Imithetho ebekiweyo yeendwendwe

Umyalezo womhleli: Eli nqaku lapapashwa njengenxalenye Yezintsha KuNovemba ZeAirbnb 2022. Inkcazelo isenokuba itshintshile emva kokuba lipapashiwe. Funda okungakumbi ngemveliso yethu yakutshanje.

Iindawo ezisibhozo kweziyi-10 ezibhukishiweyo zika-Airbnb ngo-2022 ziphele zisenza Ababuki Zindwendwe bafumane izimvo zeenkwenkwezi ezintlanu. Usebenza ngamandla ukuze uhoye iindwendwe. Sifuna ukuqinisekisa ukuba nawe siyakukhathalela.

Ukuze siqinisekise ukuba iindwendwe ziyazihlonela iindawo zakho, sinemithetho ebekiweyo—imilinganiselo emitsha enyanzeliswayo ekufuneka zonke iindwendwe ziyilandele. Ilula kwaye icacile, ibe siyibonisa undwendwe ngalunye ngaphambi kokuba lubhukishe.

Imithetho yekhaya ikunika ithuba lokubeka izinto ezinokulindelwa zindwendwe kwasekuqaleni. Xa kukho imithetho ebekiweyo, nayiphi na imithetho yekhaya oyibekileyo inokunyanzeliswa ukuba awukwazi ukuyilungisa ingxaki nondwendwe.

Ungakhetha kuludwe lwethu lwemithetho yekhaya eqhelekileyo enento yokwenza:

• Nezilwanyana zasekhaya
• Namatheko
• Nokutshaya, ukutshaya ngombhobho okanye ii-e-cigarette
• Nexesha ekungangxolwayo ngalo
• Nexesha lokufika nelokuphuma
• Nelona nani leendwendwe ezininzi
• Neefoto ezenzelwe ukuthengisa nokurekhoda iividiyo

Ukuba unemiyalelo ekhethekileyo engafakwanga kwimithetho yekhaya eqhelekileyo, ungayibhala kwindawo ethi Imithetho eyongezelelekileyo kwiisetingi zendlu yakho.

Imithetho yekhaya lakho ivezwa kakhulu kwiindawo ezine: kwiphepha lendlu yakho, kwisikrini sokuqinisekisa ukubhukisha, nakwi-imeyile ethi Pakisha nakwiSikhokelo Sokufika esifunyanwa zindwendwe ngaphambi kohambo lwazo.

Imithetho ebekiweyo ithi iindwendwe zimele ziphathe indawo yakho njengeyazo. Iindwendwe azimelanga zishiye indawo yakho ifuna kucocwe kugutyulwe okanye ngokugqithiseleyo, njengokushiya iikhaphethi zingcoliswe zizilwanyana zasekhaya.

Ukuba iindwendwe zenza umonakalo ongaphezu koqhelekileyo, silindele ukuba zisebenzisane nawe ukuze kufumaneke isisombululo esifanelekileyo. Silindele nokuba zibhatalele imali esengqiqweni ezicelwa ukuba ziyibhatale ukuba zizo ezenze umonakalo, zenze kwalahleka izinto okanye xa kukho iindleko zokucoca ezingalindelekanga.

Ukuba aziyibhatali, ukhuselwa yi-inshorensi yomonakalo Yombuki Zindwendwe, eyinxalenye yeAirCover Yababuki Zindwendwe.

Ukuba iindwendwe aziyithobeli imithetho ebekiweyo, unokuyichaza loo nto ngokunika undwendwe umlinganiselo ophantsi kucoceko okanye kwimithetho yekhaya xa ubhala izimvo okanye ngokuqhakamshelana Neqela Elinceda Intsapho.

Ngokomzekelo, masithi imithetho yakho eqhelekileyo yekhaya ayikuvumeli ukutshaya. Ukuba iindwendwe ziyatshaya kwindawo yakho uze uyixele loo nto, siza kuziphendulisa.

Iindwendwe ezophula ngokuphindaphindiweyo imithetho yekhaya eqhelekileyo ebekiweyo zisenokumiswa okwexeshana okanye zisuswe kuAirbnb ukuba iingxaki ziyaqhubeka. Ukuba undwendwe lwaphula imithetho yakho eyongezelelekileyo, siza kukunceda ukuba uthathe amanyathelo alandelayo afanelekileyo.

Ukuba wazisa undwendwe ukuba lwaphule imithetho yekhaya yakho ize loo nto ibangele ukuba undwendwe lushiye uluvo luziphindezelela, ungaluphikisa olu luvo.

I-inshorensi yomonakalo yombuki zindwendwe ayopolisi yeinshorensi ibe and isebenza phantsi kwale mimiselo, imiqathango nezinto ezilinganiselweyo. Ayibakhuseli Ababuki Zindwendwe abaneendawo zokuhlala eJapan, apho kusebenza i-Inshorensi Yababuki Zindwendwe yaseJapan, Kubabuki Zindwendwe abaneendawo zokuhlala abasebenzisa uAirbnb Travel LLC. Kubabuki Zindwendwe abaneendawo zokuhlala kwimimandla yaseTshayina, kusebenza i-Inshorensi Yokukhusela Ababuki Zindwendwe baseTshayina. Kubabuki Zindwendwe abahlala okanye abanendawo yokuhlala eseOstreliya, I-inshorensi Yomonakalo Yombuki Zindwendwe ixhomekeke Kwimimiselo Yeinshorensi Yomonakalo Yombuki Zindwendwe Yabantu Abayisebenzisayo baseOstreliya. Ukhumbule ukuba zonke iimali zezinto ezikhuselwayo zichazwe ngokweedola zaseMerika.

Kwizindlu eziseWashington State, izinto ezifunekayo kuAirbnb eziphantsi kweinshorensi yomonakalo Yombuki Zindwendwe zibhatalelwa yipolisi yeinshorensi ethengwe nguAirbnb. I-Inshorensi yomonakalo yombuki zindwendwe ayinanto yakwenza neInshorensi yomonakalo kumntu obebhukishile. Phantsi kweInshorensi yomonakalo yombuki zindwendwe, uza kubuyiselwa imali ngomonakalo othile owenziwe zindwendwe kwindlu yakho nakwizinto zakho ukuba undwendwe aluwubhataleli loo monakalo.

Inkcazelo ekweli nqaku isenokuba itshintshile emva kokuba lipapashiwe.