Ukukwazi ukulawula ngakumbi kwithebhu ethi Izindlu
Siphawule ukuba izindlu ezineenkcukacha ezingakumbi zingabhukishwa ngakumbi ukuya kutsho kwi-20%. Ukususela ekufakeni ithebhu Yezindlu ngo-2023, siye saqhubeka siyiphucula ngokusekelwe kwizimvo Zababuki Zindwendwe.
Ezintsha NgoMeyi 2024 ziquka isicelo sakho esiphambili sokubuka iifoto: ukukwazi ukulandelelanisa iifoto zendlu kumagumbi. Kungekudala, uza kukwazi nokulungisa indlela yokubuka ngeefoto ekhoyo usebenzisa i-AI.
Nazi iindlela ezintlanu zokulawula indlu yakho ngokulula ngakumbi ngethebhu Yezindlu, uqale ngeefoto ezibukisayo eziphuculiweyo.
1. Yenza iifoto ezibukisayo
Nceda iindwendwe ziyiqonde indlela ezime ngayo izinto kwindawo yakho ngokwenza iifoto ezibukisayo. Ungasebenzisa iAI ukuze ulungelelanise iifoto zendlu yakho ngokuzenzekelayo ngokwamagumbi neendawo, uze uzilungise ngokwakho.
Ngoku, unokutsala uze ufake iifoto ukuze uzilungise kwakhona kulo naliphi na igumbi. Kungekudala, uza kukwazi ukuvele ulungise iifoto ezibukisayo xa ufaka iifoto ezintathu okanye ngaphezulu. I-AI iza kulandelelanisa iifoto ezintsha ngaphandle kokutshintsha nayiphi na into oyilungisileyo.
2. Lungisa izinto zakho ezinokusetyenziswa
Iindwendwe zithanda ukuhluza iziphumo zazo zokukhangela kuAirbnb ukuze zifumane iindawo ezinezinto ezithile okanye izinto ezinokusetyenziswa. Yenza indlu yakho ibe phambili ngokuquka yonke into efumaneka kwindawo yakho. Ithebhu Yezindlu yenza kube lula ukufaka izinto ezinokusetyenziswa nokuzigcina zisexesheni.
Unokubuka izinto ezinokusetyenziswa eziphantse zibeyi-150 ngokulandelelana kwamagama azo okanye ngokodidi lwazo okanye ukhangele into enokusetyenziswa ngokwegama—akufuneki ube usihla unyuka. Faka iinkcukacha apho ucelwe khona, njengokuphawula ukuba indawo yakho elungiselelwe ukusebenzela, ineprinta nesitulo esihlalisa kakuhle xa usebenza.
3. Lungisa ingcaciso yendlu yakho
Iindwendwe zifuna iindawo ezizibhukishileyo zihambelane nengcaciso yendlu. Ukunikezela ngenkcazelo ecacileyo nechanileyo ngendawo yakho neendawo eziyingqongileyo kunceda zaziwe izinto ezinokulindelwa.
Chaza indawo, izinto zokuhombisa nendlela ozibuka ngayo iindwendwe. Zama ukwazisa iindwendwe ukuba kunjani ukuhlala kwindawo yakho—indawo, izandi nezinto ezinokonwatyelwa
4. Isikhokelo sakho sokufika esipheleleyo
Iindwendwe kufuneka zikwazi ukuyifumana indawo yakho zize zingene lula. Ithebhu Yezindlu ikuvumela ufake okanye ulungise inkcazelo yokufika, yonke loo nto uyenza kwindawo enye.
Ungalawula indlela yakho yokubhalisa xa kufikwa nexesha, indlela yokuya kwindawo namacebiso okupaka, iphasiwedi ye-wifi, incwadi ekuxelela ngendlu, imiyalelo yokuphuma, nokunye—uze emva koko uhlole izinto eziza kubonwa zindwendwe. Iindwendwe zifumana inkcazelo emva kokubhukisha, ngaphambi kokungena naphambi kokuphuma.
5. Faka indlela yokungena ngokusebenzisa ifowuni okanye ngokufaka ikhowudi emnyango
Ukungena usebenzisa ifowuni okanye ngokufaka ikhowudi emnyango sisitshixo se-elektroniki esine-wifi esivulwa zindwendwe ngekhowudi endaweni yesitshixo. Yindlela elula nephumelelayo yokuzingenela.
Ukudityaniswa kwendlela yokungena usebenzisa ifowuni okanye ngokufaka ikhowudi emnyango sisixhobo sokubuka iindwendwe esikuvumela ukuba udibanise izitshixo ezihambelanayo kuAirbnb uze wenze ikhowudi yomnyango ekhethekileyo yokubhukisha okutsha ngakunye. Okwangoku ifumaneka Kubabuki Zindwendwe baseMerika naseKhanada abanezindlu ezintandathu nangaphantsi nezitshixo ezithile zeSchlage. Izixhobo zakwa-August nezakwaYale ziza kufakwa ngasekupheleni kwalo nyaka.
Izinto ezilungisiweyo kwithebhu Yezindlu ziyinxalenye Yezintsha NgoMeyi 2024.
Inkcazelo ekweli nqaku isenokuba itshintshile emva kokuba lipapashiwe.