Cebisa ngezinto ezinokwenziwa ekuhlaleni ngesi sixhobo kulula ukusisebenzisa

Siyazi ukuba usebenza nzima ukwenzela iindwendwe zakho ixesha elimnandi elingenakuthelekiswa nanto. Amaxesha amaninzi le nto inokuthetha ukunika iindwendwe amacebiso ezinto ezimnandi ezinokuzenza kwingingqi yakho, njengeendawo zokuhamba, iindawo ezikwingingqi ezinokuzibuka nevenkile zokutyela ezinokuya kuzo.

Ukuchaza izinto ezaziwa ngabambalwa ngezinto ezenziwa ekuhlaleni neendawo ekufuneka ziye kuzo kunokwenza umahluko ekwenzeni iindwendwe zaneliseke ngakumbi. Ngokwenkcazelo yakwa-Airbnb ukususela ngoJulayi 2021, Ababuki Zindwendwe abacebisa izinto ezinokwenziwa zindwendwe zabo baye bafumana izimvo ezineenkwenkwezi eziyi-5 ezingakumbi.

Ukuze kube lula ngakumbi kuwe ukucebisa ngezinto ezenziwayo ekuhlaleni, siqalisa Ukuthumela Amacebiso, isixhobo esitsha semiyalezo esikunceda uthumele lula incwadi yakho ebonisa iindawo ekwisixhobo se-elektroniki kunye namacebiso Ezinto Ezinokonwatyelwa zakwa-Airbnb ngqo kwimiyalezo yakho oyifumeneyo noyithumeleyo kwiindwendwe. Ngokunika iindwendwe amacebiso avela kuwe ngesixhobo sethu esitsha, ungenza ukwazi kwakho izinto zasekuhlaleni kube phambili—uze mhlawumbi ufumane izimvo ezingcono.

Isixhobo Sokuthumela Amacebiso ungasifumana kwimiyalezo yakho yombuki zindwendwe. Nangona kwixesha elidlulileyo usenokuba ubukopa uze ufake incwadi yakho ebonisa iindawo kwimiyalezo yakho oyithumeleyo noyifumeneyo kwiindwendwe, kulula ngakumbi ngoku ukuthumela amacebiso ahlukeneyo ezinto zasekuhlaleni:

1. Khetha uphawu lokudibanisa ezantsi kwicala lasekhohlo kwimiyalezo oyifumeneyo noyithumeleyo kwiindwendwe zakho
2. Khetha ethi Thumela amacebiso
3. Khetha incwadi yakho ebonisa iindawo kunye (okanye) Izinto Ezinokonwatyelwa ezikufuphi onokukhetha kuzo

Ukuba awukayenzi incwadi ebonisa iindawo ekwisixhobo se-elektroniki, sikucebisa ukuba uyenze—lithuba elihle lokuphucula ukubuka kwakho iindwendwe uze uncede iindwendwe zenze izinto ezingasoze zizilibale. Ungalibali ukuquka iifoto, uze uqinisekise ukuba uyigcina isexesheni.

Ukuze uqonde ngcono izinto ezifunwa zindwendwe, cinga ngokuzibuza ukuba kutheni zisiza kwingingqi yakho nezinto ezithanda ukuzenza ngaphambi kokuchaza amacebiso. Ngale ndlela, ungalungisa amacebiso akho ngokwezinto ezinomdla kuzo iindwendwe zakho—ibe ngesi sixhobo sitsha, ungayenza yonke loo nto ngamanyathelo ambalwa.

“Kuba ngoku uAirbnb enze isixhobo Sokuthumela Amacebiso, iindwendwe zam ndingazikhombisa lula incwadi yam ebonisa iindawo endiyenzileyo,” itsho njalo iSuperhost uMyranda waseLittle Rock, eArkansas.

Ukuchaza amacebiso alungiselelwe zona akuncedi kuphela iindwendwe—ngokucebisa ngezinto ezinokwenziwa Nezinto Ezinokonwatyelwa zakwa-Airbnb, ungancedisa ekuxhaseni abantu bengingqi yakho ngokukhuthaza iindwendwe ukuba zithenge kumashishini asekuhlaleni.

Ukongeza kwincwadi yakho ebonisa iindawo, ungaquka Izinto Ezinokonwatyelwa ezinikwe umlinganiselo ophezulu ezikufuphi kwindlu yakho ezifumanekayo ngexesha eliza kube lihleli ngalo undwendwe. Ababuki Zindwendwe Bezinto Ezinokonwatyelwa ngaBabuki Zindwendwe bakwa-Airbnb abafana nawe—kodwa endaweni yeendawo zokuhlala, banezinto ezikhethekileyo ezinokwenziwa zindwendwe njengohambo, iiklasi nemidlalo ekhokelwayo yaphandle.

Ukuba awuqhelananga Nezinto Ezinokonwatyelwa zakwa-Airbnb, siyakukhuthaza ukuba ubuke ibe nye ukuze udibane nentsapho yokubuka iindwendwe yasekuhlaleni uze wazi ukuba zintoni ezikufuphi.

Ungoyena uyaziyo ingingqi yakho, ngoko ufanele uzithembe ukuba uchazele abanye ngaloo mava avela kuwe. Siyathemba ukuba esi sixhobo siza kukunceda unike iindwendwe ixesha elimnandi ngakumbi, elibangela umdla nelingena kulibaleka elifanelwe zinkwenkwezi eziyi-5.