Indlela yokwenza indlela obuka ngayo iindwendwe ikusebenzele ngakumbi
Izinto eziphambili
Unokonga ixesha lakho lokucoca ngokulungisa kakuhle izinto zakho zokucoca—okanye ucinge nangokuqesha ingcali
Ukuqhakamshelana neendwendwe ngendlela enye yenye indlela yokukunceda wonge ixesha namandla
Imiyalelo egciniweyo nokuzingenela kunokunceda ngokwenza kube lula ukufika kweendwendwe zakho
Ukubuka iindwendwe kunokuthatha ixesha elininzi—kodwa xa sele uqhelile, usenokufumanisa ukuba ungazenza ngcono izinto ezininzi kwindlela obuka ngayo iindwendwe. Ngaloo ndlela, ungahoya le nto imnandi: ukunika iindwendwe zakho ixesha ezingasoze zililibale.
Ukwenza indlela yakho yokucoca ibe lula
Ukuba ucinga ngendlela yakho yokucoca ngoku, ungafumana indlela elula yokulungiselela indawo yakho. Nanga amacebiso ambalwa:
- Cinga ngokuqesha ingcali nokufaka imali yokucoca* kwindlu yakho, kodwa uphawule ukuba ukubiza imali engakumbi kwenza iindwendwe zilindele okungakumbi kwaye kwenza zingafuni ukuhlala ixesha elifutshane
- Qiniseka ukuba zonke izinto zakho zebhedi neetawuli zingumbala ofanayo, ukuze ukwazi ukuzihlamba ngexesha elinye
- Yiba neseti ubuncinane enye eyongezelelekileyo yezinto zebhedi neetawuli ukuze kungafuneki ukuba ulinde zibe ninzi izinto oza kuzihlamba kumatshini ukuze ugqibe ukondlula ibhedi
- Lungiselela ukuba ucoce kakhulu qho ngamaxesha athile ukuze kube lula ukucoca xa ulungiselela undwendwe olulandelayo
Ukuzenza zibe lula izinto zakho ezinokusetyenziswa
Kuza kusoloko kufuneka ube nezinto ezinokusetyenziswa eziyimfuneko ukuze uqiniseke ukuba iindwendwe zihleli kamnandi—ngoko kutheni ungayenzi ibe lula le nto? Nanga amacebiso ambalwa:
- Zama ukuhlala unezinto ngokuzithenga zibe ninzi ngexesha elinye
- Cinga ngokucwangcisa ukuba neoda ehlala ikho yeemveliso zokucoca ozisebenzisa kakhulu okanye ezinye izinto ezifunekayo, ukuze kungafuneki ukuba uphinde uode okanye ziphele ukuba ulibele
- ISuperhost uOmar waseMexico City ucebisa ukuba uvumele iteknoloji ikwenzele umsebenzi: “Faka izinto zeteknoloji kwindawo yakho—indawo yokungena usebenzisa ifowuni okanye ngokufaka ikhowudi emnyango, ialam yomsi otyhefayo okanye elumkisa ngomsi, umatshini olumkisa ngengxolo—onokukwazi ukuzilawula lula ukwenye indawo”
Ukuncokola ngendlela ecacileyo nesebenzayo
Akukho mfuneko yokuba uchithe ixesha elide uphendula umyalezo ngamnye ovela kundwendwe—phofu ke, izixhobo zethu zinokuyikhawulezisa le nkqubo. Elinye lamacebiso aphambili kaOmar? Uthi “Seta ii-template ezizenzekelayo ukuze uncokole neendwendwe.”
Yenzeka njani le nto?
- Dawunlowuda i-app ka-Airbnb ukuze uphendule ngokukhawuleza
- Zama indawo yethu yemiyalezo ecwangcisiweyo ukuze uphendule ngokukhawuleza kakhulu
- Seta iimpendulo ezikhawulezileyo (ebezikade zisaziwa njengemiyalezo egciniweyo) ukuze uphendule ungakhange ubhale nento le
- Xa sele uzisetile ezi ndlela zilula, ungalibali ukufaka umbuliso oshushu nowenzelwe loo mntu ukuze uqhakamshelane ngqo neendwendwe zakho
Ukuyenza ibe lula inkqubo yokubhalisa xa ufika
Kulula ukwenza iindwendwe zakho zizive zamkelekile ube kwangaxeshanye usenza ukubhalisa xa ufika kube lula. Nanga amacebiso ambalwa:
- Cinga ngokuzingenela, okuvumela Ababuki Zindwendwe bazibuke ngendlela esemagqabini iindwendwe bengakhange basondele
- Faka imiyalelo yokubhalisa xa ufika kwindlu yakho uze wenze nesikhokelo esilula nesinenyathelo ngalinye esineefoto
- Qinisekisa ukuba iindwendwe zakho ziyifumene imiyalelo yokubhalisa xa zifika kwiiyure eziyi-24 ngaphambi kokufika kondwendwe ngalunye uze ubuze ukuba azinamibuzo na (oku ungakwenza ngomyalezo ocwangcisiweyo!)
- Cinga ngokuba nomntu okuncedisayo okanye ukusebenzisana nomlawuli wezindlu ukuze wonge ixesha
*Ngaphandle kwaBabuki Zindwendwe abaneendawo zokuhlala kwimimandla yaseTshayina. Funda okungakumbi
Inkcazelo ekweli nqaku isenokuba itshintshile emva kokuba lipapashiwe.Izinto eziphambili
Unokonga ixesha lakho lokucoca ngokulungisa kakuhle izinto zakho zokucoca—okanye ucinge nangokuqesha ingcali
Ukuqhakamshelana neendwendwe ngendlela enye yenye indlela yokukunceda wonge ixesha namandla
Imiyalelo egciniweyo nokuzingenela kunokunceda ngokwenza kube lula ukufika kweendwendwe zakho