Izikhokelo ezitsha zokubhala isihloko sendlu yakho
Izinto eziphambili
Yenza isihloko sendlu yakho sibe sifutshane ukuze sikwazi ukwanela kwisikrini sefowuni
Sukuzisebenzisa ii-emoji ibe sukusebenzisa oonobumba abakhulu bodwa
Kutshanje senze olona tshintsho lukhulu esakhe salwenza kwa-Airbnb kule minyaka ilishumi, ibe njengenxalenye yokudizayina izinto ngokutsha, sizisusile izihloko ezibhalwe Ngababuki Zindwendwe kwiziphumo zokukhangela. Injongo ibikukuba nezihloko ezenziwe ngendlela efanayo, ukuze kube lula ukuba iindwendwe zizifunde, kungakhathaliseki ukuba zikhetha oluphi ulwimi okanye isixhobo.
Ukususela oko kwaqaliswa, usichazele izinto ezininzi ngezinto ezitshintshiweyo, kuquka nezicelo ezininzi zokuba kubuyiswe izihloko zezindlu kwiziphumo zokukhangela zeendwendwe. Siyaqonda ukuba kutheni nivakalelwa ngale ndlela ngale nto ngale nto: Isihloko sendlu yakho yenye yezinto zokuqala iindwendwe eziyifundayo kwiziphumo zokukhangela nethuba lokuchaza ukuba yintoni eyenza indawo yakho ikhetheke.
Ukususela ngoJuni 30, izihloko zendlu yakho zibuyela kwiziphumo zokukhangela kweendwendwe. Sikwanikezela ngezikhokelo ezitsha zokubhala isihloko esisebenzayo esinokunceda indlu yakho ibe phambili xa kukhangelwa, sichaze izinto ezinokulindelwa zindwendwe size sizenze zibe nomdla wokubhukisha indawo yakho.
Izihloko ezifutshane zezona zisebenza kakuhle
Iindwendwe zikhangela kuAirbnb zisebenzisa iintlobo ezahlukeneyo zezixhobo ezinezikrini ezinobukhulu obahlukeneyo. Isihloko esivela kakuhle kwibrawuza yebhusayithi sisenokuba side kakhulu xa iindwendwe zibuka izindlu kwi-app yefowuni.
Izihloko ezide zenziwa mfutshane ngokuzenzekelayo kwiziphumo zokukhangela ibe inxalenye eshiyekileyo yesihloko sakho ithathelwa indawo yi-ellipsis. Ngokomzekelo, “Indlu yamaplanga esemaphandleni okwazi ukubona ichibi xa ukuyo, enendawo yokubasa umlilo omkhulu nendawo yokukhwelela isikhephe” iye ithi “Indlu yamaplanga esemaphandleni okwazi ukubona ichibi xa ukuyo…”
Umda wonoobumba abanokusetyenziswa unceda ukuba isihloko sakho sibonakale sonke ekhompyutheni nasefowunini. Iindwendwe ezisoloko ziseluhambeni zidla ngokukhangela zisebenzisa ifowuni, nto leyo ethetha ukuba kuvela kuphela oonobumba abayi-32. Ukuba isihloko sakho singaphezulu koonobumba abayi-32, faka eyona nkcazelo ibalulekileyo kuqala.
Nantsi imizekelo emithathu emihle yezihloko ezimfutshane zezindlu:
- I-loft yezi mini ejonge umzantsi wedolophu
- Indawo entle esezintabeni abazifihla kuyo abapheki
- Indlu enendawo yokuphola ephambi kolwandle ekufutshane eAño Nuevo
Oonobumba bezivakalisi banokufundeka lula kunokusebenzisa oonobumba abakhulu
Ukubhala usebenzisa oonobumba bezivakalisi kuthetha ukusebenzisa unobumba omkhulu kwigama lokuqala kuphela kwisihloko sakho. Amagama anoonobumba abakhulu (apho usebenzisa oonobumba abakhulu emagameni amaninzi) anokuba nesidima ngokugqithiseleyo, ibe ukusebenzisa OONOBUMBA ABAKHULU BODWA kunokujongwa njengokungxolisa.
