Amagumbi, into entsha ngamagumbi okulala

Ungachazela iindwendwe ngakumbi ngawe usebenzisa into entsha ethi Mazi Umbuki Zindwendwe.
Ngu-Airbnb nge-17 Jan 2024
Ividiyo yemizuzu eyi-3
Ihlaziywe nge-17 Jan 2024

Umyalezo womhleli: Eli nqaku lapapashwa njengenxalenye Yezintsha NgoMeyi ZeAirbnb 2023. Inkcazelo isenokuba itshintshile emva kokuba lipapashiwe. Funda okungakumbi ngemveliso yethu yakutshanje.

UAirbnb waqala njengendlela efikelelekayo yokuba abahambi bahlale kwindawo yomnye umntu. Ebudeni bokuhamba kweminyaka, Ababuki Zindwendwe bamagumbi okulala baye badibanisa abantu baze banceda iindwendwe ukuba zibuke iindawo ezintsha njengabantu basekuhlaleni.

Kule mihla, abantu bafuna ukuhamba ngendlela efikelelekayo, ingakumbi xa ucinga ngoqoqosho lwangoku. Kwaye emva kweminyaka yokwahlukaniswa ngexesha likabhubhane, bafuna iindlela zokudibana nabanye abantu baze bonwabele ezo zihlandlo.

Yiloo nto sisazisa Ngamagumbi, into entsha kraca kumagumbi okulala. Izinto eziphuculiweyo ziquka:

  • Indawo ethi Mazi Umbuki Zindwendwe, ukuze iindwendwe zikwazi ngaphambi kokuba zibhukishe

  • Udidi olutsha Lwamagumbi nezihluzi zokukhangela ezenziwe ngokuntsha ukuze kube lula ukuba iindwendwe zifumane amagumbi okulala

  • Iinkcukacha ezintsha ezinento yokwenza nezinto eziyimfihlo ukuze wonke umntu azive ekhululekile

Mazi Umbuki Zindwendwe

Iindwendwe zisixelele ukuba zifuna ukwazi abantu abaza kuhlala nabo ngaphambi kokuba zibhukishe igumbi lokulala. Indawo yakho ethi Mazi Umbuki Ndwendwe ngoku ikunika iindlela ezingakumbi zokuzazisa kwiindwendwe. Ikwathatha neenkcukacha ezikwiprofayile yakho ize iziveze xa kukhangelwa indawo nakwindlu yakho.

Into yokuqala etshintshiweyo oza kuyiqaphela kukuba ifoto yakho ekwiprofayile ivela kwikona yefoto yendlu yakho ephambili. Undwendwe lungacofa kuyo ukuze luye Kwindawo yakho ethi Mazi Umbuki Zindwendwe nakwiinkcukacha ezimbalwa ozibhalileyo ngawe.

Igama lakho, iminyaka ubuka iindwendwe, umlinganiselo weenkwenkwezi, nenani lezimvo zeendwendwe zivela ngentla kwindawo yakho ethi Mazi Umbuki Zindwendwe. Ngezantsi kwalo ndawo, iindawo ezintsha kwiprofayile yakho zenza ukwazi ukuchaza izinto ezifana nendawo ohlala kuyo, izinto othanda ukuzenza, igama lezilwanyana zakho zasekhaya, izinto ezinika umdla, nento eyenza kukhetheke ukuhlala kwindawo yakho.

Ungakhetha ifoto nenkcazelo oyichazela abanye ngokulungisa iprofayile yakho. Kwakhona, usenokuqaphela ukuba amacandelo angaphambili kwiprofayile Yombuki Zindwendwe anefomathi entsha, ngoko kuhle ukuqinisekisa ukuba umsebenzi wakho, iilwimi nendawo okuyo zivela ngendlela ofuna ukuba zivele ngayo.

Fumana amacebiso ngokufota ifoto entle yendawo ethi Mazi Umbuki Zindwendwe

Udidi oluthi Amagumbi

Kulula ukuba iindwendwe zifumane indlu yakho Kudidi olutsha Lwamagumbi phezulu kwiphepha lokuqala. Isihluzi sokukhangela esenziwe ngokutsha senza kube lula ukutshintsha phakathi kwamagumbi okulala, kwiindawo yonke, nakuzo zonke iintlobo zeendawo. Umyinge wexabiso layo nayiphi na indawo undwendwe oluyikhethayo liyaboniswa kwisihluzi.

