Izimvo zakho ezivela Kubabuki Zindwendwe
Izimvo ziyindlela entle yokuba Ababuki Zindwendwe bakuchazele ukuba bekunjani emva kokuba uhambo lwakho luphelile. Izimvo zikwanceda intsapho yethu Yababuki Zindwendwe ngokubanzi iqonde ukuba yintoni emayiyilindele ngokusekelwe kwizimvo zangaphambili ezingococeko, ezingemithetho yekhaya kunye nangoqhakamshelwano.
Nantsi ingcaciso yezinto eziqukiweyo xa ufumana uluvo, nento uMbuki Zindwendwe anokukwazi ukuyifunda xa ucela okanye ubhukisha indawo yokuhlala kwixesha elizayo.
Imilinganiselo evela Kumbuki Zindwendwe wakho
Njengenxalenye yenkqubo yokufaka izimvo ngokuzithandela, Ababuki Zindwendwe banokukunika umlinganiselo wenkwenkwezi eyi-1 ukuya kweziyi-5 kwiindidi ezintathu: ucoceko, imithetho yekhaya, nokuqhakamshelana. Ngokufanayo nemilinganiselo yeenkwenkwezi Yababuki Zindwendwe, le milinganiselo yeendidi idityaniswa ibe ngumlinganiselo olinganiselweyo wexesha olihleliyo.
Imilinganiselo yakho eneenkcukacha zendlela obuhleli ngayo kwixesha elidlulileyo, kunye nodidi lwakho lonke nemilinganiselo elinganiselweyo yawo onke amaxesha obuwahleli, ingafundwa kuphela Ngababuki Zindwendwe xa ucela okanye ubhukisha indawo yokuhlala kubo kwixesha elizayo. Iindidi ezinemilinganiselo emihle (4-5) ziza kuboniswa zinophawu lokutikisha zize ezinemilinganiselo emibi (1-3) ziboniswe zinophawu lwesilumkiso.
Imilinganiselo isetyenziswa ngeendlela ezininzi, ibe inceda:
- Ababuki zindwendwe abakhoyo okanye abo basenokuba Ngababuki Zindwendwe bagqibe ekubeni basamkele na isicelo sokubhukisha sondwendwe;
- UAirbnb agqibe enoba undwendwe luyazifikelela na izinto ezifunwa Ngumbuki Zindwendwe ukuze lusebenzise uVel 'ubhukishe;
- UAirbnb agqibe enoba undwendwe lufanelekile na ukuba lundwendwe olunamava olukufanelekelayo ukubhukisha izindlu ezithile; kwaye
- UAirbnb agqibe enoba undwendwe luyayilandela na imithetho yethu ebekiweyo yeendwendwe. Ukwaphulwa kwemithetho okuphindaphindiweyo okanye ngendlela eyothusayo okuchazwe ngemlinganiselo okanye kuncedo lwabathengi kunokukhokelela ekulumkisweni, ekunqumamisweni, kunye/okanye ekususweni kwiwebhusayithi.
Uluvo olubonwa ngumntu wonke oluvela Kumbuki Zindwendwe
Nangona ukubhala izimvo kunganyanzelekanga, xa Ababuki Zindwendwe bekhetha ukufaka uluvo, kufuneka babhale uluvo oluza kubonwa ngumntu wonke. Uluvo Lombuki Zindwendwe luyavezwa kwiprofayile yakho, ngoko nabani na ocofa kwiprofayile yakho angakwazi ukulufunda.
Into oyenze kakuhle
Ababuki Zindwendwe banokukhetha ukugqamisa into oyenze kakuhle (umz: uyigcine icocekile, iqoqoshiwe ibe ikwimeko entle, uye wayilahla inkunkuma, wathumela imiyalezo eluncedo, wanembeko, wasoloko uphendula, njl.). Ukuba ucela okanye ubhukisha indawo Kumbuki Zindwendwe, angajonga ukuba abanye Ababuki Zindwendwe babhale ntoni ngezihlandlo obuhleli ngazo ngaphambili. Izimvo ezintle ziza kuboniswa ecaleni kophawu lokutikisha.
Izinto omele uzikhumbule kwixesha elizayo
Ukuba Umbuki Zindwendwe ufaka umlinganiselo ophantsi kulo naluphi na uluhlu, simcela ukuba asichazele into engahambanga kakuhle kuhambo lwakho. Esebenzisa le ngxelo yokuba bekunjani, uAirbnb uza kucebisa ngeendlela zokuphepha iingxaki kuhambo lwakho olulandelayo. Ukuba ucela okanye ubhukisha indawo Kumbuki Zindwendwe, angajonga ezi zimvo ezingezihlandlo obuhleli ngazo ngaphambili. Izimvo ezimbi ziza kuboniswa ecaleni kophawu lwesilumkiso.
Umyalezo ongabonwayo ngabanye abantu ovela Kumbuki Zindwendwe wakho
Usenokufumana umyalezo ongabonwayo ngabanye abantu ovela Kumbuki Zindwendwe wakho othetha ngakumbi ngokuba bekunjani. Xa uphendula, ungalibali ukuba nguwe wedwa onokuwufunda lo myalezo.
Amanqaku asondele kweli
- Undwendwe
Phendula okanye uphikise uluvo
Ungabhala impendulo eza kubonwa ngumntu wonke kwizimvo ezishiywe ngabanye abantu ngawe kodwa awukwazi ukuzisusa. Izimvo zisuswa kuphela xa z… - Undwendwe
Ipolisi Yezimvo yakwa-Airbnb
Ipolisi yethu iyanceda ukuqinisekisa ukuba izimvo ziluncedo, zinenkcazelo efunekayo ibe zichanile kubabuki zindwendwee nakwiindwendwe. - Umbuki zindwendwe
Inkqubo Yokuqinisekisa Ngomvuzo
UAirbnb unika Ababuki Zindwendwe abatsha kwiindawo ezithile isiqinisekiso sengeniso xa bebuka iindwendwe kayi-10 nangaphezulu kwindawo zabo …