Indlela onokunceda ngayo ekupheliseni ukuthengiswa kwabantu

NjengoMbuki Zindwendwe okanye undwendwe, ungenza into ethile ukuze usabele kwimeko enokubakho yokuthengiswa kwabantu endlini yakho. Sicinga ngale nto, siyakukhuthaza ukuba uxele iimeko ekurhaneleka ukuba zezokuthengiswa kwabantu kwiNational Human Trafficking Hotline yaseMerika. Ukuba awukho seMerika, unokufumana imibutho kwihlabathi lonke ejongene nomba wokuthengiswa kwabantu kwiGlobal Modern Slavery Directory (GMSD).

Ukucacisa ukuthengiswa kwabantu

Indlela ekucaciswa ngayo ukuthengiswa kwabantu inokwahluka, kuxhomekeka kwilizwe ohlala kulo, kodwa amazwe amaninzi anezinto ezintathu eziphambili kwingcaciso yawo  ezichazwe Zizizwe Ezimanyeneyo. Iimeko zokuthengiswa kwabantu zimele ziquke: 

1. Isenzo: ukurhwetyeshwa, ukuthuthwa, ukudluliselwa, ukuhanjiswa okanye ukwamkelwa komntu. 
2. Indlela esetyenziswayo: ukoyikiswa okanye ukunyanzeliswa, ukuxhwilwa, ubuqhetseba, ukuqhathwa okanye ukusetyenziswa kakubi kwegunya. 
3. Injongo: Ukuxhaphaza kuquka ukuxhaphazwa kwabantu abathengisa ngesondo okanye ezinye iintlobo zokuxhaphaza ngokwesondo, ukunyanzelisa ukuba umntu asebenze okanye anikezele ngeenkonzo, ubukhoboka okanye izenzo ezifanayo nobukhoboka okanye ukususwa kwamalungu.

Ngoobani abasemngciphekweni

Nangona nabani na enokuthengiswa, abanye abantu basengozini kakhulu kunabanye ngenxa yeemfuno ezisisiseko abangazifumaniyo. Aba bantu baquka abantu abahluphekayo okanye abaneemeko zokuhlala ezingazinzanga, nabantu abakhe behlelwa zizinto ezibuhlungu okanye abakhe bangamakhoboka ento ethile. Ngenxa yocalucalulo olukhoyo nolwexesha elidlulileyo nokungalingani, abantu bebala, abantu abafudukileyo, nabantu abaziLGBTQ+ banamathuba angakumbi okuxhatshazwa ngenxa yezi meko nokujongana nokuthengiswa kwabantu.  

Ukuze imeko ibe kukuthengiswa kwabantu, kufuneka kubekho iimpawu zobuqhetseba, okanye ukunyanzelwa. Zisenokufana nezi:

• Umntu akakwazi ukushiya imeko ngokukhululekileyo kwaye akakwazi ukulawula imali yakhe kunye  nezinto zakhe
• Umntu unyanzelekile ukuba athathe umsebenzi phantsi kweemeko ezahlukileyo kunezo kwakuvunyelwene ngazo ekuqaleni ngexesha lokuqesha
• Umntu wenziwa ukuba atye iziyobisi okanye asele utywala ngomnye umntu
• Ukubethwa okanye ukuphathwa kakubi okanye ukugrogriswa ngokubethwa 
• Ukubotshelelwa
• Ukonzakaliswa emzimbeni

Izinto onokuzibona xa kukhona umntu oxhatshazwayo kwindawo yakho:

• Ukusetyenziswa ngokunyanzelwa:
  • Kusebenza umntwana
  • Iimpawu zokungacoceki kakuhle, ukungondleki okanye ukudinwa
  • Umsebenzi ofakwe ngumqeshi kwindawo engafanelekanga (akukho ndawo yokuba abe yedwa/malungiselelo okwexeshana okulala)
  • Ukukolota imali umqeshi okanye umqeshwa kunye/okanye ukungabhatalwa imali ebithenjisiwe okanye ekolotwayo
  • Umsebenzi akavumelekanga ukuthatha ikhefu elifanelekileyo
  • Umntu osebenzayo usebenza phantsi kweemeko eziyingozi okanye ezichaphazela impilo kakubi kwaye akazinikwa izixhobo zokuzikhusela okanye akaqeqeshwa ngokufanelekileyo
  • Kubonakala ngathi ujongwe ngomnye umntu xa ethetha okanye ekunye nabanye abantu
• Ukuthengiselwa ukuba umntu athengise ngesondo:
  • Idilesi yendlu ikho kwiintengiso ezikwi-intanethi njendawo ethengisa ngesondo
  • Iingxelo zeendwendwe ezingavumelekanga ezibakho qho ngeeyure ezahlukahlukeneyo.
  • Inani elingaphaya lezinto zesondo kwindlu
  • Ukubakho kwezinto zokuthengisa kulungiselelwa ukwenziwa kwevidiyo/ukufotwa

Into omele uyenze ukuba udibana nemeko yokuthengiswa kwabantu

NjengoMbuki Zindwendwe okanye undwendwe, unganceda ekupheliseni ukuthengiswa kwabantu. Ukuba udibana nemeko kwindlu yakho ekusenokwenzeka ukuba kukuthengiswa kwabantu, unokufumana uncedo ngokuqhakamshelana neNational Human Trafficking Hotline ngefowuni ku-1-888-373-7888, ngokuthumelela umyalezo othi “BeFree” ku-233733, okanye ngokuthetha kwimiyalezo ehoywa kwaoko ku-humantraffickinghotline.org/chat. Le nombolo ifumaneka imini nobusuku, simahla, izinto zigcinwa ziyimfihlo ibe ifumaneka ngeelwimi ezingaphezu kweziyi-200. 

Umele usixele nesiganeko ekusenokwenzeka ukuba sesokuthengiswa kwabantu kuAirbnb. Iziko Lokhuseleko lakwa-Airbnb yindawo kw-iapp enento yonke ngokhuseleko nezinto eziluncedo ezibalulekileyo. Unokufikelela Kuncedo Olukhawulezayo lakwa-Airbnb ngokusebenzisa eli Ziko Lokhuseleko neenkonzo zongxamiseko zasekuhlaleni nokuba ukweyiphi indawo emhlabeni.