Ukuqoqosha indawo yakho ukuze wonwabise iindwendwe

Iindwendwe ziyayixabisa indawo ecocekileyo neqoqoshekileyo. Nokuba wamkela iindwendwe kwigumbi lokulala okanye kwindlu yonke, zama la macebiso avela Kubabuki Zindwendwe ukuze uqoqoshe indawo yakho.

UKath, Umbuki Zindwendwe waseAlbany, eOstreliya uthi: “Ndifumanisa ukuba xa kungekho vobe mninzi, kutsho kucoceke kuze kuqoqosheke. Iindwendwe ziyihoye kakhulu into yococeko. Indawo engcolileyo sesinye sezizathu eziphambili zokuba kubekho uluvo olubi, ngokutsho kwenkcazelo ka-Airbnb.

IiSuperhost uJay noLynne eBlanco, eTexas zithi: “Kubalulekile ukunciphisa uvobe nezinto ezikwindawo ethe tyaba." “Oku kwenza kube lula ngakumbi ukucoca, kunika iindwendwe indawo yokubeka izinto zazo, kwaye kunceda iindwendwe zingalibali izinto, kuba ziyazibona njengoko zijongisisa igumbi xa zihamba.”

Iindwendwe zifuna iindawo zokubeka iimpahla zazo, izinto zokuhlamba nezinye izinto zazo. Ukuze ugcine ezinye iidrowa kunye neendawo zempahla zingenanto kusenokufuneka ulahle izinto ongazidingiyo. USarah, Umbuki Zindwendwe waseSayulita, eMexico uthi: “Ukuba andikayisebenzisi okanye andikayinxibi kangangonyaka okanye emibini, ndiyayilahla.”

Kusenokufuneka wenze kubekho iindawo ezingakumbi ezingenanto, ukuba wamkela iindwendwe ezihlala ixesha elide njengoJessica, Umbuki Zindwendwe waseSeoul, eSouth Korea. Uthi: “Ndiqinisekile ukuba baza kuba neencwadi, izikhumbuzo, iifoto zentsapho kunye ‘novobe' wabo abafuna ukuwubeka kwitafile esecaleni kwebhedi okanye kwishelfu.

Cinga ngeyona ndlela ibhetele yokuveza izinto ezinokusetyenziswa ukuze iindwendwe zikwazi ukuzifumana lula. UChantal, Umbuki Zindwendwe waseYvignac-la-Tour, eFransi, unekhabhinethi elungiselelwe iindwendwe: “Inento yonke ukususela kwiibhotile ezincinci zamanzi ukuya kwiphepha langasese, zonke zibekwe ngokweeshelfu nangoluhlu kwiibhaskithi ezahlukeneyo.”

Xa sele ulungisile, ungalibali ukuhlolisisa izinto zebhedi nezinye izinto uze unikele okanye ulahle nantoni na engekho kwimeko entle.

UAlexandra, Umbuki Zindwendwe waseLincoln, eCalifornia uthi: “Andithandi mna xa yonke into esekhitshini ibonakala ngathi ithengwe kwindawo yezaphulelo okanye ithathwe kwindawo ebilahlwa kuyo."

Beka izinto ezidingwa zindwendwe ekhitshini nasemagumbini okuhlambela, uze ususe yonke enye into. Abantu abaninzi bangazivuyela izinto ezinjengento yokuvula ibhotile nehair conditioner, kodwa abadingi iintlobo ezintathu zento nganye.

Kusenokubonakala kungeyonkcitho ukusebenzisa izinto ezishiywe ziindwendwe ebezikhona, kodwa ayilocebo elihle elo. UMichel, Umbuki Zindwendwe waseChicago, ugcina kuphela ukutya neziselo "ezingakhe zivulwe emva kokuba zithengiwe," "njengamanzi asebhotileni, iziselo, nezinongo zokutya ezisetyenziswa kanye."

UKelly, Umbuki Zindwendwe waseAustin, eTexas uthi: “Yonke into esegumbini kufuneka ibe nomsebenzi wayo. "Loo nto ayithethi ukuba igumbi akufuneki lihonjiswe kakuhle okanye libonakale lifudumele ibe litofotofo."

Ukukhetha ukuba yintoni edingekayo neyenza indawo ibe tofotofo kuxhomekeka kuloo ndawo, kodwa nanga amacebiso ambalwa:

• Sukwenza izinto zibe ngawe. Gcina iindawo zeendwendwe zingenazo izinto ezifana neefoto zentsapho, imizobo yabantwana, iimpahla nezihlangu.
• Indawo isenokuhonjiswa. Imizobo yasekuhlaleni, ifenitshala engaqhelekanga, okanye isipili esikhethekileyo singenza indawo yakho yahluke kwezinye.
• Hombisa. Izinto ezinjengezityalo nemiqamelo zinokwenza indawo yakho ifudumale njengekhaya—ukuba nje zisetyenziswe kancinci kwaye zibekwe ngobuchule.