Yeyiphi imithetho endifanele ndiyiqwalasele ngaphambi kokuba ndibe ngumbuki zindwendwe kwa-Airbnb?

Xa ugqiba ekubeni ungumbuki zindwendwe wakwa-Airbnb, kubalulekile ukuba uqonde indlela imithetho esebenza ngayo kwisixeko sakho.

Ezinye izixeko zinemithetho ethintela ukukwazi kwakho ukwamkela iindwendwe ezibhatala ixesha elifutshane. Le mithetho idla ngokuba yinxalenye yeendawo zokwabiwa kwesixeko okanye iikhowudi zolawulo. Kwizixeko ezininzi, kufuneka ubhalise, ufumane imvume, okanye ufumane ilayisensi ngaphambi kokuba ufake indlu yakho okanye wamkele iindwendwe. Iintlobo ezithile zokubhukisha ixesha elifutshane zisenokungavumelekanga ngokupheleleyo. Oorhulumente basekuhlaleni bayahluka kakhulu kwindlela abayinyanzelisa ngayo le mithetho. Izohlwayo zinokuquka ukuhlawuliswa okanye okunye ukunyanzeliswa.

Le mithetho inokubhidisa. Sisebenzisana noorhulumente emhlabeni wonke ukucacisa le mithetho ukuze wonke umntu ayiqonde kakuhle ukuba yeyiphi imithetho. 

Kwezinye iindawo zerhafu, uAirbnb uza kuhoya ukubala, aqokelele aze athumele irhafu yokuhlala ekuhlaleni egameni lakho. Irhafu yokuhlala ibalwa ngendlela eyahlukileyo kuwo onke amagunya, ibe sihamba ngokukhawuleza kangangoko kunokwenzeka ukuze sandise le nzuzo kubabuki zindwendwe abangakumbi emhlabeni wonke.

Okwangoku, nceda uhlole imithetho yasekuhlaleni ngaphambi kokufaka indawo yakho kuAirbnb. Inkcazelo engakumbi ngemithetho nemigaqo yesixeko sakho isenokufumaneka kwiphepha lethu Lokubuka Iindwendwe Ngenkathalo kwicandelo leMigaqo Yesixeko Sakho.

Ngokwamkela Imimiselo Yenkonzo yethu nokwenza indlu isebenze, uyaqinisekisa ukuba uza kulandela imithetho nemimiselo yasekuhlaleni.