Izikhokelo zokubhala isihloko sendlu yakho

Lungisa isihloko sakho ukuze ubonise indawo yakho kwiziphumo zokukhangela.
Ngu-Airbnb nge-17 Jun 2022
Lifundeka ngemizuzu eyi-2
Ihlaziywe nge-23 Okt 2023

Isihloko sendlu yakho yenye yezinto zokuqala iindwendwe eziyifundayo kwiziphumo zokukhangela sikunika nethuba lokuchaza ukuba yintoni eyenza indawo yakho ikhetheke. Landela ezi zikhokelo zokubhala isihloko esisebenzayo ukuze uncede indlu yakho ibe phambili xa kukhangelwa, wenze kubekhona umdla wokubhukisha indawo yakho uze uchaze izinto ezilindelekileyo kwiindwendwe.

Izihloko ezifutshane zezona zisebenza kakuhle

Iindwendwe zikhangela kuAirbnb zisebenzisa iintlobo ezahlukeneyo zezixhobo ezinezikrini ezinobukhulu obahlukeneyo. Isihloko esivela kakuhle kwibrawuza yebhusayithi sisenokuba side kakhulu xa iindwendwe zibuka izindlu kwiapp yefowuni.

Ukubambelela kumda woonobumba abayi-32 kunceda ukuba isihloko sakho sibonakale sonke ekhompyutheni nasefowunini.

Nantsi imizekelo emithathu emihle yezihloko ezimfutshane zezindlu:

  • Ilofti yezi mini ejonge umzantsi wedolophu

  • Indawo entle esezintabeni abazifihla kuyo abapheki

  • Indlu enendawo yokuphola ephambi kolwandle ekufutshane eAño Nuevo

Ukuba isihloko sakho singaphezulu koonobumba abayi-32, faka eyona nkcazelo ibalulekileyo kuqala. Izihloko ezide zenziwa mfutshane ngokuzenzekelayo kwiziphumo zokukhangela, ibe inxalenye eshiyekileyo yesihloko sakho ithathelwa indawo yi-ellipsis. Ngokomzekelo, isihloko esifana nesithi “Indlu yamaplanga esemaphandleni okwazi ukubona ichibi xa ukuyo, enendawo yokubasa umlilo omkhulu, nendawo yokukhwelela isikhephe” siye sithi “Indlu yamaplanga esemaphandleni okwazi ukubona ichibi xa ukuyo…” xa kukhangelwa.

Khetha oonobumba bezivakalisi

Ukubhala usebenzisa oonobumba bezivakalisi kuthetha ukusebenzisa unobumba omkhulu kwigama lokuqala kuphela kwisihloko sakho. Kunokuba lula ukuyifunda ibe ivakala ibuncoko ngakumbi kunaxa kusetyenziswa oonobumba abakhulu ekuqaleni kwamagama amaninzi, okanye xa INGOONOBUMBA ABAKHULU KWINTO YONKE.

Ukuze iindwendwe zikwazi ukukonwabela bhetele ukukhangela, kuphephe ukusebenzisa oonobumba abakhulu kwamanye amagama esihloko sakho ngaphandle kokuba ligama elifanelekileyo elifana nelesixeko. Ungabasebenzisa noonobumba abakhulu kumagama ashunqulelwayo, afana nelithi UK okanye kwikhowudi yesikhululo seenqwelomoya efana nethi LHR.

Nantsi imizekelo emithathu emihle yezihloko zezindlu ezenziwe ngoonobumba bezivakalisi:

  • Ityotyombe elingaselwandle eBondi Beach

  • Igumbi londwendwe elihonjiswe ngesitayile seVictorian

  • Isitudiyo esenziwe ngendlela engayonakalisiyo indalo esikufuphi neLAX

Amagama acaca ngakumbi kunee-emoji

Ii-emoji neempawu zinokubhida okanye zilahlekise kuba zithetha izinto ezahlukeneyo kubantu abohlukeneyo emhlabeni wonke. Ngokomzekelo, ubhontsi ophakanyisiweyo usenokubonwa njengophawu lokuvuma, inombolo engu-one okanye uphawu olukhubekisayo.

Ukuze wenze isihloko sendlu yakho sibe nomtsalane ngakumbi kuze kube lula nokusifunda, sebenzisa amagama alula nachaza indawo yakho. Ukusebenzisa iimpawu ezikhethekileyo (ezifana nezi !, #, okanye olu *) kufanelekile, kodwa ukuziphindaphinda xa ugxininisa (ngolu hlobo !!! okanye ngolu ***) akufanelekanga. Ukuze wahlule izinto ozithethayo, zama ukusebenzisa iziphumlisi ezilandelwa zizikhewu okanye ideshi enye engenazikhewu.

Nanku umzekelo wento ongamele uyenze:

  • ****Indawo ye-skiing nendlu yeholide eyakhiwe ngamaplanga****!!!

Nantsi indlela engcono yokubhala le nto:

  • Indawo ye-skiing/indlu yeholide eyakhiwe ngamaplanga eneyadi yabucala

Iinkcukacha ezingakumbi zingcono kunokuphindaphinda

Kwiimeko ezininzi, akuyomfuneko ukuphinda nayiphi na inkcazelo esele ziyinikiwe iindwendwe kwiziphumo zokukhangela, njengesixeko sakho okanye idolophu, okanye inani elipheleleyo leebhedi. Endaweni yoko, sebenzisa isihloko sendlu yakho ukuze ufake iinkcukacha ezikhethekileyo ezinokukunceda utsale abantu.

Ngokomzekelo, ukuba indlu yakho iseBuenos Aires, ungaquka ingingqi yakho, njengeRecoleta, kwisihloko sendlu yakho. Ukuba iseFlorence, eItali, ungacacisa uthi “kufuphi neUffizi” okanye uquke enye indawo ephawulekayo ekufuphi nendawo yakho. Okanye, ukuba unendawo esetyenziswa njengeofisi, usenokufuna ukuyigqamisa ngokuthi “uyakwazi ukwenza umsebenzi wakho” kwisihloko. Le nto inceda ekucaciseleni iindwendwe iinkcukacha ezibalulekileyo.

Kwakhona usenokulisusa igama elithi “entsha” kwisihloko sendlu entsha, kuba iindwendwe sele ziyichazelwe le nto ngebheji kwiziphumo zokukhangela.

Funda Ipolisi Yezinto Ezifakwa kuAirbnb

Inkcazelo ekweli nqaku isenokuba itshintshile emva kokuba lipapashiwe.

Airbnb
17 Jun 2022
Ngaba oku bekuluncedo?