Ukuqhakamshelana ngokuphumelelayo neendwendwe

Kubalulekile ukuba iindwendwe zibe nenkcazelo ebalulekileyo ngaphambi kokuba zifike, njengendlela yokuya kwindawo yakho nendlela yokungena kuyo. Njengenxalenye yemithetho ebekiweyo Yayabuki Zindwendwe, ufanele usoloko ukulungele ukuphendula imibuzo uze ulungise iingxaki ezivela kwiindwendwe ngokukhawuleza kangangoko kunokwenzeka.

Xa iindwendwe zakho zingenile, hlala ufumaneka xa zinemibuzo. Zama la macebiso ukuze uphendule:

• Dawunlowuda i-app ka-Airbnb kwifowuni yakho uze uvule imiyalezo. Ungachazelwa ngomyalezo, ngeimeyile, okanye ngokuthe ngqo kwi-app.
• Sebenzisa iimpendulo ezikhawulezayo. Bhala uze ugcine imiyalezo ukuze uyithumele ngemizuzwana—ngoko qho undwendwe lubuza umbuzo oqhelekileyo, ungaphendula ngokukhawuleza.
• Zama imiyalezo enexesha lokuthunyelwa. Ngesi sixhobo, iindwendwe zifumana imiyalezo ngokuzenzekelayo ngamaxesha abalulekileyo, njengasemva kokubhukisha okanye ngaphambi kokuba zibhalise xa zifika.
• Fumana Umbuki Zindwendwe Oncedisayo ukuze ancedise ekuphenduleni iindwendwe ukuba awuzukwazi ukuhoya ifowuni okanye i-imeyile yakho.

Xa undwendwe lubhukisha indawo yakho, thumela umyalezo wobubele nolwamkelayo. Ukubonisa uvelwano—nokungazithathi lula izinto—kudlala indima enkulu.

Ungalibali ukuqhakamshelana nalo ngala maxesha abalulekileyo:

• Ngaphambi kokufika: Chazela iindwendwe indlela eya kwindawo yakho ecacileyo nemiyalelo yokubhalisa xa zifika ubuncinane kwiiyure eziyi-24 ngaphambi kokuba zifike.
• Xa zibhalisa xa zifika: Fumaneka ukuze uqinisekise ukuba iindwendwe zakho zingena ngaphakathi uze uziphendule nayiphi na imibuzo eziyibuzayo.
• Emva kosuku lokuqala: Gcina amajelo okunxibelelala evulekile ngokuthumelela iindwendwe zakho umyalezo emva kosuku lokuqala uzibuza ukuba belunjani usuku lwazo lokuqala nokuba ikhona na into eziyidingayo.
• Ngaphambi kokuphuma: Khumbuza iindwendwe ngexesha lokuphuma nazo naziphi na izinto ezimele zizenze ukuze ziphume, njengokucima izibane okanye ukucima ihitha.
• Emva kokuhamba kwazo: Thumela umyalezo omfutshane wokubulela, nto leyo enokunceda ikhumbuze iindwendwe ukuba zibhale uluvo lwazo.