Izinto ezicetyiswayo ziza kubonakala emva kokubhala kwindawo yokukhangela. Sebenzisa iaro enyukayo nehlayo ukuze uwahlole. Sebenzisa iqhosha elingu-enter ukuze uyikhethe. Ukuba ukhethe amabinzana, loo mabinzana ngawo aza kukhangelwa. Ukuba ucetyiswa ngelinki, ibhrawza iza kuya kwelo phepha.
Ipolisi yentsapho

Ukusetyenziswa nokuchazwa kweekhamera zokhuseleko, izixhobo zokurekhoda, izixhobo ezijonga izinga lengxolo nezixhobo zeteknoloji zokulawula ikhaya

Asibavumeli Ababuki Zindwendwe ukuba babe neekhamera zokhuseleko okanye izixhobo zokurekhoda ezijonga iindawo ezingaphakathi, nokuba ezi zixhobo zicinyiwe. Iikhamera ezifihliweyo bezisoloko zingavumelekanga ibe ziza kuqhubeka zingavumelekanga.  Ababuki Zindwendwe bavumelekile ukuba babe neekhamera zokhuseleko zangaphandle, izixhobo ezijonge izinga lengxolo nezixhobo zeteknoloji zokulawula ikhaya logama nje zihambisana nezi zikhokelo zingezantsi nale mithetho ebekiweyo.

Le mithetho iqalisa ukusebenza nge-30 ka-Aprili, 2024.

Iikhamera nezixhobo zokurekhoda

  • Iikhamera nezixhobo zokurekhoda zizo naziphi na izixhobo ezirekhoda okanye ezibonisa ividiyo, iifoto, okanye ezidlala isandi njengekhamera yosana, ikhamera yentsimbi yomnyango, okanye enye ikhamera.  
  • Iikhamera zokhuseleko ezifihlakeleyo azivumelekanga.
  • Ababuki zindwendwe abavumelekanga ukuba neekhamera zokhuseleko nezixhobo zokurekhoda ezijonga nayiphi na indawo engaphakathi endlini, njengepaseji, igumbi lokulala, igumbi lokuhlambela, igumbi lokuhlala, okanye indlu yeendwendwe, nokuba zicinyiwe. 
  • Ababuki zindwendwe bavumelekile ukuba babe neekhamera zokhuseleko zangaphandle nezixhobo zokurekhoda logama nje indawo ezikuyo ichaziwe (umz: “Ndinekhamera eyadini yam yangaphambili,” “Ndinekhamera phezulu everandeni yam,” okanye “Ndinekhamera phezu kwepuli yam.”) 
  • Ababuki zindwendwe abavumelekanga ukuba babeke iikhamera nezixhobo zokurekhoda kwiindawo ezingaphandle apho abantu abazisebenzisayo belindele ukuba zifihlakale ngakumbi, njengangaphakathi kwishawa engaphandle evaliweyo okanye kwi-sauna.
  • Ababuki zindwendwe akunyanzelekanga ukuba bachaze iikhamera nezixhobo zokurekhoda abangazilawuliyo, njengekhamera yokhuseleko ekwindawo yokwamkela iindwendwe yesakhiwo seflethi, kodwa bayakhuthazwa ukuba bazichazele iindwendwe ukuba kukho iikhamera ezinjalo. 

Izixhobo ezijonga izinga lengxolo

  • Izixhobo ezijonga izinga lengxolo zizixhobo ezijonga amanqanaba esandi nexesha esenziwa ngalo kodwa ezingasirekhodiyo isandi.
  • Ababuki zindwendwe bavumelekile ukuba babe nezixhobo zokujonga izinga lengxolo ngaphakathi endlini logama nje Umbuki Zindwendwe echaza ukuba zikhona ibe zikwindawo esentyenziswa ngumntu wonke.
  • Ababuki zindwendwe akunyanzelekanga ukuba bachaze ukuba zibekwe phi izixhobo ezijonga izinga lengxolo.

Izixhobo zeteknoloji zokulawula ikhaya

  • Izixhobo zeteknoloji zokulawula ikhaya zizixhobo eziqhakamshelana zize zisebenzisane nezinye izixhobo okanye iinethiwekhi ibe ziquka uAlexa ka-Amazon noNest kaGoogle.
  • Ababuki zindwendwe bavumelekile ukuba babe nezixhobo zeteknoloji zokulawula ikhaya.
  • Ababuki zindwendwe bayakhuthazwa, kodwa abanyanzelwa, ukuba bazichaze ukuba zikhona kwindlu yabo. Sikwakhuthaza Ababuki Zindwendwe ukuba benze iindwendwe zikwazi ukukhupha okanye ukuvala izixhobo zeteknoloji zokulawula ikhaya.

Chaza ikhamera yakho yokhuseleko okanye isixhobo sakho sokurekhoda

  1. Yiya kwindawo ethi Izindlu uze ukhethe indlu ofuna ukuyilungisa
  2. Kwindawo ethi Indawo yokulungisa indlu, cofa kwindawo ethi Indawo yakho
  3. Cofa kwindawo ethi Ukhuseleko londwendwe
  4. Cofa kwindawo ethi Izixhobo zokhuseleko, uze ucofe kwindawo ethi Iikhamera zokhuseleko okanye izixhobo zokurekhoda ezikhoyo
  5. Cofa kwindawo ethi Faka iinkcukacha uze uchaze isixhobo ngasinye, indawo esikuyo(umz: “Ndinekhamera eyadini yam yangaphambili”), nokuba iza kube ilayitiwe okanye icinyiwe na
  6. Cofa kwindawo ethi Qhubeka uze ucofe kwindawo ethi Gcina

Chaza izixhobo zakho zokuhlola izinga lengxolo

  1. Cofa kwindawo ethi Izindlu uze ukhethe indlu ofuna ukuyilungisa
  2. Kwindawo ethi Indawo yokulungisa indlu, cofa kwindawo ethi Indawo yakho
  3. Cofa kwindawo ethi Ukhuseleko londwendwe
  4. Cofa kwindawo ethi Izixhobo zokhuseleko, uze ucofe kwindawo ethi Iikhamera zokhuseleko okanye izixhobo zokurekhoda ezikhoyo
  5. Cofa kwindawo ethi Izixhobo ezijonga izinga lengxolo uze emva koko ucofe ethi Gcina
Eli nqaku likuncedile?

Amanqaku asondele kweli

Fumana uncedo ngokubhukisha kwakho, ngeakhawunti yakho, nangokunye.
Ngena kwiakhawunti okanye uvule iakhawunti