Ukubhala inkcazelo enika umdla ngendawo yakho

Sifundile kwiiSuperhost ukuba indawo yakho akunyanzelekanga ukuba igqibelele ukuze ithandwe, kodwa kufuneka uzixelele iindwendwe kanye le nto ziza kuyifumana xa zifika.

Ukubhala inkcazelo entle ngendawo yakho yenye yezona ndlela zintle zokwenza iindwendwe zazi oko mazikulindele kuyo nokuze ibhukishwe. Nantsi indlela yokwenza abahambi babe nomdla wokuhlala kwindawo yakho.

Isihloko sendlu yakho yinto yokuqala iindwendwe eziyifundayo kwaye, sona nefoto ekwiphepha lokuqala, zenza iindwendwe zilifunde iphepha lendlu yakho. Lisebenzise ukuze utsalele umdla kwezona zinto zintle ngendawo yakho.

Nantsi imizekelo embalwa yezihloko ezintle:

• Indlu yamaplanga etofotofo enekhitshi lompheki
• Isitudiyo esizamkelayo izinja esingaseLAX
• Indlu enendawo yokuphola engaselwandle eneekayak

Ungasebenzisa oonobumba abayi-32, xa kuqukwe nezikhewu, ukuze utsale umdla weendwendwe ukuba zifunde ngakumbi ngendawo yakho. Kutheni zimbalwa kangaka? Izihloko ezifutshane zisebenza kakuhle kwii-smartphones nakwiithablethi, zinto ezo ezisetyenziswa kangange-75% yezihlandlo zonke kukhangelwa kuAirbnb.

Kuphephe ukusebenzisa ii-emoji okanye iimpawu ibe sebenzisa oonobumba abakhulu ekuqaleni kwamagama ezinto kuphela (njengo “Yellowstone”) naxa ubhala izishunqulelo (njengo “LAX”).

Funda izikhokelo zethu zokubhala izihloko

Kukho izigidi zeendawo zokuhlala kuAirbnb. Ukuze wenze kucace ukuba yintoni eyenza eyakho ikhetheke, thatha imizuzu embalwa ucinge ngezinto eziyenza ikhetheke, njengendawo ekuyo okanye izinto ezinokusetyenziswa.

Kuxhomekeke kwimeko yakho, unokuphawula uthi:

• “Sikumgama othatha imizuzu eyi-10 ngeenyawo ukuya kwiindawo ezimbini edolophini ezenza ibhiya esemagqabini.”
• “Kukhona iindawo zokuqhuba iibhayisekile ezintabeni ezaziwayo ezikumgama wemizuzu eyi-15 kuphela xa usiya ngebhayisekile okanye emihlanu ngemoto.”

Ukuze ukhuthazeke, zama ukufunda iinkcazelo zezindlu ezibhalwe ngabanye Ababuki Zindwendwe uze ujonge izimvo zabo. Uza kutsho wazi ukuba zeziphi iintlobo zeenkcukacha nezinto ezinokusetyenziswa ezithandwa kakhulu ngabantu kwindlu.

Inkcazelo yendlu yakho kulapho uthengisa khona indawo yakho kwaye ukubalisa ibali kubalulekile ukuze uphumelele xa uthengisa. Akunyanzelekanga ukuba ube ngumbhali ophum'izandla ukuze ubhale ingcaciso eyenza umdla, kodwa kufuneka usebenzise amazwi acacileyo navuselela umdla.

Ukuba awuqinisekanga ngendlela yokuyiqalisa, ncokola nomhlobo uze umcacisele ukuba kunjani ukuhlala kwindawo yakho. Ezona nkcukacha zibalulekileyo zidla ngokuvela kwangoko, kwindlela yokuthetha eqhelekileyo eyenza ingcaciso yendlu ifaneleke kakhulu.

Ibali olibalisayo linokuthetha ngezinto iindwendwe ezinokuzonwabela. Uneflethi ekumgangatho ophezulu ejikelezwe yimithi enomthunzi? “Uza kuba ngathi ukwindlu eyakhiwe emthini!” Igumbi eliqhelekileyo elisedolophini linokuba “yindawo entle yokuhla ukuze ubuke isixeko.”

UTereasa noDavid, iiSuperhost e-Elkhorn, eWisconsin, bathi ukubalisa ngembali yendlu yabo “kuye kwazichukumisa” iindwendwe zabo. Bacebisa ukuba uyazi indawo ohlala kuyo uze wazi nokuba yintoni eyenza umtsalane ngekhaya lakho okanye ngedolophu yakho njengoko ubhala ibali lakho.

Iindwendwe ezikhangela indawo yokuhlala zidla ngokujonga inkcazelo yendlu ukuze zibone izinto eziphambili ngayo ngaphandle kokufunda onke amagama. Yenza inkcazelo yendlu yakho ibe mfutshane, ibe nenkcazelo ebalulekileyo ekuqaleni, ukuze abantu abanokuba zindwendwe zakho bangachithi ixesha beyikhangela.

Kwangaxesha nye, zama ukungaphindaphindi iinkcukacha obusele uzifakile. Ngokomzekelo, ungasebenzisa uludwe lwezinto ezinokusetyenziswa ekufuneka ube uyazenza ukuze ufake zonke izinto ezifumaneka kwindawo yakho, njenge-wifi, indawo yokupaka imoto nomatshini okhupha umoya obandayo okanye oshushu. Le nto yenza ukuba inkcazelo yendlu ibe mfutshane ibe iqinisekisa ukuba indlu yakho iyavela xa iindwendwe zisebenzisa izihluzo xa zikhangela ngokwezinto ezinokusetyenziswa.

Ukuthetha ude ugqithe emgceni nokuzibaxa izinto xa uchaza indawo yakho kunokwenza abantu baphoxeke uze ufumane uluvo olubi. Ukuba nenyani kunceda iindwendwe zigqibe ekubeni indawo yakho iyazifikelela na izinto ezizifunayo ngaphambi kokuba zibhukishe.

UNikki, iSuperhost eSan Francisco uthi, “Kwindlu yakho, qinisekisa ukuba uyaziquka iinkcukacha ezenza indlu yakho yahluke. “Zicacise ngendela eyinyani necacileyo, ngaphandle kokwenza indlu yakho ingabi namtsalane. Ufuna ukucacisa ngokwaneleyo ukuze uncede iindwendwe zakho zikhethe indlu eziyifunayo.”

Iifoto zakho zisetyenziswa kakhulu ziindwendwe ukuze zigqibe ukuba ziza kuyibhukisha na indawo yakho, ibe izihloko zenza iindwendwe zibe nomfanekiso ngqondweni wezinto eziza kuzonwabela. Ukuba uxakiwe ukuba ubhale uthini kwiifoto, cinga ngento iifoto ezingazibonisiyo onokuyongeza.

Ukuba uveza ibhedi, chazela iindwendwe zakho ukuba ingakanani uze uchaze nohlobo lomatrasi, ukuba oko kunokunceda. Unefoto yendawo yokuhlala engasefestileni entle? Ungachaza ukuba yindawo entle yokuziqhotha uze ufunde incwadi xa kutshona ilanga.

Fumana okungakumbi kwisikhokelo sethu sokufaka indlu ephumelelayo