Ukusebenzisa izimvo ukuze uphucule indlela obuka ngayo iindwendwe

Izimvo ezintle zikuchazela ngezinto iindwendwe ezizithandayo ngendawo yakho. Nangona lungakwenzi uzive kamnandi, uluvo olubi lunokukunceda ube Ngumbuki Zindwendwe ongcono. Ukususela kuluvo lwakho lokuqala, ungasebenzisa izimvo ukuze uphucule indlela owamkela ngayo iindwendwe.

UJuliette, ilungu leQumrhu Labacebisi Lababuki Zindwendwe eNairobi, eKenya, uthi: “Izimvo zibaluleke kakhulu.” “Eli shishini lifuna umntu asoloko esebenza, ibe kubakho izinto ezingalindelekanga. Yiloo nto kubalulekile ukuba uyihlole indlu xa ukwazi—kuba izimvo zikuxelela into ethile.”

Izimvo zenza intsapho ithembane zize zincede lihambele phambili ishishini lakho. Ukuze ufunde kwizimvo zakho:

• Funda uluvo ngalunye, nazo naziphi na izimvo eziyimfihlo ezivela kwiindwendwe.

• Sebenzisa izimvo ezintle ukuze uhambisele phambili indlu yakho. Ngokomzekelo, ukuba undwendwe luncoma ikhitshi lakho elinento yonke, lifake kwifoto. Ungalucaphula olo luvo kwingcaciso.

• Sebenzisa izimvo ezimbi okanye naziphi na izimvo eziyimfihlo okanye imiyalezo ukuze uphucule izinto zakho ezinokusetyenziswa okanye ulungise ingcaciso yendlu yakho. Usenokufuna nokuphendula ubonwe ngumntu wonke ukuze ubonise ukuba uyayamkela ingxelo yokuba bekunjani.

Ababuki Zindwendwe abaphumelelayo bayakuphepha ukuthetha into eninzi encomayo kwiinkcukacha zendlu baze benze kangangoko ukuqinisekisa ukuba iindwendwe zihlala kamnandi UMax, iSuperhost yaseBongaree, eOstreliya uthi: “Ndisoloko ndizama ukuthembisa kancinci ndize ndenze kakhulu ukuze iindwendwe zingazihoyi iingxaki ezincinci.”

Umzekelo wokusebenzisa ingxelo ngale ndlela:

• Ukuba undwendwe lukhankanye ingxolo esesitratweni kuluvo, lungisa ingcaciso yendlu yakho ngokuchaza ukuba kusenokubakho ingxolo esesitratweni (ukuze uthembise kancinci).
• Emva kokuba iindwendwe zingenile, uzinika iiearplugs okanye umatshini onciphisa ingxolo (ukuze wenze kakhulu).

Ukuba uzichaza kwangaphambili iingxaki ezinokubakho, ungatsho ufumane iindwendwe eziyifaneleyo indawo yakho—uze uphephe ukubhalelwa uluvo olubi.

UKeshav, ilungu Lequmrhu Labacebisi Lababuki Zindwendwe eNew Delhi, eIndiya uthi: “Abantu baye basibhalela besithi bebehleli kamnandi, kodwa nantsi indlela onokwenza kube mnandi ngakumbi ngayo.” “Siyisebenzisile ke loo ngxelo. Ndifunda kakhulu xa ndithetha neendwendwe zokwenene.”

Hlala unxibelelana neendwendwe emva kokungena kwazo ukuze uzazise ukuba uyafumaneka ukuba zinemibuzo okanye iingxaki. Amacebiso ambalwa:

• Sebenzisa imiyalezo ecwangcisiweyo ukuze uncokole neendwendwe ngamaxesha abalulekileyo afana naxa zibhukisha, zibhalisa xa zifika naxa ziphuma.

• Emva kosuku lokuqala, buza iindwendwe ukuba zihleli njani nokuba ikhona na into onokuyenza ukuze uncede. Xa kuza kuhlalwa ixesha elide, kufuneka umane uthetha neendwendwe qho emva kweveki, njalo njalo.

• Ukuba iindwendwe zithi kukho ingxaki, yilungise kwangoko. Iindwendwe ezininzi azizukuba nangxaki ukuba kukho into engahambi kakuhle, ukuba nje uzama ukuyilungisa ngokukhawuleza.

UOmar, iSuperhost yaseMexico City uthi: “Ndisoloko ndizipha ixesha lokuphendula uluvo ngalunye, nokuba luhle okanye lubi.” “Abantu abanokuba zindwendwe zakho kwixesha elizayo baza kuzifunda.”

UOmar wongeza athi uluvo londwendwe ngobushushu bamanzi lwamnceda wayilungisa loo ngxaki. Olo ndwendwe lwabuya emva kweenyanga ezisibhozo. Uthi: “Izimvo ezinceda umntu aphucule kufuneka zihoywe.”

Ukuba uzifunda kakuhle izimvo, unganguMbuki Zindwendwe ongcono. U-Alessandro, Umbuki Zindwendwe waseLombardy, eItali uthi: “Kusenokwenzeka kubekho uluvo olubi, kodwa ayiyongxaki enkulu leyo.” "Khangelisisa isizathu sokuba kubhalwe olu luvo lubi uze ulungise apho kufuneka ulungise khona."

Inkcazelo ekweli nqaku isenokuba itshintshile emva kokuba lipapashiwe.