Inkxaso-mali ka-Airbnb inceda kwakhiwe amakhaya afikelelekayo eKhanada
Izinto eziphambili
Iiklabhu Zababuki Zindwendwe zichonga imibutho engenzi ngeniso ukuze ifumane iminikelo nyaka ngamnye Kwingxowa-mali Yentsapho ka-Airbnb.
UAirbnb uza kunikezela nge$100 miliyoni yeedola zaseMerika ukuya kutsho ngo-2030 kwimibutho esemhlabeni wonke.
Ukuchongelwa Ingxowa-mali Yentsapho kuka-2024 ngoku sele kuqalisile.
UCharlie ebe Ngumbuki Zindwendwe kwiphondo lasePrince Edward Island eKhanada kangangeminyaka emibini, kodwa ukuzibophelela kwakhe kwingingqi ahlala kuya kwaqala kudala ngaphambili koko. Wakhula esakha amakhaya esebenza nonina nombutho ongenzi ngeniso iHabitat for Humanity. Ukuvolontiya nokusebenza ngezandla zakhe kwashiya iinkumbulo angasoze azilibale.
Sithetha nje, uCharlie uyaqhubeka nokuxhasa iHabitat for Humanity New Brunswick ukuze ancede abantu basekuhlaleni bakhe okanye baphucule amakhaya abo. Abanini bamakhaya bayancedisa kumsebenzi wokwakha, besebenza namavolontiya. Xa iprojekthi igqityiwe, abapheleli nje ekubeni nendawo abaza kuyibiza njengekhaya, kodwa baxhamla nakwityala lendlu elifikelelekayo.
Uthi, “Ukubona indlela iHabitat ezinceda ngayo iintsapho nabantu basekuhlaleni kwandikhuthaza, kwabeka isiseko sokuba ndibone ndize ndixhase imibutho eqhuba kakuhle kakhulu efana nayo.”
UCharlie, Inkokeli Yentsapho Yeklabhu Yababuki Zindwendwe yaseNew Brunswick nePrince Edward Island, ukhethe umbutho wasekuhlaleni iHabitat for Humanity ukuba ufumane umnikelo Kwingxowa-mali Yentsapho yakwa-Airbnb. Amalungu Eklabhu Yababuki Zindwendwe anethuba nyaka ngamnye lokunceda intsapho yawo Ngengxowa-mali Yentsapho.
Indlela Iiklabhu Zababuki Zindwendwe ezenceda ngayo
I-Habitat for Humanity New Brunswick yaye yafumana umnikelo we$75 000 yeedola zaseMerika Kwingxowa-mali Yentsapho ka-Airbnb ukuze incede ekwakheni izindlu eziyi-15 zeentsapho ezikule ndawo.
UPerry Kendall, oyiCEO kwaHabitat for Humanity New Brunswick uthi,“Siza kuliphinda kabini inani lamakhaya esiwakhileyo kwiminyaka emalunga nemibini.
Indlela onceda ngayo lo mnikelo nomsebenzi owenziwa yiHabitat for Humanity ingaphaya kokwakhiwa kwendawo elikhaya. UPerry uthi ukuba nekhaya elikhuselekileyo kunceda nakwezinye izinto. Imfundo yabantwana idla ngokuphucuka, ibe abazali badla ngokuphucula kwindlela abaqhuba ngayo emsebenzini, ngokutsho kukaPerry.
Zingaphezu kwe-50 Iiklabhu Zababuki Zindwendwe ezichonge imibutho engenzi ngeniso emhlabeni wonke ukuze ifumane iminikelo Kwingxowa-mali Yentsapho yakwa-Airbnb ngo-2023. Ngoku ukuchongwa kwemibutho ukuze ifumane iminikelo Kwingxowa-mali Yentsapho ka-2024 kuqalisile. Qhakamshelana Neklabhu Yababuki Zindwendwe yasekuhlaleni ukuze ufunde okungakumbi.
Joyina Iklabhu yakho Yababuki Zindwendwe yasekuhlaleni ukuze ufumane ithuba lokupha
Inkcazelo ekweli nqaku isenokuba itshintshile emva kokuba lipapashiwe.
Izinto eziphambili
Iiklabhu Zababuki Zindwendwe zichonga imibutho engenzi ngeniso ukuze ifumane iminikelo nyaka ngamnye Kwingxowa-mali Yentsapho ka-Airbnb.
UAirbnb uza kunikezela nge$100 miliyoni yeedola zaseMerika ukuya kutsho ngo-2030 kwimibutho esemhlabeni wonke.
Ukuchongelwa Ingxowa-mali Yentsapho kuka-2024 ngoku sele kuqalisile.