Kutheni umele ufake indawo yakho kuAirbnb?

Enoba zintoni ozimisele ukuzifikelela, ukubuka iindwendwe kuAirbnb yindlela emnandi nebhetyebhetye yokuzifikelela. Ungamkela iindwendwe nokoluphi uhlobo lwendawo, nokuba uphi na emhlabeni kambalwa okanye kangangoko ufuna.

Imali oyenzayo inokukunceda ubhatale amatyala akho esiqhelo, ubeke imali yomhla ka xakeka okanye ubhatalele iholide yakho elandelayo. Ngaphezu kokukwenzela imali eyongezelelekileyo, ukuvula iingcango zakho kukunika amathuba okuba udibane nabahambi abasuka emhlabeni wonke nawokuxhasa intsapho yakho yasekuhlaleni.

Xa ubuka iindwendwe kuAirbnb, ukhetha indlela nexesha ozamkela ngalo iindwendwe. Unganikezela ngendawo esetyenziswa nangabanye abantu, indawo umntu anokuba yedwa kuyo enoba ukhona okanye ukude.

Ngoxa abanye Ababuki Zindwendwe besenza ukubuka iindwendwe kube lishishini, abanye bakwenza njengento esecaleni. Ungazama ukubuka iindwendwe ukuze nje kuhambelane nesiganeko esikhethekileyo kwingingqi yakho okanye ugcine indawo yakho inabantu ngoxa useholideyini.

UMagaly, iSuperhost yaseMpuma Wenatchee, eWashington, uthi “Ndiyakuthanda ukuzilawula. “Yindlela ebhetyebhetye yokuphila—ndikwazi kakuhle ukuhoya kakhulu abantwana bam kodwa kwangaxeshanye ndizinikele kwimisebenzi yam esecaleni.”

Kuphando lwakutshanje, Ababuki Zindwendwe abaninzi bathe bafaka iindawo zabo kuAirbnb ukuze benze imali. Basebenzisa loo mali yongezelelekileyo ukuze babhatalele iindleko zokuphila ezonyukayo, enoba kukubhatala amatyala okanye kukuba nemali eyongezelelekileyo abanokuyisebenzisa.

UYuan, iSuperhost yaseSingapore uthi “Ndaqala ukubuka iindwendwe xa ndafudukela kweyam indawo. Ingeniso engena ngokuthe ngcembe endiyenza ngokwamkela iindwendwe kwigumbi lam endingalisebenzisiyo kuAirbnb, indinceda ndibhatalele izinto zam zemihla ngemihla ekubeni ndibuyele esikolweni kwaye ndingasaphangeli isigxina.”

Ngo-2021, Ababuki Zindwendwe abatsha emhlabeni wonke baye benza ingeniso edityanisiweyo eyi-1.8 billion yeedola zaseMerika, sixa eso esonyuke nge-30% kwesango-2019. Inani lengeniso esesiphakathini eyenziwa ngabaBuki Zindwendwe baseMerika ngo-2021 yayiyi$13 800, inyuke nge-85% kweyango-2019. Ibe amathuba okubuka iindwendwe—ukususela ngeempela veki ukuya ekuzibukeni unyaka wonke— aye aqhubeka ekhula ngo-2022 .

URobin, iSuperhost eMount Barker, eOstreliya uthi “Ukususela oko safaka indlu yethu kuAirbnb, khange sizisole. “Sisoloko sibhukishiwe inyanga nenyanga ibe, ingeniso esiyenza njengaBabuki Zindwendwe, eyongezelela kwimali yethu yomhlala phantsi, nezinye iimali esizityalileyo isenza siphile ubomi obutofotofo.”

Izinto ekunceda ngazo ukwabelana ngendawo yakho zingaphaya kokwenza imali. Ababuki Zindwendwe basixelele ukuba ukuvuyisana nabantu basekuhlaleni nokudibana nabantu abanika umdla ekusenokwenzeka ukuba bebengasoze badibane nabo ngamanye amaqithi-qithi.

UJames noRoxanne, iiSuperhosts eHoletown, eBarbados, benzela ububele iindwendwe zabo ngokuzinika izinto ezenziwe ekuhlaleni—njengamaqebengwana asasandul'ukubhakwa abawabeka kwitafile esecaleni kwebhedi—baphinde bawathengise kwivekile yabo encinci ekwindlu yabo. UJames uthi “Iindwendwe zidla ngokuthenga ikofu yasekuhlaleni iCane Dog Coffee engakumbi emva kokuyiphunga kwigumbi lazo.”

UBrian, iSuperhost eneHolle House Hostel eLas Palmas de Gran Canaria, eSpain, uthi waqalisa ukubuka iindwendwe ukuze anandiphe uhambo ngoxa ehleli ekhaya. Uthi “Iindwendwe esiye sazibuka bezimangalisa, ibe siye sawavuyela kakhulu amabali azo nokuphinda zisityelele.”

Unokwenza phantse nayiphi na indawo ibe nguAirbnb. Nokuba sesiphi na isizathu sakho sokuqalisa ukubuka iindwendwe, kulula ukuqalisa.

• Fumana ukuba unokwenza malini kwingingqi yakho, okanye vula iakhawunti ukuze unikezele ngendawo yokuhlala ebantwini ngexesha lengxaki
• Fumana ukuncedwa uwedwa yiSuperhost, ukukwazi ukukhetha ukwamkela undwendwe olunamava xa ubhukishwa okokuqala, nokukwazi ukufikelela ngokukhawuleza kwiqela eliqeqeshwe ngokukhethekileyo Eliliqela Elinceda Intsapho kuAirbnb Setup
• Funda indlela okhuselwa ngayo yiAirCover Yababuki Zindwendwe

Ukufaka indawo yakho kuAirbnb kunokukwenza uzifikelele izinto ofuna ukuzifikelela ngemali, udibane nabantu abavela emhlabeni wonke, uze ube ngusomashishini ngendlela ofuna ngayo. Xa sele ukulungele ukunikezela ngendawo yokuhlala kwiindwendwe, siza kukunceda kuyo yonke loo nto.

Funda okungakumbi kwisikhokelo sethu sokubuka iindwendwe