Izinto ezicetyiswayo ziza kubonakala emva kokubhala kwindawo yokukhangela. Sebenzisa iaro enyukayo nehlayo ukuze uwahlole. Sebenzisa iqhosha elingu-enter ukuze uyikhethe. Ukuba ukhethe amabinzana, loo mabinzana ngawo aza kukhangelwa. Ukuba ucetyiswa ngelinki, ibhrawza iza kuya kwelo phepha.
Ipolisi yentsapho
Umbuki Zindwendwe Wento Enokonwatyelwa

Ukubuka iindwendwe ezifuna izinto ezinceda ilungele wonke umntu

UAirbnb usebenzela ekubeni yiwebhusayithi efikeleleka ngakumbi, apho wonke umntu enokuthatha inxaxheba aze onwabele Into Enokonwatyelwa. Abantu abaneziphene basenokufuna umntu wokuya Kwinto Enokonwatyelwa kunye nabo ukuze bakwazi ukuthatha inxaxebha ngokupheleleyo—ngokomzekelo, itoliki yondwendwe olungevayo okanye olungeva kakuhle, umntu okhathalela umntu ohamba ngesitulo esinamavili. Kwa-Airbnb, umntu onjalo simbiza ngokuba ngumntu oncedisa ngokungena.

Abantu abancedisa ngokungena banokubizwa ngeendlela ezahlukeneyo emhlabeni wonke, kodwa kwimeko Yezinto Ezinokonwatyelwa zakwa-Airbnb, sithi umntu oncedisa ngokungena ngumntu oneminyaka engaphezulu kweyi-18, osoloko enceda umntu onesiphene, onesigulo sengqondo okanye isigulo sexesha elide ngezinto zemihla ngemihla.

Abantu abancedisa ngokungena basenokwenza izinto ezininzi, kuquka ukuhoya loo mntu, ukwenza izinto ngaphakathi okanye ngaphandle endlini okanye ukulungiselela ezothutho nonyango. Abo kuthiwa ngabantu abancedisa ngokungena kufuneka bakwazi ukunceda umntu onesiphene ngento ayidingayo.

Iindlela abantu abancedisa ngokungena abanokunceda ngazo ebudeni Bento Enokonwatyelwa ziquka, kodwa aziphelelanga kwezi:

  • Ukunceda undwendwe ukuba luhambahambe kwindawo eyenziwa kuyo Into Enokonwatyelwa
  • Ukunceda undwendwe luncokole noMbuki Zindwendwe okanye ezinye iindwendwe
  • Ukukhapha undwendwe ukuya okanye ukusebenzisa izindlu zangasese
  • Ukunceda undwendwe luthenge izinto
  • Ukunceda undwendwe ngezinto ezenziwayo ebudeni beklasi okanye xa lufundiswa
  • Ukunceda undwendwe lutye okanye lusele

Abantu abancedisa ngokungena akuyomfuneko ukuba benze ezi zinto:

  • Bahlale kwindlu enye nomntu abamncedayo
  • Babhatalwe ngexesha labo
  • Babe baqeqeshiwe

Iipolisi zokwamkela abantu abancedisa ngokungena kwinto enokonwatyelwa

Ababuki Zindwendwe Bezinto Ezinokonwatyelwa zakwa-Airbnb banokukhetha ukuvumela abantu abancedisa ngokungena ukuba bajoyine undwendwe abaluncedayo ubuqu ngaphandle kokubhatala imali engakumbi.

Xa undwendwe oludinga umntu oncedisa ngokungena ebhukisha Into Enokonwatyelwa eyivulileyo le ndawo, umntu oluncedisayo akazukubhataliswa (okanye abalwe kwinani) ngendawo eyongezelelekileyo.

Abantu abancedisa ngokungena abahamba nondwendwe:

  • Abathathi nxaxheba Kwinto Enokonwatyelwa ngaphandle kondwendwe olubhukishileyo - le nto ithetha ukuba abanikwa ezabo izixhobo, izinto zokuyenza, njl.
  • Ayingobahlobo okanye amalungu entsapho afuna ukujoyina Into Enokonwatyelwa
  • Ayingobantu abanceda ekuhoyeni abantwana njengomntu ogcina abantwana

Ababuki zindwendwe

Ukuze uvule le setingi Yento Enokonwatyelwa omele uye ubuqu kuyo, yiya kwindawo ethi Izinto zakho ezinokonwatyelwa, khetha ethi Lungisa, uze emva koko uye kwethi Iisetingi zamaxabiso > Amaxabiso ondwendwe.

Xa zibhukisha Into Enokonwatyelwa ivuliwe le setingi, iindwendwe ziyacelwa ukuba ziqhakamshelane noMbuki Zindwendwe ukuze zimazise ukuba ziza kuza nomntu oncedisa ngokungena zize zincokole nangazo naziphi na ezinye iinkcukacha ezongezelelekileyo.

Umntu oncedisa ngokungena akazukubhataliswa (okanye abalwe kwinani) ngendawo eyongezelelekileyo ibe ukubakho kwakhe akuzukuqukwa kumda weqela okanye xa kubalwa ixabiso. Ukuba Into yakho Enokonwatyelwa iquka iimeko ezililinganiselayo inani leqela xa lilonke, njengento yokuthutha iindwendwe okanye amatikiti, kusenokufuneka uncokole nondwendwe ngezi nkcukacha ngaphambi Kwento Enokonwatyelwa.

Iindwendwe

Ungakhangela Izinto Ezinokonwatyelwa oya ubuqu kuzo ezivumela umntu oncedisayo angene simahla. Emva kokuqalisa ukukhangela Izinto Ezinokonwatyelwa zakwa-Airbnb ngokwendawo nosuku, khetha indawo ethi Ezinye izihluzi, uze uvule ethi Khetha iindlela zokungena ukuze ubone izihluzi ezifumanekayo kwinto oyikhangelayo.

Xa ubhukisha Into Enokonwatyelwa evumela umntu oncedisayo angene simahla, qhakamshelana noMbuki Zindwendwe ukuze umazise ukuba uza kuhamba nomntu okunceda ngokungena nize nincokole ngeenkcukacha ezingakumbi. Kuye kuthathwe ukuba undwendwe olunye luza nomntu omnye oluncedisa lungene; nceda uncokole noMbuki Zindwendwe ukuze wazi ukuba yintoni enokwenziwa ngokwento leyo enokonwatyelwa.

Eli nqaku likuncedile?

Amanqaku asondele kweli

Fumana uncedo ngokubhukisha kwakho, ngeakhawunti yakho, nangokunye.
Ngena kwiakhawunti okanye uvule iakhawunti