Yenza ukubhalisa xa kufikwa nokuphuma kube lula
Ixesha lokufika nelokuphuma ngamaxesha abalulekileyo anokwenza ufumane okanye ungazifumani iinkwenkwezi ezintlanu zendlela ebekuhlelwe ngayo. Iindwendwe zilindele ukungena ngaphakathi ngokulula, ukuziva zamkelekile, nokuphuma ngokulula.
Yenze ibe lula indlela yokubhalisa xa kufikwa
Iindwendwe zifuna ukuyazi indlela yokuyifumana indawo yakho neyokuvula umnyango wangaphambili xa zifika. Khangela iindlela zokwenza ukubhalisa xa kufikwa kube lula:
Lungisa indawo yakho. Cinga ngokuphucula ikhaya lakho njengokufaka indlela yokungena usebenzisa ifowuni okanye ngokufaka ikhowudi, izibane zaphandle, okanye iimpawu zokwenza ukubhalisa xa kufikwa kube lula kuwe nakwiindwendwe zakho.
- Chaza iinkcukacha ezipheleleyo. Yiya Kwisikhokelo sokufika sendlu yakho ukuze usete okanye ulungise indlela yakho yokubhalisa xa kufikwa nexesha, indlela yokuya, incwadi ekuxelela ngendlu, iphasiwedi ye-wifi, nokungakumbi. Iindwendwe zifumana le nkcazelo emva kokuba zibhukishile.
- Bonisa indlela yokungena ngaphakathi. Faka iifoto okanye ividiyo yokunceda iindwendwe zibhalise xa zifika. Ngokomzekelo, ungayifota into yokutsala evula igeyithi yangaphambili.
- Sihlole kwangaphambili isikhokelo sakho. Cofa iqhosha elithi Hlola ukuze ubone inkcazelo yakho yaxa kufikwa kanye ngale ndlela iindwendwe ziza kuyibona ngayo. Cela umhlobo ukuba avavanye imiyalelo yakho uze ulungise izinto ezifuna ukulungiswa ukuze kube lula ukubhalisa xa kufikwa.
Iindwendwe zingakuthumelela umyalezo zinemibuzo ngokubhalisa xa kufikwa. Phendula ngokukhawuleza kangangoko kunokwenzeka, ingakumbi kwiiyure eziyi-24 ngaphambi kokuba zifike.
Nceda iindwendwe zizive zisekhaya
Indlela ozamkela nozicingela kwangaphambili ngayo izinto iindwendwe ezizidingayo luphawu lokwamkela iindwendwe ngendlela esemagqabini. Ukuhoya nezona nkcukacha zincinci kunokuba nefuthe elikhulu kwiindwendwe.
Cwangcisa umyalezo wokwamkela. Ngosuku lokubhalisa xa kufikwa, zichazele iindwendwe ukuba uyafumaneka ukuba kukho nantoni na eziyidingayo.
Qhelisela ukungakhethi xa ubuka iindwendwe. Ungalibali ukuba iindwendwe zisenokungahambiselani nezinto ozikholelwayo okanye izithethe zakho.
Yiba nobubele. Bonisa umdla kwiindwendwe zakho uze uzikhathalele izinto ezizidingayo ngoxa uhlonipha izinto zazo ezizimfihlo.
URie, ilungu leQumrhu Labacebisi Lababuki Zindwendwe noyiSuperhost eYomitan, eJapan, uyathanda ukubhala umyalezo wokwamkela iindwendwe onenkcazelo yasekuhlaleni eluncedo. Uthi, “Ukuba zingabazali ibe ziye zandichazela ukuba ziza nabantwana abancinci, ndiye ndicebise ngevenkile efanelekileyo yokuthenga amanapkeni. Ukuba zinenja, ndiye ndicebise ngendawo yokuthenga ukutya kwezilwanyana zasekhaya okusemgangathweni ophezulu.”
Yenza ungalibaleki
Cinga ngexesha lokuphuma njengesihlandlo sokugqibela sokuba iindwendwe zakho zonwabele indawo yakho. Ufuna bakhumbule indlela ebebehleli kakuhle ngayo.
Sebenzisa Isikhokelo sokufika ukuze unikezele ngemiyalelo yokuphuma ecacileyo nelula. Cinga enoba imisebenzi eyenziwa xa kuphunywa efana nokuyolahla inkunkuma okanye ukuqokelela iitawuli ezisetyenzisiweyo yinto enokwenza iindwendwe zizive zonwabe kakhulu na. Ukwenza le misebenzi ibe yinxalenye yendlela yakho yokucoca kungakhokelela kwizimvo ezingcono.
Emva kwesihlandlo ngasinye sokuhlala kweendwendwe, thumelela iindwendwe umyalezo uzibulela. Zimeme ukuba ziphinde zibuye, uze uzichazele ukuba uyazixabisa izimvo zazo. Zibuze ukuba zingathanda ntoni xa zibuya kwixesha elizayo.
Inkcazelo ekweli nqaku isenokuba itshintshile emva kokuba lipapashiwe.