Qalisa kuAirbnb

Indlu yakho yijonge njengendawo yokuthengisa indawo yakho. Ufuna ukuyenza ibe nomtsalane kangangoko kunokwenzeka, ngoxa uthetha inyani ngezinto ezisenokungathandeki.

• Qala ngezinto ezifunekayo. Faka iinkcukacha ezifana nendawo ekuyo indawo yakho, uhlobo lwendawo nenani lamagumbi okulala nawokuhlambela eziza kukwazi ukuwasebenzisa iindwendwe zakho.
• Fota indawo. Iindwendwe ziyakuthanda ukubuka iifoto xa zisenza isigqibo sendawo eziza kuhlala kuyo. Ukuze ufote iifoto ezintle, qala ngokuqoqosha indawo yakho. Fota iifoto zendawo nganye, usebenzisa ukukhanya kwendalo uze uyizise ngecala ifoto xa kunokwenzeka.
• Yenza izinto ezikhethekileyo zibe phambili. Xa ubhala isihloko nengcaciso yendlu yakho, cinga ngezinto eziyenza ikhetheke indawo yakho, njengendawo entle eyingqongileyo okanye ipuli. Ngaphezu koko, phawula naziphi na izinto kwingcaciso yakho ekubalulekileyo ukuba iindwendwe zizazi ngaphambi kokubhukisha, njengezitepsi okanye indawo yokupaka.
  

Inyathelo lakho elilandelayo iza kuba kukulungisa yonke into efunekayo kwindlu yakho ukuze ukubuka kwakho iindwendwe kuhambe kakuhle.

• Faka Imithetho Yekhaya kwindlu yakho. Ukuze uncede iindwendwe zazi ukuba ulindele ntoni, faka imithetho yendawo yakho, kuquka iinkcukacha ezifana nemiqathango yokutshaya, izilwanyana zasekhaya neepati.
• Seta ikhalenda yakho. Ukuze uqinisekise ukuba ubhukishwa kuphela xa uza kukwazi ukuzamkela iindwendwe, faka amaxesha ofumaneka ngawo kwikhalenda yakho ka-Airbnb. Ungaseta neenkcukacha zokuba ufuna iintsuku ezingenakubhukishwa ezingaphi okanye zingabhukisha kwangaphambili kangakanani iindwendwe.
  
• Khetha ixabiso lakho losuku. Ixabiso olibizayo lixhomekeke kuwe kodwa uAirbnb unazo izixhobo—ezifana Nendlela Ephucukileyo Yokubeka Ixabiso—ukuze zikuncede ubeke ixabiso elihambiselana nokufunwa kweendawo, kunye nendawo yokulawula amaxabiso akhethekileyo ngamaxesha afana nempela-veki okanye amaxesha athile onyaka.
• Hlola imithetho yasekuhlaleni. Ezinye izixeko zinemithetho yokuhlala neendwendwe kwikhaya lakho, njengemiqathango kwinani leentsuku onokubuka ngazo iindwendwe, izinto ezifunekayo ukuze ubhalise okanye iirhafu ezikhethekileyo. Funda ngokubuka iindwendwe ngenkathalo apha.
  

Nokuba ulindele undwendwe lwakho lokuqala okanye olwe-100, nanga amanyathelo ekuza kufuneka uwenze ukuze uqinisekise ukuba indawo yakho ilungile.

• Qoqosha. Coca igumbi ngalinye elinokungena kulo iindwendwe, ingakumbi amagumbi okulala, izindlu zangasese nekhitshi. Hlola ukuba akukho zinwele, uthuli, okanye ukungunda phezu kwezinto naphantsi uze wondlule ibhedi ngezinto zebhedi ezicocekileyo.
  
• Gcina izinto zakho ezixabisekileyo. Ukuba unejuwelari, iipaspoti okanye ezinye izinto ezixabisekileyo, unokuzigcina kwigumbi elitshixwayo, ikhabathi, kwisefu okanye indawo yokugcina izinto. Okanye ungazigcinisa kwintsapho okanye abahlobo.
  
• Faka izinto ezifunekayo. Ukuze uncede iindwendwe zizive zisekhaya, cinga ngokuba nezinto ezifana nesepha, ishampu, iphepha langasese, izinto zebhedi neetawuli. Ayonto imbi ukuba nazo nezongezelelekileyo kwindawo ekufuphi.
• Nikezela ngeenkcukacha zokubhalisa xa kufikwa. Lungiselela ukubhalisa iindwendwe xa zifika naxa ziphuma, okanye ucele abahlobo nentsapho bakuncede. Ukuba akuzukubakho mntu, ungasebenzisa ibhokisi enesitshixo okanye iqhaga le-elektroniki uze unike iindwendwe imiyalelo yokungena kwi-app yakwa-Airbnb.
• Faka izinto ezincinci. Iindwendwe ukubona ukuba ucinge ngento yonke. Incwadi ezixelela ngendlu enemiyalelo namacebiso inokunceda iindwendwe ziziqhelanise nendawo. Ibhotile yewayini okanye isipho esincinci sinokwenza iindwendwe zizive zamkelekile kakhulu, kodwa ayinyanzelekanga loo nto.

Xa uyifakile indlu yakho waza walungisa indawo yakho, uza kukulungela ukuqalisa ukwamkela iindwendwe nokwenza ingeniso!