Into omele uyenze ukuba indawo oza kuhlala kuyo ayicocekanga xa ufika

Soloko uqala ngokuthumelela Umbuki Zindwendwe wakho umyalezo ukuze nincokole ngendlela yokulungisa ingxaki. Kusenokwenzeka ukuba angakunceda ukwazi ukuyilungisa loo ngxaki. Ukuba Umbuki Zindwendwe wakho akakwazi ukunceda okanye ufuna ukucela ukubuyiselwa imali, sikhona ukuze sikuncede.

Thumela isicelo sokubuyiselwa imali

Nantsi indlela yokulungiselela:

1. Qokelela ubungqina: Ukuba kunokwenzeka, fota okanye wenze ividiyo ukuze ube nobungqina bengxaki efana nento enokusetyenziswa engekhoyo okanye eyaphukileyo.
2. Faka isicelo sakho: Uza kucacisa ingxaki uze ufake iifoto okanye ividiyo ukuba unokukwazi. Ungacela Umbuki Zindwendwe ukuba alungise ingxaki, ucele ukubuyiselwa imali yokucoca okanye, ngenxa yeengxaki ezinkulu, ungacela ukurhoxisa ukubhukisha kwakho uze ubuyiselwe yonke imali yeentsuku ezishiyekileyo.
3. Linda impendulo: Ukuba Umbuki Zindwendwe wakho akavumi okanye akaphenduli, ungacela uAirbnb ukuba angenelele ukuze akuncede. UAirbnb uza kusebenzisa Ipolisi Yokubhukisha Kwakhona Neyokubuyiswa Kwemali ukuze agqibe ngendlela anokunceda ngayo.

Ukucela uAirbnb angenelele

Nangona sisoloko sifuna Ababuki Zindwendwe neendwendwe balungise izinto kunye ukuba banako, siyaqonda ukuba loo nto ayisoloko ikwazi ukwenzeka. Ukuba kuvela ingxaki ongakwaziyo ukuyilungisa Nombuki Zindwendwe wakho (okanye Umbuki Zindwendwe wakho akasamkeli okanye akasiphenduli isicelo sakho sokubuyiselwa imali), sixelele ibe umntu ovela kwiqela lethu uza kungenelela ukuze akuncede.

Ukuba sifumanisa ukuba le ngxaki ikhuselwe yiAirCover, siza kukubuyisela yonke imali okanye inxalenye yemali yakho, okanye, kuxhomekeka kwiimeko, sikufunele indawo yokuhlala efanayo okanye engcono.

Ungalibali ukuba uneeyure eziyi-72 zokusixelela ngayo nayiphi na ingxaki ukususela ngexesha oyifumanise ngalo.

Xa kukho iingxaki ezinokubeka impilo engozini, njengeencukuthu, ukungunda okanye enye into ethile egulisayo, nceda uqhakamshelane neenkonzo zemeko yongxamiseko zasekuhlaleni ukuba kuyimfuneko. Ukuba udinga uncedo ngokubhukisha kwakho, ungathumela isicelo kuAirbnb ibe siza kugqiba ngeyona ndlela yokulungisa efanelekileyo phantsi Kwepolisi yethu Yokubhukisha Kwakhona Neyokubuyiswa Kwemali.