Ukuxelela iindwendwe ukuba indawo yakho inantoni
Izinto ezinokusetyenziswa zibaluleke kakhulu kwiindwendwe zika-Airbnb. Xa zikhangela indawo yokuhlala, zinokuhluza iziphumo zazo ukuze ziveze kuphela izindlu ezinezinto ezinokusetyenziswa ezizifunayo.
Nezinto ezincinci zokwenza umntu ahlale tofotofo, njengeTV okanye izixhobo zoncedo lokuqala, zingenza uhambo lube lula zize zenze iindwendwe zilonwabele ngakumbi. Ngoko yinto entle ukuquka nantoni na enokusetyenziswa zindwendwe.
Iindwendwe zidla ngokukhangela izindlu ezinezi zinto:
- I-wifi
- Ikhitshi
- Umatshini wokuhlamba okanye wokomisa impahla
- Indawo yokupaka yasimahla
- Umatshini okhupha umoya obandayo okanye oshushu
- Indawo elungiselelwe ukusebenzela kuyo
- Ipuli okanye ibhafu yamanzi ashushu
Ukuze ufake izinto ezinokusetyenziswa, khetha izinto kuludwe lwezinto eziphambili ezithandwa zindwendwe. Ungafaka izinto ezinokusetyenziswa ongazifumaniyo apha emva kokuba uyipapashile indlu yakho.
Emva koko, chaza izinto zokhuseleko onazo kwindawo yakho, njengealam yomsi.
Amacebiso amabalwa akhawulezayo:
1. Ungayijongeli phantsi indlu yakho. Ukuba unento enokusetyenziswa, yifake. Vumela iindwendwe zizigqibele, ngokomzekelo, enoba indawo yokutyela yangaphandle enetafile yepikniki itofotofo njengenesitulo esinekhushini.
2. Yenza iindwendwe ziyazi into ezinokuyilindela. Bhala umyalezo ukuze uchaze iinkcukacha ezingakumbi—ngokomzekelo, enoba into yakho yokubhraya inyama yeyegesi okanye yeyamalahle—kwingcaciso yendlu yakho.
3. Cinga njengondwendwe. Zibuze ukuba yintoni oyifunayo noyidingayo xa ulundwendwe olukuhambo. Cinga ngokufaka ezo zinto nezinye izinto ezinokusetyenziswa, ekuhambeni kwexesha.
UHarry, onguMbuki Zindwendwe eAthens, eGrisi uthi: “Qinisekisa ukuba unazo izinto ezinokusetyenziswa,” kuba ukuba nazo kunokukunceda utsale abantu abafuna ukubhukisha. “Ndifumanise ukuba ukuchitha imali encinci ukuze uthenge iayini ephuma umphunga nomatshni wokomisa iinwele kuyanceda.”