Ukwenza lula inkqubo yokubhalisa xa kufikwa

Ukuqinisekisa ukuba iindwendwe ziyifumana lula indlela yokungena kwindawo yakho kubalulekile ukuze zihlale kamnandi. Xa useta isicwangciso sokubhalisa xa ufika, eyona nto ibalulekileyo kukuqinisekisa ukuba silula ibe sithembekile. Sivavanye ukuze uqinisekise ukuba siza kusebenza kuzo zonke iindwendwe, lonke ixesha.

Ngaphezu kwako konke, ukuncokola neendwendwe kubalulekile ukuze kube lula ukubhalisa xa kufikwa. UAnn, Umbuki Zindwendwe ePenobscot, eMaine uthi: “Ngaphambi kokuba zifike iindwendwe, ndiyazibhalela ndizibulela.” Kumyalezo wakhe, uthumela imiyalelo yokungena kunye nendlela yokuqhuba.

UJuliette, ilungu leQumrhu Labacebisi Lababuki Zindwendwe eNairobi, eKenya, uthi: “Sithumela uludwe lwezinto ekufuneka ube uyazenza xa iindwendwe zifika.” "Emva koko siyakwazi ukulawula okulindelekileyo."

Zama la macebiso njengoko usenza indlela elula yokubhalisa xa kufikwa:

• Faka imiyalelo yokubhalisa xa kufikwa kwiapp ka-Airbnb. Uza kucelwa ukuba unikezele ngeefoto zenkqubo kunye namanqaku amafutshane okufundisa.

• Faka idilesi yakho echanileyo kunye nephini ebonisa indawo. Ukuba indawo yakho isecaleni okanye ifowuni ayisebenzi xa ukufutshane kuyo, bhala ngokucacileyo indlela yokuya kuyo ukuze abantu bangabhideki.
• Thumela imiyalelo yokubhalisa xa kufikwa ubuncinane kwiintsuku ezintathu kusengaphambili. Qinisekisa kwiindwendwe ukuba ziyifumene uze uzibuze ukuba azinamibuzo na.
• Fumaneka ngexesha lokubhalisa xa ufika. Ukuba kukho into engahambi kakuhle, uza kufuna ukufumaneka ukuze ukwazi ukulungisa ingxaki.
• Nxibelelana neendwendwe. Esona sixhobo sisebenzayo xa kukho iingxaki zohambo ezingalindelekanga kukuba wena neendwendwe zakho nincokole ngendlela ecacileyo.
  

Xa uyifakile imiyalelo yokubhalisa xa kufikwa, iindwendwe zinokuyifumana kwithebhu yazo Yohambo kwiintsuku ezintathu ngaphambi kokuba zifike. Le miyalelo iza kuqukwa Nakwisikhokelo Sokufika seendwendwe kwiiyure eziyi-48 ngaphambi kokuba zibhalise xa zifika, kunye nendlela yokuya kufika kwindawo yakho nenkcazelo ye-wifi.

Ungamkela iindwendwe ngokobuqu okanye ngeintanethi. Ababuki Zindwendwe abaphumelelayo badla ngokuba nendlela yokuzingenela, kusetyenziswa izixhobo ezifana nendawo yokufaka ikhowudi emnyango, ifowuni okanye ibhokisi enesitshixo ibe baba necebo lesibini xa kunokwenzeka kubekho into engahambi kakuhle.

UJuliette ucebisa athi: "nika iindwendwe zakho enye inombolo yoqhakamshelwano ukwenzela xa kunokuvela ingxaki " ukuba ziza kuzingenela. “Ndibanika iinkcukacha zomgcini wendlu wam.” Ngale ndlela, ukuba kukho imibuzo ibe awufumaneki ukuba uphendule, iindwendwe ziza kukwazi ukungena kwindawo yakho.

Xa iindwendwe zibhalisile xa zifika, zimele zizive zamkelekile. Umbuki zindwendwe uChris waseCleveland uthi: “Ufuna abantu bazive bamkelekile ngakumbi kunaxa beye kwihotele eqhelekileyo.” "Ndizenza ndifumaneke ukuze ndiphendule nayiphi na imibuzo ngokukhawuleza kangangoko ndinako."

Zama la macebiso ukuze uzithandise kwiindwendwe zakho xa zifika:

• Qinisekisa ukuba indawo yakho icocekile. Qinisekisa ukuba yonke indawo, imigangatho namalaphu acocekile kwaye akukho thuli. Khangela iinwele emva kokucoca, okanye naziphi na iimpawu zobumdaka okanye uthuli. Nokuba indawo yakho intle kakhulu, kufuneka icoceke ukuze ufumane umlinganiselo weenkwenkwezi ezintlanu.
• Yiba nento esisipho ukuze ubonise ukuba uyazixabisa iindwendwe zakho. Isenokuba yinto elula njengephetshana olibhale ngokwakho lokwamkela iindwendwe okanye ibhokisi yeebhiskitsi.
• Inethiwekhi ye-wifi yakho nephasiwedi mazibe kwindawo ebonakalayo. Ungayifaka ngqo le nto kwindlu yakho, kwindawo ethi Inkcazelo yeendwendwe.
• Shiyela iindwendwe zakho incwadi ezixelela ngendlu, enenkcazelo efana nemiyalelo yokupaka, iinkcukacha ngezinto zakho ezinokusetyenziswa namacebiso okusebenzisa izixhobo.
• Yenza incwadi ebonisa iindawo equka iivenkile zokutyela, iindawo zokwenza i-hiking, nezinto ezenziwayo ezineendlela zokungena ukuze ubonise ngeendawo ozithandayo.
• Thetha neendwendwe emva kokuba zifikile ukuze uqinisekise ukuba zinayo yonke into eziyidingayo. Ungayenza lula le nto ngokuthumela imiyalezo ebekelwe ixesha.

Inkcazelo ekweli nqaku isenokuba itshintshile emva kokuba lipapashiwe.