Yiba nendlela elula yokubhalisa xa kufikwa ngethebhu ephuculiweyo Yohambo

Elinye lawona maxesha abalulekileyo kuhambo kukufika, xa iindwendwe zifumana indawo yakho okokuqala. Le nto isenokonwabisa kakhulu, kodwa ukuba azinayo inkcazelo ethile, ukubhalisa xa zifika okuneengxaki kunokwenza liqale kakubi ixesha eziza kulihlala—kuze kuchaphazele uluvo eziza kulushiya ngawe.

Kulapho ithebhu Yohambo ingena khona: Kulapho iindwendwe zifumana zonke iinkcukacha ezizifunayo ngaphambi kokungena kwindawo yakho. Kwiiyure eziyi-48 ngaphambi kokuba zifike, iindwendwe ziza kufumana isikhokelo esiluncedo sokubhalisa xa zifika kwithebhu yazo Yohambo ebeka iinkcukacha ezibalulekileyo, njengekhowudi yomnyango kunye nephasiwedi ye-wifi, ngaphambili ize ibonakale.

Ukunceda iindwendwe Nababuki Zindwendwe ukuba libe lula kubo ixesha lokubhalisa xa kufikwa, siyayiphucula ithebhu Yohambo ukuze ezi nkcukacha zibonakale phambili ingakumbi kwiindwendwe. Kwakhona sifake nexesha elibala lisiya ezantsi kwiinkcukacha zazo zokubhukisha elibonisa iintsuku eziseleyo ngaphambi kokuba undwendwe lufike, lizikhumbuza ukuba zilungiselele uhambo lwazo.

Ithebhu Yohambo yenza kube lula kwiindwendwe ukufumana ezi nkcukacha kwindawo enye—inceda ukuba uqinisekise ukuba ukuhlala kwazo kuqalisa kwizinga leenkwenkwezi eziyi-5. Qhubeka ufunda ukuze ufumane amanye amacebiso okunceda iindwendwe zifumane nala nkcazelo zimele zibe nayo.

Okokuqala, sifuna inkcazelo ethile kuwe. Uzifake zonke izinto ezifunekayo kwicandelo elithi Inkcazelo yeendwendwe kwithebhu Yezindlu zakho? Ukuze uyihlole loo nto, yiya kwithebhu yakho ethi Izindlu, ukhethe indlu oza kuyilungisa, uze uqinisekise ukuba zonke izinto ezifunwayo kwicandelo elithi Inkcazelo yeendwendwe zifakiwe. Kukho iindawo eziyi-3 eziphambili ekufuneka zizaliswe ukuze iindwendwe zakho zibe nayo yonke inkcazelo yohambo lwazo

• Indlela yokuya kwindawo yakho
• Imiyalelo yokubhalisa xa kufikwa
• Inkcazelo yeWifi
  

Ukuze wenze kube lula kuzo, usenokuzithumelela umyalezo iindwendwe onemiyalelo eneenkcukacha okanye inkcazelo ebalulekileyo ngendawo ngaphambi kokuba zifike. Ungazamkela iindwendwe usebenzisa i-intanethi okanye ubekhona ubuqu ukuze uzincede zikhululeke.

Ukufaka zonke iinkcukacha kwindawo ethi Inkcazelo yeendwendwe inokunceda iindwendwe zakho zingabi nangxaki yokufumana indawo yakho. Le nto iquka idilesi yakho nemiyalelo ekhethekileyo enokunceda.

Ii-app zeemephu ngokuqhelekileyo zinako ukuzisondeza kakhulu iindwendwe zakho kwindawo yakho zisebenzisa nje idilesi yakho. Le nto ithetha ukuba akukho mfuneko yokuchaza isitrato ngasinye eziza kujika kuso ukuze zifike, nto leyo enokuzibhidisa.

Kodwa ke, ukufaka ezinye iinkcukacha ezisenokungabikho kwi-app yemephu eqhelekileyo kunokuzinceda iindwendwe zifike kwindawo yakho. Ngokomzekelo, ukuba isakhiwo seflethi yakho sinendlela yokungena esecaleni okanye ngaphambili kwindlu yakho unebhokisi yeeleta enombala obomvu ogqamileyo, kuluncedo ukufaka loo nkcazelo.

Xa undwendwe lwakho luyifumene indlu yakho, kuza kufuneka luyazi indlela yokuvula umnyango wakho luze lungene. Kwindawo ethi Inkcazelo yeendwendwe, ungafaka iinkcukacha ezifana nezi:

• Indlela yakho yokubhalisa xa kufikwa (ngokomzekelo, ukungena ngokusebenzisa ifowuni okanye ngokufaka ikhowudi emnyango, ibhokisi enesitshixo okanye umyalezo wokubulisa ovela kuwe)
• Imiyalelo yokubhalisa xa kufikwa ecacileyo. Ukuba usebenzisa i-app ka-Airbnb kwi-iOS okanye kwiAndroid, ungafaka nesikhokelo sokubhalisa xa kufikwa esinenyathelo ngalinye neefoto

Xa iindwendwe zakho zisazi ukuba zilindele ukwamkelwa ngumbuki zindwendwe okanye ukuzingenela, zama ukuzichazela iinkcukacha ezingakumbi kwimiyalelo yokubhalisa xa zifika. Ukuba usebenzisa ikhowudi yebhokisi enesitshixo eqhelekileyo, ungayiquka apha (le khowudi iza kunikwa iindwendwe zakho kwiiyure eziyi-48 ngaphambi kokuba zifike). Ukuba wenza ikhowudi ekhethekileyo yondwendwe ngalunye, le yindawo entle yokuchaza ukuba uza kuthumela ikhowudi komnye umyalezo.

Ukuze kube lula ukuncokola kwaye kwenzeke kakuhle, cinga ngokusebenzisa izixhobo zethu zemiyalezo ebekelwe ixesha kunye neempendulo ezikhawulezayo, ezikunceda ukuba uphendule iindwendwe ngokukhawuleza okanye uthumele izikhumbuzo ngamaxesha abalulekileyo.

Kwezi ntsuku, i-wifi iphantse idingeke njengombane, ngoko ufuna ukunceda uqinisekise ukuba iindwendwe ziyakwazi ukuyisebenzisa kwangoko. Kulula ukufaka le nkcazelo kwindawo ethi iinkcukacha zeWifi kwicandelo lethebhu yakho ethi Izindlu elithi Inkcazelo yeendwendwe, eliquka:

• Igama le-wifi yakho
• Iphasiwedi yakho yenethiwekhi ye-wifi
  

Ngoxa kunceda ukufaka iinkcukacha ze-wifi kwincwadi ezixelela ngendlu iindwendwe, ukuyifaka kwicandelo elithi Inkcazelo yeendwendwe kunokuyenza ifumaneke lula kwiindwendwe kwiifowuni zazo—ize izincede zikwazi ukungena kwi-intanethi ngokukhawuleza.

Siyazamkela izimvo zakho ibe sikhangele phambili ukuva ukuba singayiphucula njani indlela yokubhalisa xa kufikwa njengoko ixesha lihamba. Zive ukhululekile ukuya Kwiziko Lentsapho uze usishiyele uluvo lwakho.

Ngokufaka le nkcazelo uza kunceda ekuqinisekiseni ukuba undwendwe ngalunye luza kufumana iinkcukacha ezibalulekileyo ngaphambi kohambo lwalo, sihlandlo ngasinye.