UAirbnb Nababuki Zindwendwe basekuhlaleni bayakuxhasa ukulondolozwa kwendalo eKenya
Izinto eziphambili
Iiklabhu Zababuki Zindwendwe zichonga imibutho engenzi ngeniso ukuze ifumane iminikelo nyaka ngamnye Kwingxowa-mali Yentsapho ka-Airbnb.
UAirbnb uza kunikezela nge$100 miliyoni yeedola zaseMerika ukuya kutsho ngo-2030 kwimibutho esemhlabeni wonke.
Ukuchongwa Kwingxowa-mali Yentsapho kuka-2024 ngoku sele kuqalisile.
Ukuba ubona iqela Lababuki Zindwendwe bakwa-Airbnb elihamba ngaselwandle kunxweme lwaseKenya, abazithelanga chu nje. Bachola-chola iibhotile zeplastiki nenye inkunkuma ngaphambi kokuba iyokutsho kuLwandlekazi lwaseIndiya.
UPamellah, Umbuki Zindwendwe Nenkokheli Yentsapho Yeklabhu Yababuki Zindwendwe Yengingqi Yonxweme lwaseKenya, uceba ukujoyina umsebenzi wokucoca unxweme oququzelelwa ngumbutho wasekuhlaleni ongenzi nzuzo, iA Rocha Kenya, ezama ukukhusela ingingqi ayibiza ngokuba likhaya. Uthi, “Siye salungiselela intsapho Yababuki Zindwendwe ukuze idibane ize iyincede kakhulu intsapho yethu. Sithembele omnye komnye, ekubeni kungekho mntu uzimele geqe.”
I-A Rocha Kenya isebenzela ukufunda nokulungisa iindawo zokuhlala izilwanyana ezisemngciphekweni nokukhusela izilwanyana ezisengozini. U-Pamellah waye wachonga lo mbutho ukuba ufumane umnikelo Kwingxowa-mali Yentsapho yakwa-Airbnb kuba waye wayithanda indlela ozinikele ngayo ekulondolozeni indalo. Amalungu eKlabhu Yababuki Zindwendwe, nyaka ngamnye, anethuba lokuxhasa intsapho yawo yasekuhlaleni esebenzisa Ingxowa-mali Yentsapho.
Lo mbutho ongenzi nzuzo uyinxalenye yemibutho elondoloza indalo esebenzisana neA Rocha, mibutho leyo ekumazwe angaphezu kwe-20. I-A Rocha Kenya izibophelele ekulondolozweni kwendalo yasekuhlaleni, kuquka ukufakwa uphawu ezintakeni, ukutyala imithi i-mangrove, nokuphisa ngezithole zemithi simahla. Isebenzisana nabantu benkobe, amafama asekuhlaleni, amaqela abunjwa ngamabhinqa, izazinzulu, nabanye abantu ukuze yenze uphando ize ifundise abantu ngendalo.
U-Colin, umsunguli weA Rocha Kenya, naye Ungumbuki Zindwendwe wakwa-Airbnb. Uye wasebenzisana noPamellah ukuze afundise abantu basekuhlaleni ngokulondolozwa kwendalo. UColin uthi, “Abantu sibajonga njengenxalenye enkulu yesicombululo nokuba bayinxalenye yengxaki. Sikubona njengento ebalulekileyo ukubandakanya nokuquka abantu abaneemvelaphi ezahlukeneyo ukuze siphumelele.”
Ukutyhubela iminyaka, uColin uye wamkela abaphandi neendwendwe zika-Airbnb kwi-ecolodge yakhe kwidolophu yaseWatamu. Indawo yakhe ikumhlaba weziko lokulondoloza iA Rocha Kenya. Uthi imali ayifumanayo ngokubuka iindwendwe inceda kumaphulo alo mbutho ongenzi nzuzo. Iindwendwe zikaColin zidla ngokuba ngabaxhasi emva kokunikwa ithuba lokuthatha inxaxheba kwimisebenzi yokulondoloza indalo.
Indlela Iiklabhu Zababuki Zindwendwe ezenceda ngayo
Ngenxa yokuchongwa yiKlabhu Yababuki Zindwendwe yaseKenya, iA Rocha Kenya ifumene umnikelo we$50 000 yeedola zaseMerika Kwingxowa-mali Yentsapho ka-Airbnb. Ngaloo mali, lo mbutho ongenzi ngeniso uceba ukwenza indawo entsha yokulondoloza indalo uze wenze enye indawo yokuhamba yamaplanga ukuze uphucule indawo esele ikhona yokulondoloza indalo.
Lo mnikelo uza kunceda lo mbutho ongenzi ngeniso uqhubeke neenkqubo zawo zokukhenketha kwindalo kwi-ecolodge, ibe uza kuba neenkqubo ezingakumbi zokufundisa, ezinjengokunika abantu basekuhlaleni imithi emincinci.
Zingaphezu kwe-50 Iiklabhu Zababuki Zindwendwe ezichonge imibutho engenzi ngeniso emhlabeni wonke ukuze ifumane iminikelo Kwingxowa-mali Yentsapho yakwa-Airbnb ngo-2023. Ngoku ukuchongwa kwemibutho ukuze ifumane iminikelo Kwingxowa-mali Yentsapho ka-2024 kuqalisile. Qhakamshelana Neklabhu Yababuki Zindwendwe yasekuhlaleni ukuze ufunde okungakumbi.
Joyina Iklabhu yakho Yababuki Zindwendwe yasekuhlaleni ukuze ufumane ithuba lokupha
Inkcazelo ekweli nqaku isenokuba itshintshile emva kokuba lipapashiwe.
Izinto eziphambili
Iiklabhu Zababuki Zindwendwe zichonga imibutho engenzi ngeniso ukuze ifumane iminikelo nyaka ngamnye Kwingxowa-mali Yentsapho ka-Airbnb.
UAirbnb uza kunikezela nge$100 miliyoni yeedola zaseMerika ukuya kutsho ngo-2030 kwimibutho esemhlabeni wonke.
Ukuchongwa Kwingxowa-mali Yentsapho kuka-2024 ngoku sele kuqalisile.