okanye inkampani, kuquka amalungelo okuceba okanye ezinto eziyimfihlo
• Izinto eziquka inkcazelo eyimfihlo yomnye umntu, kuquka izinto ezaneleyo ukuze yaziwe eyona ndawo ikuyo indlu

Ukwaphulwa kwepolisi okongezelelekileyo kwezinto ezifakiweyo ezithile:

Izihloko zezindlu

• Izihloko zezindlu ezinenkcazelo engenanto yakwenza nohlobo lwendlu, indlela eyenziwe ngayo okanye ukuba kunjani ukuhlala kuyo
• Izihloko zezindlu eziquka iimpawu okanye ii-emoji

Amaphepha ezindlu okanye eeprofayile

• Izindlu okanye iiprofayile ezinenkcazelo eqhathayo, engeyonyani okanye elahlekisayo

Iziko Lentsapho

• Izinto eziphume emxholweni, ezingabuzi mbuzo okanye ezinganikezeli ngenkcazelo ephendula umbuzo kwincoko yabantu abaninzi
• Ukuhlukumeza, ukumane ugezela okanye ukulandelelana namalungu entsapho

Izimvo

• Izimvo eziphula Ipolisi yethu Yezimvo

Ii-URL ezikhethekileyo

• Iidilesi zeintanethi ezikhethekileyo ezingalandeli Ipolisi yethu yeeURL Ezikhethekileyo

Izinto ezinento yokwenza neCOVID-19

• Ukuze sincede ekulweni ukusasazeka kwenkcazelo engachananga enento yokwenza nobhubhane weCOVID-19, sikuphe isikhokelo ngePolisi Yezinto Ezifakwayo neCoronavirus yakwa-Airbnb.

Indlela yokuxela into efakiweyo eyophula ipolisi yethu

Ukuba ucinga ukuba into efakiweyo yophula le polisi, ungayixela loo nto ngqo ngeapp okanye ngokuqhakamshelana nathi.