Isixhobo esitsha samaxabiso sithelekisa izindlu ezifanayo ezikufutshane
Umyalezo womhleli: Eli nqaku lapapashwa njengenxalenye Yezintsha NgoMeyi ZeAirbnb 2023. Inkcazelo isenokuba itshintshile emva kokuba lipapashiwe. Funda okungakumbi ngemveliso yethu yakutshanje.
Okokuqala kuAirbnb, unokuthelekisa ixabiso lakho nomyinge wamaxabiso ezindlu ezifana neyakho ezibhukishiweyo ezikufutshane.
Ababuki zindwendwe abafana nawe basichazele ukuba kunzima ukwazi ukuba babize malini. Sizimamele izinto enisixelele zona ibe senze kwalula ukuqonda indlela yokubeka amaxabiso kwingingqi yakho.
Imephu entsha yenza ukhawuleze ubone umyinge wamaxabiso ezindlu ezifana neyakho, enoba zibhukishiwe okanye azibhukishwanga. Ungayisebenzisa nanini na useta okanye ulungisa ixabiso lakho.
UFelicity, ilungu leQumrhu Labacebisi Lababuki Zindwendwe noyiSuperhost eNew South Wales, eOstreliya uthi, “Indlu yethu idla ngokubhukishwa kwiinyanga kwangaphambili, kodwa ngokuqinisekileyo ndifuna ukungena ukuze ndibone ukuba abanye ababuki zindwendwe kwingingqi yam bafumana malini ngosuku.” Ndisoloko ndijonga ukuba ixabiso lam likhuphisana kakuhle na namanye. Ndicinga ukuba le nto iza kuphucula izinto Kubabuki Zindwendwe abaninzi.”
Nantsi indlela yokuthelekisa amaxabiso:
- Khetha naluphi usuku kwikhalenda yakho, okanye ukhethe iintsuku ezinokufika kweziyi-31.
- Cofa kwixabiso lakho losuku. Iqhosha elingezantsi kwexabiso libonisa uphawu lwemephu namagama athi “thelekisa ixabiso lakho.”
- Cofa elo qhosha ukuze uveze imephu yomyinge wamaxabiso ezindlu ezifana neyakho. Kulo mephu, ungakhetha ukuveza umyinge wamaxabiso ezindlu ezibhukishiweyo okanye ezingabhukishwanga kwingingqi yakho.
Amaxabiso aboniswe kulo mephu abonisa umyinge wexabiso lendlu nganye ebhukishiweyo okanye engabhukishwanga ngeentsuku ezikhethiweyo. Izinto ezigqibayo ukuba zeziphi izindlu ezifanayo ziquka indawo indlu ekuyo, ubungakanani bayo, izinto ezinokusetyenziswa, umlinganiselo, izimvo, nezinye izindlu iindwendwe ezizijongayo ngoxa zicinga ngeyakho.
Ezi zixhobo zitsha ziyinxalenye Yezinto Ezintsha KuMeyi 2023 zakwa-Airbnb, ezinezinto eziyi-25 eziphuculiweyo Zababuki Zindwendwe. Khetha Ukuyifumana Kuqala ukuze uqalise ukusebenzisa ezi zixhobo zitsha namhlanje.