Indlela ezisebenza ngayo Iindidi ezikuAirbnb
.jpg?crop=99.82p,100p,x0,y0&width=1050&height=591&auto=webp)
Umyalezo womhleli: Eli nqaku lapapashwa njengenxalenye Yezintsha KuNovemba ZeAirbnb 2022. Inkcazelo isenokuba itshintshile emva kokuba lipapashiwe. Funda okungakumbi ngemveliso yethu yakutshanje.
Ukufumana iindawo ezintsha onokuhlala kuzo yenye yezinto ezivuyisayo kuhambo. Sifuna ukuqinisekisa ukuba iindwendwe ezikhangela indawo efana neyakho zinokuyifumana lula. Nokuba ubuka iindwendwe kwindawo yokukhempisha, eflethini okanye kwinqaba, Iindidi zika-Airbnb zinokukunceda ubonise ngezinto ezikhethekileyo ngendawo yakho uze wenze iindwendwe zifune ukubhukisha.
Zeziphi Iindidi ezikuAirbnb?
NgoMeyi 2022, sazise Ngeendidi ezikuAirbnb, indlela entsha yokuba iindwendwe zifumane iindawo zokuhlala ezikhethekileyo emhlabeni wonke ezingaphaya kwemiliyoni. Iindidi ezingaphezu kwe-60 ezahlukahlukeneyo zibeka iindawo zokuhlala ngokusekelwe kwindlela ezilungiswe ngayo, ingingqi ezikuyo okanye ngokuba zikufuphi nento eyenziwayo.
Iindwendwe ezikhangela indawo yokuhlala zinokubuka iindidi ezifana nezi: Ezamaplanga, Ezisechibini, Neepaki Zelizwe. Zinokukhangela izindlu nangokwendawo eziya kuyo kwaye iziphumo ziza kuvela kwindawo ethi Zonke Iindawo.
Nayiphi na indlu ekuAirbnb ingavela phantsi kwawo Onke Amakhaya ukuba iyahambelana nendlela undwendwe olukhangela ngayo indawo ethile. Inokuvela Kudidi luka-Airbnb olunye nangaphezulu xa ifikelela imilinganiselo ethile.
Izindlu ezikudidi ngalunye zihlolisiswa kakuhle. Iimiliyoni zeendawo ezikuAirbnb ziyahlolwa kusetyenziswa inkqubo yekhompyutha kujongwe izihloko, iingcaciso, amagama acacisa iifoto kunye nezimvo zeendwendwe.
Indlela yokujonga udidi ekulo indlu yakho
Ungajonga udidi ekulo indlu yakho kwiakhawunti yakho yokubuka iindwendwe. Yiya kwiinkcukacha zendlu yakho uze wehle uye kwicandelo elithi Iindidi. Igama Lodidi luka-Airbnb, ukuba kukho olunye okanye ezingakumbi, luvela apho. Cofa ukuze ufumane inkcazelo yolo didi.
Njengoko siqhubeka sisandisa iindidi nokulungisa iinkonzo zethu, kubalulekile ukugcina iinkcukacha zendlu yakho zisexesheni. Hlola izinto zakho ezinokusetyenziswa ukuze uqinisekise ukuba uyikhethile yonke into efumaneka kwindawo yakho.