Ideshibhodi entsha ikwenza uyibone kakuhle ingeniso yakho
Kulula ukucwangcisela ishishini lakho lokubuka iindwendwe xa ukwazi ukubona ingeniso yakho kwindawo enye. Ideshibhodi yethu yengeniso eyenziwe ngokutsha yenza le nto ikwazi ukwenzeka.
Uza kufumana indlela ingxelo yemali ebhatelweyo yexesha elidlulileyo neyexesha elizayo eyahlulahlulwe ngayo, iingxelo ezinokutshintshwa, izihluzi nendlela yokukhangela.
Ingeniso yakho
Ungayifumana le deshibhodi entsha kwithebhu yeMenyu. Khetha indawo ethi Ingeniso ukuze uyivule. Ngasentla, itshathi esebenzayo ibonisa:
- Imali oyenzileyo kwiinyanga ezintandathu ezidlulileyo
- Imali oyenzileyo ukuza kuthi ga ngoku kule nyanga
- Imali ekuqikelelwa ukuba uza kuyenza kwiinyanga ezintandathu ezizayo ngokusekelwe ekubhukisheni okuzayo
Ushwankathelo lonyaka ukuza kuthi ga ngoku
Ngezantsi kwetshati yengeniso, ungavula ushwankathelo lonyaka ukuza kuthi ga ngoku ebala ingeniso yakho ukususela nge-1 kaJanuwari yalo nyaka. Ingxelo eshwankathelweyo ibonisa ingeniso yakho epheleleyo—imali epheleleyo oyifumana ngaphambi kuba kutsalwe nayiphi na imali. Imali nganye etsalwayo idweliswe kumgca wayo, ibe yonke imali oyibhatelweyo emva kokutsalwa kweemali idweliswe ngezantsi kwayo.
Nazi izinto oza kuzibona:
- Ingeniso epheleleyo
- Iirhafu ezitsaliweyo
- Iimali ezibhatalelwa ukusebenzisa uAirbnb ezitsaliweyo
- Naziphi na izinto ezitshintshiweyo
- Imali epheleleyo ebhatelweyo emva kokutshalwa kweemali
Iinkcukacha zokubhatalwa
Ideshibhodi ibalaselisa imali oza kuyibhatalwa neyakutshanje. Ifakwe ngaphantsi koshwankathelo lwengeniso.
Vula ingxelo yemali oyibhatelweyo ukuze ufumane iinkcukacha zemali engenileyo nephumileyo, eziquka:
- Ingxelo ngendlela ixabiso elahlulahlulwe ngayo
- Umhla ebhatelwe ngawo okanye ecwangciselwe ukuba ibhatalwe ngawo
- Ikhowudi yokubhukisha elinkiweyo
- Igama nefoto yondwendwe
- Nayo nayiphi na enye inkcazelo efanelekileyo, njengemali ebhatalwe Umbuki Zindwendwe Oncedisayo, izicelo Zeziko Lezemali, okanye iminikelo eqhubekayo eyenziwa kuAirbnb.org
Ukukhangela nezihluzi
Yonke imali oyibhatalwayo idweliswe ngokulandelelana kwayo ukuze kube lula ukubona ingxelo yemali engenileyo nephumileyo. Fumana ingxelo yemali ethile oyibhatelweyo ngokukhangela eyona mali ibhatelweyo okanye ikhowudi yokuqinisekisa ukubhukisha.
Ungakwazi nokuhluza imali oyibhatelweyo:
- Ngomhla, kuquka nangeentsuku ezithile
- Ngendlu, ngokukhetha indlu enye okanye ezininzi ngaxeshanye
- Ngendlela yokubhatalwa, ngokukhetha indlela enye okanye ezininzi ngexesha elinye
IIngxelo ezinokutshintshwa
Ungenza ingxelo yengeniso ngamanyathelo ambalwa alula:
- Vula uludwe olupheleleyo lwemali ebhatelweyo okanye eseza kubhatalwa uze ucofe indawo ethi Fumana ingxelo
- Khetha ukuba le ngxelo ivulwe kwisixhobo sakho okanye ithunyelwe kwi-imeyile yakho njengefayile ethunyelwayo
- Khetha ukuba zeziphi iinkcukacha ongathanda ukuziquka, njengendlela yokubhatalwa, usuku lokubhukisha, nekhowudi yokuqinisekisa ukubhukisha
- Cofa indawo ethi Yenza ingxelo
Iisetingi namaxwebhu
Uza kufumana iisetingi zakho zokubhatalwa, inkcazelo yerhafu, namanye amaxwebhu engeniso aluncedo ezantsi kwideshibhodi.
Ideshibhodi entsha yengeniso yinxalenye Yezinto Ezintsha KuNovemba ZeAirbnb 2023. Qalisa ukusebenzisa ezi zinto zintsha namhlanje ngokukhetha Ukuyifumana Kuqala.
Indlela umntu oyisebenzisayo avakalelwa ngayo isenokwahluka ngokweendawo.
Inkcazelo ekweli nqaku isenokuba itshintshile emva kokuba lipapashiwe.