Indlela obhatalwa ngayo ngokubuka iindwendwe
Izinto eziphambili
Ukufaka indlela yokubhatalwa kunceda ukuqinisekisa ukuba imali yakho iza kufakwa ngokuphumelelayo
Ukuze ubale imali emele ibhatalwe, cinga ngexabiso lakho losuku, iimali ezingakumbi ezimele zibhatalwe nerhafu
- Funda okungakumbi kwisikhokelo sethu esipheleleyo sokwenza indlu eza kuphumelela
Ababuki Zindwendwe abatsha badla ngokubuza, “Ndibhatalwa njani?” UAirbnb wenza kube lula ukufumana imali oyibhatalwayo, esiyibiza ngokuba kukubhatalwa, ngamanyathelo nje ambalwa.
Indlela oza kubhatalwa ngayo
Uyazikhethela indlela ongathanda ukuyifumana ngayo imali oyenze ngokubuka iindwendwe. Iindlela zokubhatalwa ziquka indlela eyenzaIfike Kwangoko, ukufakwa ebhankini, uPayPal, amakhadi ePayoneer, neWestern Union, phakathi kwezinye. Iindlela onokukhetha kuzo ziyahluka kuxhomekeka kwindawo okuyo.
Ukuze uyifake, khetha indlela yokubhatalwa kwicandelo Lokubhatala Nokubhatalwa kwiakhawunti yakho. Kuza kusetyenziswa indlela oyikhethayo kuzo zonke iimali oza kuzibhatalwa de uyitshintshe.
Kuza kufuneka ufake inkcazelo yakho yerhafu, ukuze sikwazi ukukunika amaxwebhu erhafu achanileyo. Awuqinisekanga ukuba le nto iyasebenza kuwe? Funda okungakumbi ngokufumana iifomu zerhafu kuAirbnb.
Indlela yakho yokubhatalwa iza kuqinisekiswa ukuze sincede ekuqinisekiseni ukuba imali yakho ifika kakuhle. Yona inkqubo yokuqinisekisa inokuthatha iintsuku ezimbini ukuya kweziyi-10—ngaphandle kokuba ukhetha indlela Efika Kwangoko, eqinisekiswa ngoko nangoko.
Imali oza kuyibhatalwa
Ukuze ubale imali oza kuyibhatalwa, phindaphinda ixabiso lakho losuku ngenani leentsuku ezibhukishiweyo, uze ufake naziphi na iimali ezinganyanzelekanga ezimele zibhatalwe ngokuhlala ngakunye (njengemali yakho yokucoca). Le yimali epheleleyo yokubhukishwa kwakho.
Kwimali epheleleyo yokubhukishwa, tsala iirhafu neemali ezimele zibhatalwe. Ngoxa irhafu isenokwahluka ngokwendawo ohlala kuyo, Ababuki Zindwendwe abaninzi babhatala imali ebhatalelwa ukusebenzisa uAirbnb eyi-3%.
Ukuba imali oyibhatelweyo ingaphantsi okanye ayifiki ngexesha obuyilindele ngayo, loo nto isenokuba ibangelwa zizaphulelo ozifakileyo okanye kukubhukisha okurhoxisiweyo okanye okutshintshiweyo (okubangela undwendwe lwakho lubuyiselwe yonke imali okanye inxalenye yayo). Kusenokutsalwa iimali zokusebenzisa ibhanki kwiindlela ezithile zokubhatalwa, nangona ezininzi zifumaneka ngaphandle kweendleko ezongezelelekileyo.Ixesha oza kubhatalwa ngalo
Imali oyenzayo ngokubuka iindwendwe uyibhatalwa malunga neeyure eziyi-24 emva kwexesha lokubhalisela ukufika kweendwendwe zakho. Ukuba iza kungena nini kanye kanye imali kwiakhawunti yakho kuxhomekeke kwindlela yokubhatalwa oyikhethileyo.
Iindlela zokubhatalwa (apho zifumaneka khona) namaxesha aqhelekileyo okufika kwemali ngala:
- Ukufika Kwangoko: imizuzu eyi-30 okanye ngaphantsi
- I-Payoneer: iiyure eziyi-24 okanye ngaphantsi
- U-PayPal: usuku olunye lokushishina
- I-Western Union: usuku olunye lokushishina (lungahluka ngokwelizwe/ummandla)
- Imali efakwa kwibhankini yakho: iintsuku zokushishina eziyi-3 ukuya kweziyi-5
- Imali efakwa kwibhanki yamanye amazwe: iintsuku zokushishina eziyi-3 ukuya kweziyi-7
Xa ubuka iindwendwe eziza kuhlala ixesha elide (iintsuku eziyi-28 nangaphezulu), uAirbnb uthumela imali yakho kanye ngenyanga, eqalisa malunga neeyure eziyi-24 emva kokufika kondwendwe lwakho. Ungahlola imeko yokubhatalwa kwakho Kwingxelo yakho Yemali Engenayo Nephumayo nanini na.
Izinto eziphambili
Ukufaka indlela yokubhatalwa kunceda ukuqinisekisa ukuba imali yakho iza kufakwa ngokuphumelelayo
Ukuze ubale imali emele ibhatalwe, cinga ngexabiso lakho losuku, iimali ezingakumbi ezimele zibhatalwe nerhafu
- Funda okungakumbi kwisikhokelo sethu esipheleleyo sokwenza indlu eza kuphumelela