Indlela yokuseta iphepha lendlu elinomtsalane

Iphepha lendlu yakho, eliquka isihloko, ingcaciso, iifoto, izinto onokuzisebenzisa nezinye lithuba lakho lokuqala lokutsala abantu abanokuba ziindwendwe. Xa useta indlu yakho, kubalulekile ukuba ukhethe ikhalenda yakho neesetingi zamaxabiso, nto ezo ezikunceda uqiniseke ukuba ubhukishwa xa ufuna, ngexesha ofuna ngalo nangexabiso elifanelekileyo.

Njengombuki Zindwendwe, unokugqiba ukuba zibhukishe nini ibe njani iindwendwe kwindawo yakho. Izinto ezimbalwa ekufuneka uziqwalasele:

• Iisetingi zekhalenda: Beka inani lezona ntsuku zimbalwa okanye zininzi undwendwe olunokuzibhukisha, phepha izicelo ezibhukisha indawo eziqala kwangolo suku, nokunye—zonke uzenza kwiisetingi zekhalenda yakho. Ungalibali ukwenza ikhalenda yakho ihlale isexesheni ngokuvala iintsuku oza kube ungekho ngazo okanye ongazukwazi ukubuka iindwendwe ngazo.
• Izicelo zokubhukisha: Le ndawo yenza ukwazi ukubona kwangaphambili isicelo sokubhukisha ngaphambi kokuba usamkele. Qinisekisa nje ukuba uyaluphendula undwendwe zingekapheli iintsuku eziyi-24.
• Uvel'Ubhukishe: Iindwendwe zidla ngokukhangela izindlu ezisebenzisa Uvel'ubhukishe, nto leyo evumela iindwendwe zibhukishe indawo yakho ngaphandle kokuvala iintsuku okwexeshana. Le nto iphinde ibonise ukuba ukulungele ukwamkela nabani na ozifikelelayo izinto ozifunayo xa kubhukishwa, inxalenye ebalulekileyo yokuba nguMbuki Zindwendwe ongakhethiyo.

La macebiso anokunceda enze indlu yakho ibe phambili kwiindwendwe ezinokubhukisha kwiziphumo zokukhangela zakwa-Airbnb.

• Bhala iinkcazelo eneenkcukacha. Zama ukuba isihloko nengcaciso, ziquke nantoni na iindwendwe ezifanele ziyazi ngendawo yakho, njengokuba kufuphi kwizinto ezibangela umdla zaphandle. Ngokomzekelo, Umbuki Zindwendwe onendawo etofotofo ngaselwandle usenokubhala athi “Indawo yeholide engaselwandle etofotofo” kwisihloko sakhe.
• Sebenzisa ulwimi olungakhethiyo. Yenza kucace kwingcaciso yendlu yakho ukuba wamkela zonke iintlobo zabantu.
• Dwelisa izinto zakho ezinokusetyenziswa. Izinto ezinokusetyenziswa ezithandwayo ziquka i-wifi, ukukwazi ukuzingenela, indawo onokuhlala kuyo usebenzise i-laptop, indawo yokupaka yasimahla, nendawo ezamkelayo izilwanyana zasekhaya, ngoko qinisekisa ukuba udwelisa nantoni na onayo.
• Yichaze imithetho yekhaya lakho. Ezi zinto zenza iindwendwe zikwazi oko zimele zikulindele zize zibonise kwangaphambili indlela ozibuka ngayo iindwendwe. Sebenzisa imithetho yekhaya lakho ukuze uchaze inkcazelo ebalulekileyo—njengepolisi yokungatshayi—kubantu abasenokuba ziindwendwe.

Iifoto ezinomtsalane zinceda ubonise ubuntu nesitayile sakho, ngoko yinto entle ukumane utshintsha iifoto zakho uze ungalibali ukuveza izinto ezithile.