Ukususela nge-3 kaMeyi, indlu yakho kufuneka ifikelele zonke ezi zinto zifunekayo ukuze iqukwe Kudidi Lwamagumbi:

  • Undwendwe lunegumbi lalo lokulala elinomnyango.

  • Undwendwe lunokusebenzisa igumbi lokuhlambela elikwigumbi lalo lokulala okanye elisetyenziswa nangabanye abantu.

  • Undwendwe lunokusebenzisa ubuncinane indawo enye esetyenziswa nangabanye abantu, njengekhitshi, igumbi lokuhlala, okanye iyadi engasemva.

  • Ababuki zindwendwe basebenzisa igama labo kwindlu yabo, kunokuba basebenzise igama leshishini okanye elinye igama.

  • “Igumbi lakho lokulala” likhethwe njengendlu okanye uhlobo lwegumbi kwiisetingi zendlu yakho.

  • Igumbi lokulala asililo igumbi ekulala abantu abaninzi kulo, ihotele, iresort, intente, ikharaveni, indlu ezimeleyo (njengendlu enevaranda engasemva eyadini), okanye naluphi na olunye uhlobo lwendlu kolu luhlu.

Izindlu ezingazifikeleliyo ezi zinto zifunekayo ezintsha azizukuvezwa kwiindwendwe njengamaGumbi xa kukhangelwa okanye kumaphepha ezindlu. Ungakhetha uhlobo olutsha lwendlu okanye ulungise indlu yakho ukuze ifikelele ezi zinto zifunekayo. Ukuba ungathanda ukuba indlu yakho ifakwe, okanye isuswe, Kudidi oluthi Amagumbi, ungathumela isicelo Kwiqela Elinceda Intsapho.

Izinto eziyimfihlo nokuthi zava

Iindwendwe ezikhangela izindlu ezingamagumbi azo okulala zidla ngokujonga iinkcukacha ezizinceda zizive zikhululekile kwaye zikhuselekile. Ukuze sikuncede uchaze izinto ezinokulindelwa, le nkcazelo siyibeke phezulu kwiphepha lendlu yakho:

  • Enoba umnyango wegumbi lokulala unesitshixo na. Iindwendwe zilindele ukuba zikwazi ukutshixa umnyango wazo. Ukuba igumbi lakho lokulala alinayo indawo yokutshixa, cinga ngokuyifaka.

  • Enoba igumbi lokuhlambela likwigumbi lakho, lelakho nokuba alikho kwigumbi lakho okanye lisetyenziswa nangabanye abantu. Kuzo zonke izindlu ezikuAirbnb, iindwendwe zifuna igumbi lokuhlambela elinesinki, ithoyilethi, neshawa okanye ibhafu. Ngoku indlu yakho ingabonisa enoba undwendwe luza kuba nethoyilethi yalo ekwigumbi lalo, ithoyilethi yalo engekho kwigumbi lalo (ithoyilethi yalo ekungenwa kuyo ngokudlula kwindawo esetyenziswa nangabanye abantu, njengepaseji), okanye esetyenziswa nangabanye abantu.

  • Abanye abantu abanokuba khona kwindlu. Iindwendwe zifuna ukwazi enoba ziza kudibana nabanye abantu na ngexesha ezihleli ngalo, njengezinye iindwendwe, amalungu entsapho okanye abantu ekuhlalwa nabo. Unokuphepha ukuba zilindele into eyahlukileyo ngokufaka iinkcukacha zokuba ngubani osenokuba khona.

  • Izihlandlo zokudibana nabanye abantu onokuzilindela. Iindwendwe zidla ngokukuvuyela ukuchitha ixesha Nababuki Zindwendwe, abanokubanceda bazi indawo abahambele kuyo okwabantu basekuhlaleni. Ungabonisa nexesha ongathanda ukulichitha neendwendwe ngexesha ezihleli ngalo.

Ukuze ulungise ezi nkcukacha, yiya kwicandelo elithi Amagumbi kwindlu yakho.

U-Airbnb Amagumbi nezinto eziyi-25 eziphuculiweyo Zababuki Zindwendwe ziyaqala ukusebenza kule veki njengenxalenye Yezintsha KuMeyi 2023 zakwa-Airbnb.

Airbnb
17 Jan 2024
Ngaba oku bekuluncedo?