I-coronavirus (COVID-19) iluqhwalelisile ushishino lwezohambo kulo nyaka, ibe ichaphazele ababuki zindwendwe emhlabeni wonke. Ukuze baxhase intsapho yethu, abasebenzi bakwa-Airbnb banikele nge-$1 miliyoni ephuma ezipokothweni zabo ukuze bakhe ingxowa-mali yokuxhasa ababuki zindwendwe abatsala nzima. Abaseki baka-Airbnb nabo baye banikela nge$9 miliyoni ephuma ezipokothweni zabo—ukongeza kwi$7 miliyoni evela kubatyali-mali—ngoko yi$17 miliyoni xa iyonke.
“Njengonontlalontle, umvuzo wam awanelanga ukuze ndibhatale amatyala ndize ndifundise nonyana wam. Kutshanje, utata wonyana wam uye wafunyaniswa enomhlaza ibe okubuhlungu uye wasweleka. Ingeniso ka-Airbnb ibinceda ekubhataleni amatyala okumnyanga ibe ngoku inceda ekukhathaleleni umama wakhe. Ukudibana nabantu abatsha nokwenza izihlobo eziza kuhlala zihleli kuAirbnb bekundonwabisa. Ukufumana le mali yenkxaso kunikeza ithemba ngeli xesha linzima.”
"I-Covid-19 iyichaphazele kakhulu imeko yethu yezimali. Kuba siye sayekiswa emsebenzini, akukho mali yaneleyo yokuba sizixhase. Siye safumana nosana olutsha ebudeni balo bhubhane. Ukufumana le mali yokusixhasa kusincede sakwazi ukubhatala amatyala ibe kusinceda sondle nosana lwethu.”
“Ndithathe umhlala phantsi ibe inkosikazi yam ayisebenzi. Ebudeni beCOVID-19, ndiye ndenziwa utyando lomhlaza oluye lwandenza ndaneendleko ezinkulu ebendingazilindelanga. Ukubuka iindwendwe kuAirbnb bekusinceda sibhatale ityala lendlu neendleko zethu kodwa ngoku iCOVID-19 ichaphazele ukubhukishwa kwethu. Ukufumana le nkxaso yemali kuza kusinceda simelane neli xesha linzima.”