Ukukhetha umntu oza kumamkela xa kubhukishwa okokuqala
Ukwamkela umntu ongamaziyo ekhayeni lakho okokuqala kusenokubonakala kuyinto engaqhelekanga. Ukuze sikuncede ube noxolo lwengqondo, sineeteknoloji ezilungiselelwe ukunceda ukunciphisa umngcipheko kuwe nakwindlu yakho.
Njengombuki Zindwendwe omtsha, uyakwazi nokukhetha uhlobo londwendwe olunokuba lolokuqala ukuhlala kwindawo yakho. Kweli nyathelo, khetha ukuba ungathanda na ukwamkela:
- naluphi na undwendwe luka-Airbnb
- undwendwe olunamava
"Naluphi na undwendwe luka-Airbnb" kuthetha nabani na olilungu lentsapho yethu, kuquka nabantu abatsha. Ukukhetha oku kunokukhokelela ekubeni kubhukishwe okokuqala ngokukhawuleza, kuba kuvula umnyango weendwendwe ezinokubhukisha ezingakumbi njengoko zikhangela iindawo zokuhlala.
Undwendwe olunamava ngumntu ekuthethwa kakuhle ngaye ohleli ubuncinane izihlandlo ezithathu kuAirbnb ngaphandle kwezimvo ezimbi. Zonke iindwendwe ezinamava ziqinisekiswe ukuba zizo nyhani ibe zineendlela zokubhatala ezikwifayile. Ngenxa yendlela abaziphatha ngayo, banokunceda ekwenzeni ukubuka iindwendwe okokuqala kungabonakali kunzima ibe basenokukunika inkcazelo eluncedo ngendlela ebekuyiyo ukuhlala kwakho.
Zombini ezi ndlela zintle. Khetha nje eyona ilungileyo kuwe.