Indlela yokubhala ingcaciso entle ngendawo yakho

Zama la macebiso ukuze ubalaselise into eyenza ikhetheke.
Ngu-Airbnb nge-5 Mey 2021
Lifundeka ngemizuzu eyi-2
Ihlaziywe nge-16 Nov 2022

Ukuyicacisa kakuhle yenye yezona ndlela zokutsala iindwendwe. Akunyanzelekanga ukuba ube ngumntu ovunyiweyo ngokubhala—udinga nje ukwazisa abantu ukuba bangalindela ntoni kwindawo yakho.

Ukuze uqalise, khetha ukuya kutsho kwizinto ezimbini eziphambili eziveziweyo, ibe siza kukucebisa ukuba uqale ngantoni ukubhala. Ngokomzekelo, ukuba ukhetha ethi "Kuthule" nethi "Intle," sisenokucebisa ukuba ubhale uthi “Phumla uze uphole kule ndawo ithuleyo.”

Licebiso nje elinye elo lokuba ungaqala ubhale ntoni, ibe lenzelwe ukukukhuthaza. Sicebisa ukuba uyitshintshe into esikucebise ukuba uqale ubhale yona uyibeke ngamazwi akho uze ufake ezinye iinkcukacha ezibalulekileyo ngendawo yakho. Siyayazi ukuba ungayenza le nto!

Zama la macebiso ukuze uyicacise indawo yakho ngendlela eza kwenza ithandwe:

1. Bonisa izinto ezikhethekileyo. Iindawo azifani, ngoko chaza ukuba eyakho yahluke ngantoni. Ngokomzekelo:

  • Ngaba ikhitshi linezinto zalo? “Yenza ukutya ngokukhawuleza okanye isibhadlalala sesidlo kwikhitshi elikhulu elinento yonke.”
  • Yenza abantu babone izinto ezibukekayo? “Bukela ilanga xa litshona ngaphaya kwechibi ngoxa uphole kwisitulo sethu esingaphantsi kwefestile.”
  • Ilungele wonke umntu? “Indawo yethu yokungena engenazitepsi ilungele wonke umntu ibe yipeyvimente evulekileyo ukusuka kwindawo ehamba imoto.”

2. Chaza kakuhle. Faka iinkcukacha ezisebenzisekayo ezinokunceda iindwendwe zicebe kwangaphambili. Sukuzifihla izinto ezingekho ntle ngendawo yakho ukuze zazi ukuba zilindele ntoni. Ngokomzekelo:

  • Ngaba enye yeebhedi zakho iyisofa? “Isofa ekwayibhedi inomatrasi onespringi olingana nowebhedi enkulu.”
  • Ikwisixeko esinengxolo? “Siphakathi esixekweni, ngoko lindela ingxolo yesiphithiphithi sasesixekweni.”
  • Ayingeni kakuhle inetwekhi kwindawo okuyo? “Kusemaphandleni, ngoko printa imiyalelo yethu yendlela yokuza apha ngaphambi kokuba uhambe.”

3. Balisa ibali ngendawo yakho. Ngoxa usinika iinkcukacha, nceda iindwendwe zizibone zikwindawo yakho. Ngokomzekelo:

  • Unebhafu yakudala elungisiweyo? “Khululeka ungene kwibhafu enemilenze uze ulibale ngeengxaki zakho.”
  • Ufake into ezikuthatha kuyo ukutya iintaka? “Qalisa usuku lwakho untyilozelwa zintaka!”

4. Mayibe mfutshane. Bhala ube mfutshane, ugxininise kwiinkcukacha ezibalulekileyo ongekazifaki. Ngokomzekelo:

  • Uyazidla ngemidlalo onayo? “Vavanya ubuchule bakho kwi-chess, dlala umdlalo webhodi, okanye uzame iincwadi zethu zokukhalarisha—zilungele wonke umntu noba uneminyaka engaphi!”
  • Unebhedi ephucukileyo? “Lala kamnandi kumatrasi owenziwe ngefomu namashiti ekotini waseYiputa.”

Khumbula ukuba ungayitshintsha inkcazelo yakho nangelinye ixesha. Ababuki Zindwendwe abaninzi baye bayiphucule eyabo njengoko ixesha lihamba.

Inkcazelo ekweli nqaku isenokuba itshintshile emva kokuba lipapashiwe.
Airbnb
5 Mey 2021
Ngaba oku bekuluncedo?