Aba baphathi bezindlu basebenzise izixhobo zika-Airbnb ukuze bonyuse izinga lokuhlala kwabantu

Xa umyeni nomfazi, uAngie noChris, baqalisa ukulungisa nokurentisa ngee-loft ezenziwe kakuhle eParis kubahambi kwiminyaka elishumi edlulileyo, babenzinyelwa ukutsala iindwendwe. Nangona bazifaka kwiwebhusayithi zohambo ezintathu nakwiwebhusayithu yabo, kwakunzima ukuba abantu abahlalayo ukuba bafike ku-50 pesenti.

Kodwa indlela izinto ezazihamba ngayo zatshintsha kwiminyaka emihlanu edlulileyo, xa, babefuna ukufikelela abantu abaninzi, baqalisa ukufaka iiLoft Zabo Ezilungiswe Kakuhle EziseParis ezisixhenxe kuAirbnb. Indlela efumaneka ngayo emhlabeni wonke le webhusayithi itsale iindwendwe eziselula, ezithanda itekhnoloji, ibe izinga lokubhukishwa kwabo lantinga laya kwizinga esi sibini esiqikelela ukuba zipesenti eziyi-85 ngexesha elixakekileyo neepesenti eziyi-75 ngexesha lonyaka lasebusika.

UChris, owayekade engumcebisi ePwC uthi, “UAirbnb uye wavula imarike yokubuka iindwendwe ebantwini abatsha nabahambi abatsha” Wenze eli shishini langumzekelo kwezinto ezintsha, kwiteknoloji nakumava abathengi.”

Ababuki zindwendwe abanobuchule abafana noAngie noChris, iwebhusayithi ka-Airbnb ayibenzanga nje bakwazi ukufikelela ebantwini kodwa ibanike nethuba lokubonisa kakuhle iifoto ezibonisa ii-loft zabo ezincinci, ezazikade zizivenkile zokubhaka ezindala, ezithengisa ukutya kwezi ntsuku neezitudiyo zobugcisa. Igalari eboniswe ngendlela esemagqabini ibenza bakwazi ukubonisa ngezinto zabo ezintle—iiposta zabo zobugcisa bokuhombisa, izitulo ezenziwe emindini wenkulungwane, nedyuveyi ehonjiswe okwedayisi. UAirbnb ubanika newebhusayithi yokunika iindwendwe amacebiso asekuhlaleni besebenzisa iincwadi ezikhethekileyo ezibonisa iindawo apho abantu baseParis bethenga khona, batye baze basele.

UChirs uthi “Sibuka iindwendwe kuba siyakuthanda ukuhamba. Siyakuthanda ukuhamba njengabantu basekuhlaleni, kungekhona njengabakhenkethi. Ngoko sagqiba ekubeni sibuke iindwendwe size sincede iindwendwe zethu zihlale njengabantu basekuhlaleni xa zikuhambo.”

Uthi, “UAirbnb wenze into ezingazange zikwazi ukuyenza ezinye iiwebhusayithi, ibe loo nto luluhlu lwababuki zindwendwe abakumgangatho ophezulu.” “Ikwalithuba lokuba umninikhaya aziphucule aze azame ukufumana umvuzo.”

Ngaphambi kokujoyina uAirbnb, uChris noAngie babesokola ukulawula iikhalenda zabo zokubhukisha kwiiwebhusayithi eziliqela kunye ne-software yabo yokubhukisha. UChris uthi, “Kwakunzima nyhani.” UAirbnb ubenze bakwazi ukudibanisa zonke iikhalenda zabo ukuze iindwendwe ezahlukeneyo zingabhukishi iintsuku ezifanayo. Kukho namaphepha aluncedo kule webhusayithi anika esi sibini inkcazelo ngendlela yokuphucula ishishini laso kuAirbnb. Emva kokufunda icebiso elicebisa ukuba banciphise ezona ntsuku zimbalwa zinokuhlalwa, uAngie noChris baqalisa ngokukhawuleza ukutsala abantu ababhukishayo abangakumbi.

Esi sibini siye sancedwa nazizixhobo zewebhusayithi zokubeka amaxabiso ngokuzenzekelayo, ezichaza amaxabiso aphezulu unyaka wonke kwangaphambili ngokusekelwe kwizinto ezifana nexesha lonyaka, iintsuku zeveki, namatheko akhethekileyo. UChris uthi, “UAirbnb unike nabani na oqhuba ishishini elincinci izixhobo ezisetyenziswa kwiihotele.”

Ngenxa yokuphumelela kwaso eParis, esi sibini ngoku sivula ezinye iindawo ePortugal. Izixhobo zika-Airbnb zokuncedisa ekwamkeleni iindwendwe ziza kusenza sikwazi ukuqesha umntu oza kusinceda silawule izindlu zaso sikude. UChris uthi, “Ndicinga ukuba ilungiselelo lomntu oncedisa ekwamkeleni iindwendwe liyitshintshile indlela abantu abawaqhuba ngayo amashishini abo. “Ndicinga ukuba uAirbnb usoloko esenza izinto ezintsha ibe esenza abantu bakhangele phambili.”

Inkcazelo ekweli nqaku isenokuba itshintshile emva kokuba lipapashiwe.