Ukuze iindwendwe zikwazi ukukonwabela bhetele ukukhangela, kuphephe ukusebenzisa oonobumba abakhulu kwamanye amagama esihloko sakho ngaphandle kokuba ligama elifanelekileyo elifana nelesixeko. Ungabasebenzisa kumagama ashunqulelwayo, afana nelithi UK okanye kwikhowudi yesikhululo seenqwelomoya efana nethi LHR.
Nanku umzekelo wendlela yokungasebenzisi oonobumba abakhulu kwisihloko sendlu:
- Ifenitshala ENTSHA IPULI ENKULU Ukubona Iindawo Ezintle
Nantsi imizekelo emithathu emihle yezihloko zezindlu ezenziwe ngoonobumba bezivakalisi:
- Ityotyombe elingaselwandle eBondi Beach
- Igumbi londwendwe lwesitayile seVictorian elihonjiswe ngezothando
- Isitudiyo esenziwe ngendlela engayonakalisiyo indalo esingaseLAX
Amagama acaca ngakumbi kunee-emoji
Ii-emoji neempawu zinokuthetha izinto ezahlukeneyo kubantu abohlukeneyo emhlabeni wonke, ibe ukuzisebenzisa kunokubhida okanye kugqithisele inkcazelo engachananga. Ubhontsi ophakanyisiweyo usenokubonwa njengophawu lokuvuma, inombolo engu-one okanye uphawu olukhubekisayo.
Ukuze wenze isihloko sendlu yakho sibe nomtsalane ngakumbi kuze kube lula nokusifunda, sebenzisa amagama alula nachaza indawo yakho. Ukusebenzisa iimpawu ezikhethekileyo (ezifana nezi !, #, okanye olu *) kufanelekile, kodwa ukuziphindaphinda xa ugxininisa (ngolu hlobo !!! okanye ngolu ***) akufanelekanga. Ukuze wahlule izinto ozithethayo, zama ukusebenzisa iziphumlisi ezilandelwa zizikhewu okanye ideshi enye engenazikhewu.
Nanku umzekelo wento ongamele uyenze:
- ****Indawo ye-skiing nendlu yeholide eyakhiwe ngamaplanga****!!!
Nantsi indlela engcono yokubhala oku:
- Indawo ye-skiing/indlu yeholide eyakhiwe ngamaplanga neyadi yabucala
Iinkcukacha ezingakumbi zingcono kunokuphindaphinda
Kwiimeko ezininzi, akuyomfuneko ukuphinda nayiphi na inkcazelo esele ziyinikiwe iindwendwe kwiziphumo zokukhangela, njengesixeko sakho okanye idolophu, okanye inani elipheleleyo leebhedi. Endaweni yoko, sebenzisa isihloko sendlu yakho ukuze ufake iinkcukacha ezikhethekileyo ezinokukunceda utsale abantu.
Ngokomzekelo, ukuba indlu yakho iseBuenos Aires, ungaquka ingingqi yakho, njengeRecoleta, kwisihloko sendlu yakho. Ukuba iseFlorence, eItali, ungacacisa uthi “kufuphi neUffizi” okanye uquke enye indawo ephawulekayo ekufuphi nendawo yakho. Oku kunceda kucacisele iindwendwe indawo ekuyo indawo yakho. Okanye, ukuba unendawo esetyenziswa njengeofisi, usenokufuna ukuyigqamisa ngokuthi "uyakwazi ukwenza umsebenzi wakho" kwisihloko.
Kwakhona usenokulisusa igama elithi "entsha" kwisihloko sendlu entsha, kuba iindwendwe sele ziyichazelwe le nto ngebheji kwiziphumo zokukhangela.
Funda Ipolisi Yezinto Ezifakwa kuAirbnb
Inkcazelo ekweli nqaku isenokuba itshintshile emva kokuba lipapashiwe.
Izinto eziphambili
Yenza isihloko sendlu yakho sibe sifutshane ukuze sikwazi ukwanela kwisikrini sefowuni
Sukuzisebenzisa ii-emoji ibe sukusebenzisa oonobumba abakhulu bodwa