Ukulungisa ikhalenda yakho Yombuki Zindwendwe

Eyona ndlela yokulawula ukubhukisha kwakho nokuphepha ukurhoxisa kukugcina ikhalenda yakho isexesheni. Unokuphawula iintsuku njengezivuliweyo okanye njengezivaliweyo ukuze ixesha ofumaneka ngalo licace kwiindwendwe xa zinomdla kwindawo yakho.

Ukuze uphawule iintsuku njengezivuliweyo okanye ezivaliweyo:

Xa iintsuku ezikhethiweyo zikwiimeko ezingafaniyo (ngokomzekelo, ukuba ezinye iintsuku zivuliwe ngoxa ezinye zivaliwe), uza kubona indawo ethi Lungisa iintsuku ofumaneka ngazo endaweni yethi Vula iintsuku okanye Vala iintsuku.

Uza kuphawula nokuba iintsuku ezifumanekayo kwikhalenda zimhlophe, ibe iintsuku ezingafumanekiyo ziza kukrwelwa ngomgca ohlaba iintsuku. Xa uvula iintsuku ezingafumanekiyo, uza kukwazi ukuchaza isizathu sokuba zivaliwe—nokuba zivaliwe ziisetingi zakho okanye zivaliwe nguAirbnb. 

Njengombuki Zindwendwe, ungavula naziphi na iintsuku kwikhalenda yakho—ngaphandle kokubhukisha okurhoxisileyo okanye iintsuku ezibhukishiweyo kwiikhalenda ezilinkiweyo okanye ezidityanisiweyo. Uza kufumana inkcazelo engakumbi ngeekhalenda ezilinkiweyo nezidityanisiweyo ngezantsi.

Indlela yokukhetha iintsuku kwikhalenda esefowunini

Ukuze ukhethe iintsuku ezininzi uze ulungise amaxabiso neentsuku ofumaneka ngazo, kuza kufuneka ucofe uze ubambe usuku, uze uswayiphe iintsuku ozifunayo. Ukuba ungathanda ukukhetha iiveki ezininzi, ungacofa uze ubambe usuku, uze uswayiphe wehle kwikhalenda. Le nto iqinisekisa ukuba zonke iintsuku ziqukiwe kumyinge wakho wosuku.

Isizathu sokuba iintsuku zekhalenda zisenokuvalwa

Kukho izizathu ezahlukahlukeneyo zokuba ezinye iintsuku kwikhalenda yakho zingafumaneki ukuba zibhukishwe ziindwendwe. Enoba kukutshintsha iisetingi zakho okanye kufuneka ulungise ukuqinisekiswa kwakho, funda okungakumbi ngesizathu sokuba iintsuku ezikwikhalenda yakho zisenokuvalwa.

Kwenzeka ntoni kwikhalenda yakho xa kukho imibuzo okanye izimemo

• Ukuba undwendwe luthumela umbuzo, ikhalenda yakho ihlala ivuliwe: Ezi ntsuku ziza kuhlala zifumaneka ukuze iindwendwe ezininzi zikwazi ukuthumela imibuzo de ube unesicelo sohambo esisalindileyo.
• Ukuba uthumelela undwendwe isimemo abe uVel' Ubhukishe evuliwe, ungazivala iintsuku okanye uzishiye zivuliwe: Uza kukwazi ukukhetha ukuzivala ezo ntsuku de undwendwe lubhukishe okanye de isimemo siphelelwe emva kweeyure eziyi-24—kuxhomekeka kweyenzeka kuqala—nto leyo eza kunika undwendwe ithuba lokuba lubhukishe. Ungasitshintsha isigqibo sakho nanini na ngokurhoxisa isimemo sokubhukisha.
• Ukuba uthumelela undwendwe isimemo abe uVel' Ubhukishe engavulwanga, iintsuku ziza kuvalwa: Ukuba ukhupha isimemo sokubhukisha abe uVel' Ubhukishe engavulwanga, ezo ntsuku ziza kuvalwa ngokuzenzekelayo kwikhalenda yakho de undwendwe lubhukishe okanye isimemo siphelelwe lixesha emva kweeyure eziyi-24—kuxhomekeka kweyenzeka kuqala.