Yenza waziwe kakhulu ekuhlaleni

Ukudibana nabantu abangekho Kwinethiwekhi Yababuki Zindwendwe Abancedisayo kunokukunceda wandise ishishini lakho lokuba ngumbuki zindwendwe oncedisayo. Usenokufanelekela ukufumana umvuzo wokumema xa umema ababuki zindwendwe ukuba basebenze nawe.

Cinga ngokuzithengisa kwi-intanethi nangokobuqu ukuze waziwe ngakumbi ekuhlaleni. Amanye amacebiso okukunceda uqalise:

• Chazela inethiwekhi yakho ukuba uyafumaneka. Bonisa abahlobo, intsapho, abamelwane nabantu osebenza nabo iprofayile yakho. Bachazele ukuba ungabanceda bafake indlu baze babuke iindwendwe kwindlu ocinga ukuba ingaqhuba kakuhle kwa-Airbnb.
• Sebenzisana nabantu obaqeshileyo. Buza abantu abacocayo, abenza igadi, nabantu abalungisa izinto ukuba bayasebenza na nababuki zindwendwe abafuna ukuncedwa.
• Yiya kwimicimbi yasekuhlaleni neyenziwa kwi-intanethi. Yandisa inethiwekhi yakho ngokuzazisa kubanini bamakhaya, kumashishini amancinci nasebantwini abakhokelayo kwezokhenketho. Kulungele ukucacisa iinkonzo zakho ngezivakalisi ezimbalwa.

UJimmy, umbuki zindwendwe oncedisayo ePalm Springs, eKhalifoniya, uthi ufumene ababuki zindwendwe “ngokuyintloko ngokuthetha nabanye abantu kwingingqi yam.” Ngokomzekelo, ufumene izindlu ezimbini ezintsha azoba ngumbuki zindwendwe kuzo emntwini ococa ipuli yakhe.

Cinga ngemisebenzi onokuyenza abanye ababuki zindwendwe abancedisayo abangenakuyenza. Amacebiso athile okukunceda uqalise:

• Nika ababuki zindwendwe abatsha uludwe lwezinto ekufuneka ube uyazenza. Cebisa ababuki zindwendwe ngezinto ezinokusetyenziswa, banike amacebiso okucoca nezinto ezibalulekileyo ekufuneka zihlale zikhona.
• Chazela umbuki zindwendwe ngezaphulelo zakho. Mchazele ukuba ungamdibanisa nabantu abanikezela ngeenkonzo ukuba ubuhlobo onabo nabo bungenza umbuki zindwendwe onge imali kwizinto ezifana nokulungiswa kwezinto, ukulungiswa kweyadi, ubugcisa okanye izinto zendlu.
• Yenza izinto zokwamkela iindwendwe. Unokuquka umyalezo obhalwe ngesandla, ibhasikithi enezimuncu-muncu, nencwadi ekuxelela ngendlu eprintiweyo.
• Yenzela iindwendwe incwadi ebonisa iindawo. Sebenzisa ulwazi onalo lwasekuhlaleni ukuze uncede ababuki zindwendwe bacebise ngeendawo ezikufutshane zokutyela, zokuthenga, zokubuka iindawo nezokonwabela izinto zangaphandle. Yifake kwindlu yakhe uze uyilungise qho.

Ungamema ababuki zindwendwe ukuba basebenzisane nawe ngokubathumelela ilinki yokumema.

• Cofa eli qhosha lingezantsi ukuze uye kwiphepha lakho lokumema. Thumela ilinki yakho ekhethekileyo kubabuki zindwendwe, ubakhombe kwiprofayile yakho yombuki zindwendwe oncedisayo.
• Cela ababuki zindwendwe bakuthumelele umyalezo besebenzisa iprofayile yakho. Bakuyenza loo nto, uza kukwazi ukukonektha uze uqalise.
• Balandelele ababuki zindwendwe. Landelela imeko yabo kwithebhu yezicelo kwideshibhodi yakho.

Usenokufanelekela ukufumana umvuzo wokumema emva kokuba ababuki zindwendwe begqibile ukubuka iindwendwe zokuqala ebezihleli kwindawo yazo efanelekayo. Fumanisa ukuba ngabaphi ababuki zindwendwe abafanelekayo kwiphepha lakho lokumema.

Inethiwekhi Yababuki Zindwendwe Abancedisayo ifumaneka eFransi, eSpeyini, eItali, eJamani, eUnited Kingdom, eOstreliya, eMexico (ixhaswa nguAirbnb Global Services Limited), eKhanada, eMerika (ixhaswa nguAirbnb Living LLC), naseBrazil (ixhaswa nguAirbnb Plataforma Digital Ltda).

Inkcazelo ekweli nqaku isenokuba itshintshile emva kokuba lipapashiwe.