Indlela yokuthelekisa umyinge wexabiso lezindlu ezifana neyakho

Ababuki zindwendwe basichazele ukuba kunzima ukwazi ukuba babize malini. Isixhobo sokuthelekisa izindlu ezifana neyakho sikuvumela uthelekise ixabiso lakho nomyinge wexabiso lezindlu ezifana neyakho ezikufuphi.

UFelicity, ilungu leQumrhu Labacebisi Lababuki Zindwendwe noyiSuperhost eNew South Wales, eOstreliya uthi, “Ndisoloko ndijonga ukuba ixabiso lam likhuphisana kakuhle na, ngoko ndifuna ukubona ukuba abanye ababuki zindwendwe kwingingqi yam bafumana malini ngosuku. Le nto itshintshe yonke into.”

Ukuze uthelekise izindlu ezifanayo:

1. Yiya kwithebhu ethi Amaxabiso kwikhalenda yendlu yakho.
2. Khetha iintsuku eziyokufika kweziyi-31.
3. Cofa kwindawo ethi Thelekisa izindlu ezifanayo.

Uza kubona umyinge wexabiso lezindlu ezifana neyakho ezikufuphi kwimephu yengingqi yakho. Amaqhosha akwimephu akuvumela ukuba ujonge izindlu ezibhukishiweyo okanye ezingabhukishwanga.

Amaxabiso akwimephu abonisa umyinge wexabiso lendlu nganye ebhukishiweyo okanye engabhukishwanga ngeentsuku ezikhethiweyo. Izinto ezigqibayo ukuba zeziphi izindlu ezifanayo ziquka indawo indlu ekuyo, ubungakanani bayo, izinto ezinokusetyenziswa, imilinganiselo, izimvo, nezinye izindlu iindwendwe ezizijongayo ngoxa zicinga ngeyakho.

Le nkcazelo ikunceda uwaqonde ngakumbi amaxabiso asekuhlaleni. Ungayisebenzisa nanini nauseta okanye ulungisa ixabiso lakho.

Ixabiso linokuba nefuthe elikhulu kwiziphumo zokukhangela. Izindlu ezinamaxabiso aphantsi kunezinye izindlu ezikufutshane ezinezinto ezinokusetyenziswa ezifanayo nezinokuthatha inani elifanayo leendwendwe zidla ngokuhamba phambili. Ukutshintsha ixabiso lakho kunokukunceda ufikelele iindwendwe uze wenze imali engakumbi.

Inkcazelo ekweli nqaku isenokuba itshintshile emva kokuba lipapashiwe.