Ncedwa yindawo ethi Mazi Umbuki Zindwendwe

Iindwendwe zisixelele ukuba ngaphambi kokuba zibhukishe Igumbi, zifuna ukwazi abantu abaza kuhlala nabo. Indawo ethi Mazi Umbuki Zindwendwe yindlela yokuzazisa uze wenze iindwendwe zazi into ezinokuyilindela.

Indawo ethi Mazi Umbuki Zindwendwe ithatha iinkcukacha ezibalulekileyo ezikwiprofayile yakho ize iziveze kwiziphumo zokukhangela Amagumbi. Iindwendwe zingacofa kwifoto yakho ukuze zifunde yonke into oyibhalileyo ngawe. Okanye zingaya ngqo kwiphepha lendlu yakho, apho ziza kufumana inkcazelo efanayo evezwe phantsi kwesihloko esithi “Dibana Nombuki Zindwendwe wakho.”

Igama lakho, iminyaka ubuka iindwendwe, umlinganiselo weenkwenkwezi, nenani lezimvo zeendwendwe zivela ngentla kwindawo yakho ethi Mazi Umbuki Zindwendwe. Loo ndawo ilandelwa zizo naziphi na iinkcukacha zakho ongathanda ukuzifaka, njengomsebenzi wakho, izinto othanda ukuzenza, iilwimi, izinto ezinika umdla, igama lezilwanyana zasekhaya, nento eyenza kukhetheke ukuhlala kwindawo yakho.

Lungisa iprofayile yakho ukuze ufake iinkcukacha kwindawo yakho ethi Mazi Umbuki Zindwendwe. Zama la macebiso ukuze ufote ifoto eza kuba nomtsalane xa uqala ukuyibona.

Indawo ethi Mazi Umbuki Zindwendwe yindlela entle yokuqalisa ukwenza ubuhlobo neendwendwe. Ukwazi ukuba ninomdla kwizinto ezifanayo, kumsebenzi okanye kumculo ofanayo kwenza niqhelane.

UStacey, undwendwe oluseOklahoma City uthi, “Akunyanzelekanga ukuba Umbuki Zindwendwe abe ngumhlobo wam osenyongweni, kodwa kufuneka abe ngumntu endiziva ndikhululekile ukuhlala naye. Indawo ethi Mazi Umbuki Zindwendwe imchaza aziwe ukuba ungumntu onjani kwaye ibonisa ukuba kuza kubanjani ukuhlala kwakhe.”

Ukufumana iinkcukacha ezingakumbi kwangaphambili kunceda iindwendwe zigqibe ekubeni indawo yakho izilungele na izinto ezizifunayo kuhambo, ngoxa kunongela nobabini ixesha nomsebenzi. UStacey uthi, “Iyayinciphisa imiyalezo ethunyelwayo ibe yenza ukubhukisha kube lula nangakumbi, kuba imibuzo yam sele iphenduliwe.”

KuChris, iSuperhost yaseMacon, eGeorgia, indawo ethi Mazi Umbuki Zindwendwe yindlela echuliweyo yokuqalisa ubuhlobo neendwendwe. Uthi, “Ndingumntu ozithulelelyo, ibe indincede ndakwazi ukuthetha ngakumbi. Ndiye ndizame ukwenza iprofayile yam inike umdla kwaye ibukeke.”

Kwindawo yakhe ethi Mazi Umbuki Zindwendwe, uChris ubhale ukuba ungumdlali othathe umhlala-phantsi Nonozakuzaku oyiSuperhost. Ukwachaza ukuba:

• Uchitha ixesha elininzi kakhulu edlala igalufa

• Unenja enguPrincess

• Wazalwa kwiminyaka yoo-1980

• Wayedlala ibhola ekhatywayo edlalela iikholeji/iiyunivesithi ezimbini zabantu abamnyama

• Unendawo yekofu yeendwendwe

Ukuthatha ixesha lokunika iindwendwe inkcazelo engakumbi ngaphambi kokuba zibhukishe Igumbi lakho kunokunceda kudibanise iindwendwe ezithanda izinto ezifanayo.

Njengoko undwendwe uStacey lusitsho, “Ukuba ndifunda ukuba Umbuki Zindwendwe ‘uchitha ixesha elininzi’ ecula i-karaoke, ndiyazi ukuba uza kulindela olunye uhlobo londwendwe kunombuki Zindwendwe ‘ochitha ixesha elininzi’ ebukele uNetflix.”

Gcwalisa ngeenkcukacha indawo ethi Mazi Umbuki Zindwendwe wakho ngokuya kwiprofayile yakho yakwa-Airbnb uze ukhethe indawo ethi “Lungisa,” okanye ucofe iqhosha elingezantsi.

Inkcazelo ekweli nqaku isenokuba itshintshile emva kokuba lipapashiwe.