Isebenza njani inkqubo yokubhukisha ka-Airbnb?
Izinto eziphambili
Iindwendwe zisenokuthumela imibuzo yokubhukisha ukuba zinemibuzo ngendawo yakho
Ungasebenzisa Uvel' Ubhukishe okanye ufune izicelo zokubhukisha oza kuzihlola ngokwakho
Ukuziqhelisa ukungakhethi xa ubuka iindwendwe yinxalenye ebalulekileyo yokuba Ngumbuki Zindwendwe ophumelelayo
Inkqubo yokubhukisha yakwa-Airbnb yenzelwe ukuba ibe lula ize icace. Kodwa njengoMbuki Zindwendwe omtsha, usenokuba nemibuzo ngendlela esebenza ngayo.
Xa uyiqonda inkqubo yokufumana nokuphendula imibuzo yokubhukisha, ukuvula okanye ukuvala Ukuvel' Ubhukishe, ukulandelela ukubhukishwa nokuceba kwangaphambili kwikhalenda yakho, uza kube ukulungele ukwamkela iindwendwe zakho zokuqala.
Ukufumana imibuzo yokubhukisha
Ezinye iindwendwe zisenokuba nemibuzo—ngokomzekelo, ngexesha lokubhalisa xa kufikwa ngaphambi kwexesha okanye eyona ndawo ukuyo. Ezi ndwendwe zinokukuthumelela umbuzo ngokubhukisha ngaphambi kokubhukisha. Xa ufumana umbuzo, kuxhomekeka kwiisetingi zakho, uza kufumana i-imeyile, umyalezo kwimiyalezo yakho ka-Airbnb, okanye zombini.
Nokuba usebenzisa Ukuvel' Ubhukishe, iindwendwe zisenokukuthumelela imibuzo ngokubhukisha kuqala ukuze zifumane inkcazelo engakumbi ngaphambi kokubhukisha. Uza kuba neeyure eziyi-24 zokuphendula imiyalezo yazo. Xa uyiphendule imibuzo yazo, ungathumela:
- Ukuvala okwexeshana iintsuku, okuvumela iindwendwe ukuba zibhukishe indawo yakho zingekapheli iiyure eziyi-24 ungakhange wenze enye into ukuba Ukuvel' Ubhukishe ukuvalile
- Isaphulelo esikhethekileyo, esikuvumela unikezele ngesaphulelo (sidla ngokusetyenziswa xa kuza kuhlalwa ixesha elide)
- Umyalezo wokungasamkeli ukuba awuzukwazi ukulwamkela undwendwe, ukuba nje ulandela ipolisi yethu yokungacaluli
Indlela iindwendwe ezingayibhukisha ngayo indawo yakho
Iindwendwe ezingenamibuzo zinokubhukisha indawo ngoVel' Ubhukishe, ukuba ukuvulile okanye ngokuthumela isicelo sokubhukisha, ukuba Uvel' Ubhukishe ukuvalile.
- Uvel' Ubhukishe yindlela yokubhukisha ehlala ikhethiwe kuzo zonke izindlu. Ukuba uyayisebenzisa, zonke iindwendwe ezifikelela zonke izinto ozifunayo zize zivumelane nemithetho yekhaya yakho ziza kukwazi ukuyibhukisha kwangoko indawo yakho nangeziphi na iintsuku ezifumanekayo. Ukuvel' Ubhukishe kubonisa ukuba ukulungele ukwamkela nabani na ozifikelelayo izinto ozifunayo xa kubhukishwa, inxalenye ebalulekileyo yokuba nguMbuki Zindwendwe ongakhethiyo.
- Izicelo zokubhukisha zikunika iiyure eziyi-24 zokuhlola uze wamkele okanye ungamkeli isicelo sokubhukisha ngasinye esithunyelweyo. Uza kukwazi ukubona izimvo neeprofayile zeendwendwe. Abanye Ababuki Zindwendwe, ingakumbi abo baneendawo ezikhethekileyo okanye abangafumaneki ngamaxesha afanayo, bakhetha ukufumana izicelo zokubhukisha.
Gcina ikhalenda yakho isexesheni
Ungalungisa ixabiso neesetingi zakho ukuze zihambisane nezinto ezifunwayo kwingingqi yakho ngamaxesha ahlukeneyo onyaka. Amacebiso amabalwa akhawulezayo ekhalenda:
- Vala iintsuku ezithile xa uyazi ukuba awuzukwazi ukwamkela iindwendwe
- Seta elona xesha lifutshane nelona xesha lide linokuhlalwa
- Ukuba unezinye iikhalenda ezikwi-intanethi, dibanisa ikhalenda yakho ka-Airbnb nazo ukuze uqinisekise ukuba usoloko usazi ngokubhukisha okuzayo
Fumana iinkcukacha ezingakumbi ngeesetingi zekhalenda nezokubhukisha
Xa sele uqonda ukuba iindwendwe zingayibhukisha njani indawo yakho nokuba kunjani ukubhukisha kuzo, uza kukulungela ukuhoya eyona nxalenye imnandi yokubuka iindwendwe: ukwamkela iindwendwe zakho.
Inkcazelo ekweli nqaku isenokuba itshintshile emva kokuba lipapashiwe.
Izinto eziphambili
Iindwendwe zisenokuthumela imibuzo yokubhukisha ukuba zinemibuzo ngendawo yakho
Ungasebenzisa Uvel' Ubhukishe okanye ufune izicelo zokubhukisha oza kuzihlola ngokwakho
Ukuziqhelisa ukungakhethi xa ubuka iindwendwe yinxalenye ebalulekileyo yokuba Ngumbuki Zindwendwe ophumelelayo