• Yijongisise ifoto yokuqala oyifakayo. Yona kunye nesihloko sendlu yakho, zizinto zokuqala iindwendwe eziza kuzibona kwiziphumo zokukhangela. “Xa ndikhangela indlu ka-Airbnb, ndisoloko ndisiya ngqo kwiifoto. Cinga ngento eyenza indlu yakho yahluke kwezinye,” utsho uCandida, Umbuki Zindwendwe waseJoshua Tree, eCalifornia.
• Sebenzisa iifoto zendawo yakho yonke. Ukufaka malunga neefoto ezintathu zegumbi ngalinye kumacala ohlukeneyo kwenza iindwendwe zikwazi ukuyibona kwi-intanethi indawo yakho.
• Bhala amagama ahamba neefoto acacisayo. Amagama ahamba neefoto yeyona ndawo yokuxelela iindwendwe ngeenkcukacha ezibalulekileyo. Ngokomzekelo, ungalibali ukubonisa itafile yokudlala ipuli okanye ibhafu enkulu.
• Zenze zigqame izinto eziyinceda ilungele wonke umntu. Iindwendwe ezininzi zikhangela izinto ezinceda ilungele wonke umntu, ngoko kubalulekile ukuzifaka kwiinkcukacha zendlu yakho nakwiifoto.

Imali oza kuyibiza ngendawo yakho ixhomekeke kuwe ngokupheleleyo. Nazi izinto ezimbalwa ekufuneka uzikhumbule:

• Ixabiso lidla ngokuba yeyona nto iphambili kwiindwendwe xa zikhangela indawo, ngoko kubalulekile ukuqinisekisa ukuba indawo yakho ilifanele ixabiso layo xa kujongwa ingingqi nezinto ezinokusetyenziswa ezifumanekayo. Ukuze wazi ukuba indawo yakho ifanele ntoni, ungazama isixhobo sethu.
• Xa ubeka ixabiso lakho losuku, kuyanceda ukucinga ngeemali ezongezelelekileyo—njengemali yokucoca, ezinye iimali ezimele zibhatalwe lundwendwe, imali ebhatalelwa ukusebenzisa uAirbnb, neerhafu zasekuhlaleni—nendlela eziza kulichaphazela ngayo ixabiso elipheleleyo eliza kubhatalwa ziindwendwe zakho.
• Njengombuki Zindwendwe omtsha, usenokukhetha ukuqalisa ngemali yosuku ephantsi yokuzazisa de kubekho uluvo olunye okanye izimvo ezimbini ezintle ngawe.
• Indlela Ephucukileyo Yokubeka Ixabiso ikunceda ubeke ixabiso elikhuphisana namanye ngokuvela izitshintshele ixabiso lakho ngokusekelwe kwindlela ezifunwa ngayo izindlu ezifana neyakho.

Sele ukulungele ukuyisebenzisa ngokupheleleyo indlu yakho? Nazi izinto ezimbalwa ekumele kujongwe ukuba zikhona ezinokukunceda uqalise:

• Iisetingi zekhalenda yakho zisexesheni?
• Uyivulile indawo Yokuvel'Ubhukishe?
• Inkcazelo yendlu yakho nesihloko sayo zicacile ibe zenza umdla?
• Ngaba kucacile kwingcaciso yakho ukuba wamkela zonke iintlobo zabantu?
• Uzifakile zonke izinto ezinokusetyenziswa?
• Uneefoto ezahlukeneyo ezikumgangatho ophezulu namagama ahamba neefoto?
• Ulibekile ixabiso losuku elikhuphisana namanye?

Wakuba nje uqalisile ukubuka iindwendwe nokufumana uluvo oluvela kuzo, kuhle ukuhlala uyilungisa indlu yakho uqinisekise ukuba inkcazelo neefoto zayo ziyibonisa ngokucacileyo eyona nto yahluke ngayo indawo yakho.

Fumana okungakumbi kwisikhokelo sethu sokufaka indlu ephumelelayo

Inkcazelo ekweli nqaku isenokuba itshintshile emva kokuba lipapashiwe.